xabel diz:

inauguración parque juan negrín

2009-11-25T13:45:00.001Z

inauguración parque juan negrín
Cargado originalmente por xabeldiz

camudando de casa

2009-04-14T15:36:00.001Z

xabel diz qu'agora ta en xixon.izquierdaxunida.com/xabel

2008-07-10T16:45:00.002Z

xabel diz que dellos díes escribir cuesta más qu'otros, la decisión de psoe y pp de torgar, otra vuelta más, la oficialidá de la llingua asturiana, contra'l criteriu d'izquierda xunida-bloque por asturies-los verdes y de la mayoría de la ciudadanía d'asturies.
xabel diz qu'una de les mayores mentires de la fsa, repetida davezu, ye aquella de que la xente n'asturies cada cuatro años pronunciábase sobre la oficialidá, votando. xabel diz que la mentira por miles de vegaes que se diga va siguir siendo lo que ye.
xabel diz que güei siente pena, non solo pola oportunidá perdida pal idioma y los sos derechos, sinon por toda esa xente qu'en dalgún momentu, yá non que lo fixeren, creyeren les mentires de quien, yá yera sabío, nunca diba apoyar el reconocimientu de los derechos llingüísticos y l'apertura d'espacios de llibertá n'asturies. otra vegada'l votu útil yera pa izquierda xunida-bloque por asturies-los verdes, haya cada cual cola so conciencia.

2008-06-24T21:41:00.002Z

xabel diz que los primeros pasos del neolliberalismu na universidá asturiana entamen a notase, n'especial no tocante a la llingua asturiana. el nuevu rector, esi que tuvo respaldáu por dalgunos que se dicen asturianistes y defensores del idioma, na sesión del claustru de la universidá dixó a les clares que de filoloxía asturiana como que non, a una entruga de fai, y eso que la xunta xeneral aprobó testos pidiendo al conseyu d'universidaes españoles la so aprebación. poro nun-y estraña a xabel la decisión, más que razonable y coherente d'ana cano de dimitir como decana de la facultá de filoloxía de la universidá d'asturies.
xabel diz que nun sería nel claustru, que sería énte los profesores de filoloxía... "estos nacionalistas han colocado una pegatina en la puerta del despacho de emilio" dicía la que ficiere una tesis, o yera tesina? sobre un de los millones de bables posibles. y ye que 400 años depués, paez que la universidá asturiana entovía nun evolucionara.

2008-05-29T18:14:00.003Z

xabel diz que de cuando la última reforma del estatutu d'asturies, daquella hasta debía ser "p'asturies", a eso de les 10 de la nueche dalguién entró na coordinadora de la xpdlla glayando "acabo falar con cascos y va haber oficialidá".
xabel diz que depués, cuando llegó'l momentu de que'l pp amosare, col votu, la so posición pa col asturianu, y l'eo-naviegu, votó lo mesmo que'l psoe.
xabel diz que cuenta qu'esta vegada caiga nel erru, porque los antecedentes son claros, y los tiempos nel pp nun-y son propicios pa facer eso, de toes si esti partíu entra nes posiciones qu'izquierda xunida-bloque por asturies-los verdes güei, y primero'l pca, defendieron na xunta xeneral, la oficialidá, habrá que los recibir con un bienallegaos a la racionalidá. de toes formes como dicía'l cantar de barriu sésamo "un globu, dos globos, tres globos, la lluna ye un globu que se m'escapó".

2008-05-08T15:42:00.002Z

xabel diz que por suerte ye como'l restu de blogues. esto ye lo del currículum, el camín faese al andar, nunca na primber entrada, como dalguna xente fae, la verdá ye que da muncha risa. parez que con ello quixeren autoxustificase, nún exerciciu de fariseismu qu'hasta dexaría ablucáu a pablo'l de tarso, claro ta ensín l'ésitu algamáu por esti últimu.
xabel diz qu'estos neolliberales, neofascistes, en nada se paecen a aquellos que llucharon pola llibertá, ellos son los d'inguanzo, los que refugaron cádiz, los que refuguen la ciudadanía y los sos derechos, el primeru'l de la llibertá.
xabel diz qu'hai que tener cuidáu lo mesmo que con mc cain quien sabe si dalgún neofascista español tien la cosa de dicir que ye descendiente de pelayo, la risión, eso son, la risión, o como dicen n'apocalipsys now "l'horror". por ciertu xabel diz que nada nun tien que tapecer.

2008-05-05T12:14:00.002Z

xabel diz que quedó ablucáu cola campaña fascista propuesta sectores del pp asturianu pa prohibir el programa "terapia de grupo", el de la marquesina, el chigre, samba... porque según esti elementu fascistoide, el del pp, traten mal a la llingua asturiana, cuando la usen con normalidá!!! una llocura ensin xacíu, pero qu'amuesa a les clares lo que ye esta xente, el so afán de protagonismu, d'amarillismu, de gocheríu, al final que cuesta trabayu diferenciar énte gianfranco fini y humberto gonzali.

2008-04-28T16:55:00.002Z

xabel diz qué-y acaba de llegar un dossier sobre la situación de llangreo, esi conceyu asturianu nel qu'un grupu de conceyales, electos por izquierda xunida, hai unes selmanes decidieron que yá nun yeren d'iu y que sólo yeren del pce, los estatutos del pce son mui claros sobre eses coses, por ciertu nun tán colgaos de la web, pero que se quedaben col asientu y tamién col grupu municipal, como dicimos n'asturies "unos paisanos" anque nesti casu de paisanos naranxes de la china..

2008-03-24T22:53:00.002Z

xabel diz que l'alderique surdió sobre'l términu desarrollu sostenible, si esa traducción lliteral del inglés podía aplicase ensin más a una llingua llatina como l'asturianu o el castellano, o envede usar el xermánicu tomar un términu d'un idioma más averáu como'l francés.
xabel diz qu'hai unos años nos alcuentros de mocedá de cabueñes tratábase sobre les nueves relaciones económiques y sociales nel mundu, les que ruempen les cadenes y fielatos monetarios al tiempu que sumerxen a la mayor parte de la población nel ermu, eso que per estos llares nómase globalización, y que n'otros dizse mundialización.
xabel diz que toos depués d'aldericar, sele, algamaron la conclusión d'usar el prefixu alter pol so carácter positivu envede'l contra propuestu dende les canales de incomunicación de mases pa definir a quienes proponen un mundu diferente. lo que nun quedó tan claro foi si a lo que se conoz como desarrollu sostenible habrá que lo denominar desarrollu durable.

2008-03-20T11:23:00.003Z

xabel diz que de la polarización, de la involución del sistema democráticu, del estáu nos sos aspectos principales, destaca un rasgu perenriba de cualesquier otru, un aspeutu social que provoque la reflexón sobre en qué se ta fallando con una mocedá que na so mayoría yá nun ye que nun seya participativa sinon que refuga de la implicación ciudadana.
xabel diz qu'entraba nuna cafetería chic, anque nada tenía que ver colo chic, y atópose como dientro d'un vórtice que lu tresportaba a otra época, les formes de vestir, bien paecía qu'envede a entamos del sieglu xxi tuviese nos entamos del xx. al alir del sitiu pasaben dellos carricoches ya non del vixésimu sinon decimononos, neños y neñes vestíes tal y como mr. burns de guah.e, valga equí la estensión del significáu de la pallabra. too ello asemeyando una correcta orquestación sincronizada de la sociedá.
xabel diz qu'esta mañana de xueves el comercio anunciaba la visita de misioneros a los conceyos de ponga, amieva y cabrales, los lexonarios de cristo rei o regnun christi, la ultraderecha rancia y fascistoide, la involución permitida y fomentada , o como dicen n'apocalypsis now "l'horror".

2008-03-14T18:28:00.003Z

xabel diz que facer una valoración d'unes elecciones siempre ye un fechu suxetivu, nunca oxetivu, del que quien la fae busca en tou momentu un analís positivu del fechu, menos entá cuando los resultaos nun son lo que s'esperaben, y nel casu d'iu con cerca d'un millón de votos y dos diputaos hai que reconocer que ye absoluta incoherencia xurídica.
xabel diz que los resultaos d'iu n'asturies responden a una ilóxica percepción electoral na que, lo mesmo que nel 2004, se buscaba la desapaición de la derecha de la representación parlamentaria algamando que se mantuviera col mesmu númberu de diputaos que nos anteriores comicios, dando una gran mayoría a una supuesta representación asturiana que nada va facer polos intereses del país.
xabel diz que si daqué quedó claro nestes elecciones ye que la única apuesta electoral seria del asturianismu políticu y cultural ye izquierda xunida, contra aquellos que quixeron aprovechase del votu asturianista y que llegaes les 8 la tarde refugaron dafechu d'ello , izquierda xunida va ser la única garantía de que la voz d'oficialidá se sienta otra vegada más, como vien faciendo dende siempre, na xunta xeneral d'asturies, los que tantu glayaron polos bables ya arrenunciaron de cara a la reforma l'estatutu.

2008-03-05T19:57:00.000Z

por qué merez la pena votar izquierda xunida-ba-lv esti domingu

2008-03-05T19:50:00.002Z

xabel diz qu'hai pocos, de la que yera mozu y, tenía que llevar papeles al rexistru del conceyu d'uviéu siempre tenía problemes porque la primer fueya de tolos informes taba n'asturianu, o en dalguna modalidá bables que-y presta dicir al alcalde d'uviéu. cansu un día de los problemes que diben surdiendo por mor de la llingua, garró un foliu garabtiáu pa empobinalu al entós conceyal de mocedá d'uviéu... tiempu depués xabel enteróse que nos rexistros oficiales tán obligaos a almitir cualesquier cosa, anque tea escrita en bables.

2008-03-05T00:15:00.001Z

2008-02-26T23:30:00.002Z

que nun t'engañen

vota izquierda xunida

2008-02-26T00:15:00.001Z

xabel diz que dalgún de los díes en que tuvo en clas deprendió conceptos básicos sobre como funcionaba l’internet. aquel día precisamente falábase de qu’anque un servidor sufriere un ataque aquello nun diba afectar al funcionamientu del conxuntu de la rede, poles múltiples interconexones ente los nodos y otres cuestiones binaries que nun paga la pena esplicar.
xabel diz que depués del corte del youtube del domingu, provocáu pola censura paquistaní a esti sitiu, la rede ye entovía más insegura, non son coses del phising y de los virus, pa la llibertá. ya sabíemos del poder de les corporaciones multinacionales y los estaos pal control de la navegación pero’l puntu de que dende un país cualquiera, una persona cualquiera, pueda desconectar un espaciu de referencia obliga a que se tengan que reformular les teoríes, y les práctiques, de la rede.
xabel diz que la rede evolucionó más rapidamente que la historia global de la humanidá, véase’l rápidu enriquecimientu neolliberal, les crisis bursátiles posteriores, nun periodu increiblemente curtiu. too ello nun nuevu mundu caracterizáu pola teórica ausencia de control, anque como vemos nel exemplu anterior, cualesquier puede tener el control y tou control ayenu a la colectividá ye malo.

2008-02-23T18:35:00.002Z

xabel diz qu'una de les muestres más clares de la involución social y de la evolución tecnolóxica son los muros. esta selmana los estaos xuníos anunciaben la instalación de la nueva xeneración en materia de llendadores pa frenar la entrada d'inmigrantes nel país de la cocacola.
xabel diz que na europa eclipsada polos eeuu dende aquello del plan marshall, que nun foi otra cosa más qu'una forma de contrarestar el pesu de la izquierda política nel continente, les llendes democrátiques afítense nel bipartidismu a l'americana. imitando hasta nos xestos los fastos d'un país nel que vota poco más del 30%, y nel que les polítiques a desenvolver polos dos grandes partíos son los mesmes a escepción de dalgunos matices.
xabel diz que ensin dulda otra grande, que tampoco ye física, ye la qu'impón la llei electoral española cola que los votos valen más o menos dependiendo d'una entidá, la provincia, qu'hai yá munchos años que tendría que tar nun arca.

2008-02-23T12:20:00.002Z

xabel diz qu'hai unos díes comentáben-y unos collacios que diben votar al psoe por aquello de que'l pp nun volviera al gobiernu, anque dixeren que lo que más-yos prestaba yera izquierda xunida... el so votu ye d'esos que llamen útil, anque a la fin ye un votu inútil a la vista de la última llexislatura socialista. nesta presentación asoléyense dalgunes de les característiques d'esi votu, y una cuestión de profunda importancia como ye la llei electoral española.

el votu inútil por: guest8ae105

| View | Upload your own

una esplicación sobre'l supuestu votu útil a los partíos mayoritarios
SlideShare Link

2008-02-20T19:11:00.002Z

xabel diz qu'antayeri n'asturies pasó un acontencimientu de la ostia, dióse'l premiu al meyor pinchu. y ye que si hai dalgo different nel mundu eso ye asturies. y eso que tamos n'ellecciones...

2008-02-19T10:36:00.002Z

xabel diz viva fidel! viva cuba llibre! viva la democracia socialista!

2008-02-18T23:55:00.002Z

xabel diz que la sibilina llingua de la derecha ye torpe hasta pa dicir mentires, mira que poner un testu enteru con cursiva. cuestión esta que nun mos ha dexar dormíos si non qu'hai que siguir el llema del pca "más val prevenir que curiar. hai que fortificar asturies" y el cimientu más sólidu d'esti país ye laura.

2008-02-17T17:07:00.002Z

xabel diz que mariano rajoy, persona que nun va gobernar porque la derecha non va algamar el poder, tien un despachu virtual. el lema del despachu ye "quedan x horas y minutos z segundos para combatir la inmigración ilegal". sinvergüenza.

2008-02-17T16:34:00.002Z

xabel diz que kosovo acaba declarase independiente, felicidaes; la vieya europa parez carecer de sistema nerviosu, quedando ensin reacción énte un pueblu européu que sal a les cais con banderes americanes.

2008-02-17T16:05:00.002Z

xabel diz qu'esti domingu ye'l de les encuestes, depués de selmanes na cocina, los medios de comunicación asoleyen les sos previsiones electorales, como si d'un editorial se tratara. quiciaves un bon analís de la encuesta oficial seya esti.

2008-02-15T13:24:00.002Z

xabel diz que, dependiendo de l'autodeterminación selmanal de cada estáu, kosovo va declarar la so independencia esta o la selmana qu'entra, poniendo fin a un conflictu que lleva décades ardiendo nos balcanes. dando asina respuesta positiva a la voluntá de soberanía de la ciudadanía d'esti futuru estáu balcánicu.

2008-02-09T00:29:00.000Z

xabel diz que dicía la güela d'obama que la reina traxera a kenia'l vezu del té. xabel diz que la reina garró'l té asiáticu y dexo na india la llingua franca.

2008-02-09T00:24:00.000Z

xabel diz que como dicía safo lo más guapo nun son los exércitos sinon lo qu'ames.

2008-02-09T00:15:00.000Z

xabel diz qu'otres vegaes les imáxenes asoleyen cuestiones confuses, sí el photoshop fae maraviyes mediante interpolaciones y esterpolaciones, llegando en casos a poder amuesar una realidá que nun ye la del sitiu que se quier amosar.

2008-02-09T00:12:00.000Z

xabel diz que la imaxe úsase cola fin de distorsionar l'anuncia en munches ocasiones, desviar l'atención del receptor/a hacia l'interés políticu del mediu de tresmisión de la información.

2008-02-06T23:14:00.000Z

xabel diz que bien se nota que nun tolos que paguen impuestos pueden votar.

2008-02-06T23:11:00.000Z

xabel diz que lleía en dellos llibros qu'hai unes décades el partíu comunista italianu tenía posibilidaes d'algamar la mayoría de los votos del pueblu italianu de secute llegó la cia, coles perres y apaeció esa cosa que llamen el centro-izquierda italianu, dende aquella nunca más un gobiernu estable n'italia.

2008-02-05T20:41:00.000Z

xabel diz que s’engarren solbes y pizarro por ver quien meyor na escuela, la del neolliberalismu, la que condena a la mocedá asturiano a buscar lo que nun tien allende'l cordal.

2008-02-05T20:35:00.000Z

xabel diz que n’áfrica combate con arcos y fleches pa los buenistes eso nun ye una guerra. palestina, israel alluma’l cielu cola lluz de los misiles, naciones xuníes fala y reniega l’actuación, reniega de lo que lleva dende la so creación lleva falando.

2008-02-03T16:29:00.000Z

xabel diz que diría gila "oiga el vaticano, aquí moratinos de españa, oigan que los obispos no paran de meterse en la vida civil... bueno, pero... no, por favor no se preocupen de la concertada, del concordato por supuesto que de revisión ni hablar, además recuerde que con nuestro gobierno la iglesia ingresó más...". xabel diz que más izquierda xunida nel parlamentu español ye'l meyor antídotu contra la submisión relixosa.

2008-01-28T23:50:00.000Z

xabel diz que la derecha tiembla cuando la ciudadanía algama derechos, glayen los sos medios a la llucha polos privilexos, d'unes condiciones del vieyu réxime. la esquierda uruguaya va de vacances, escriben en el mundo, ha ser terrible'l trabayu de corresponsal d'un mediu neolliberal n'américa llatina.

2008-01-28T18:18:00.000Z

xabel diz qu'esta fin de selmana'l mimetismu ente psoe y pp foi tan claru que lo normal sería que ficieren llistes conxuntes.

2008-01-28T18:08:00.000Z

xabel diz echa cuentes: 2500 en 9 meses por fíu o fía +500 del ordenador y adsl +120 de los llibros de testu +240 al mes por emancipase primero de los 30 +400 por facer la declaración de la renta =3760€. y ye a lo que lleva neoliberalismu, l`estáu xestionáu con criterios d`empresa, repartu de beneficios a fin d´añu. estáu español gastu públicu n´educación (añu 2000) 4,5%; estonia mesmu gastu 7,5%; austria 5,8%; dinamarca 8,2%; portugal 5,8% (datos de le monde diplomatique "europa momentos decisivos").

2008-01-25T18:47:00.000Z

xabel diz qu'un bon apunte pa los y les antroxeres ye que n'asturies carnaval suena a coche.

2008-01-25T18:35:00.000Z

xabel diz qu'agora que la humanidá ta a puntu d'algamar el surdimientu de la vida igual vien la ilesia y tira los cimientos.

2008-01-24T23:27:00.000Z

xabel diz que nel prósperu, ya inmune a les crisis económiques, estáu español hai xente que pa vivir tien que llevase'l cable de les catenaries anque dende la empresa dicen que hebo un fallu. un estudiu que diz que'l 25% de los neños viven na probitú. un gobiernu que nun tien presupuestu pal salariu social y sí pa regalar ordenadores. y ye que too depende del sistema operativu.

2008-01-24T19:23:00.000Z

xabel diz que mañana francisco frutos depués d'aniquilar el psuc y el pce, pactar col psoe más neolliberal, cumple 69 años, y depués de tan frutifera carrera política diz que nun se va xubilar, igual que paco l'ursurpador.

2008-01-24T19:06:00.000Z

xabel diz qu'igual qu'hai cientocincuenta años el zar y les monarquíes europees axuntaben les sos fuercies pa lluchar contra'l movimientu proletariu, anguaño la ilesia y les oligarquíes europees llevanten les sos armes pa combatir los avances sociales.

2008-01-23T23:09:00.000Z

xabel diz que dixo mao: "pal añu 2001, a entamos del siglu xxi, la china esperimentó cambeos entá mayores. va ser un poderosu país industrial socialista. y asina ha ser".

2008-01-23T23:01:00.001Z

xabel diz que depués de tiempu d'autoesperimentación na llectura de blogs decantóse por facer entraes con menos lletres y más enllaces.

2008-01-23T22:57:00.000Z

xabel diz que esti titular podría ser real n'asturies de nun cambiar les coses: "una llingua menos".

2008-01-22T20:58:00.000Z

xabel diz que mal lo van llevar los pitos monteses, si ye que-yos puede dir peor, pa llegar hasta escocia como anuncia na so edición de güei la voz de asturias. recuerda'l titular a aquella frase d'hasta que les ranes, que tamién lo pasen mal, críen pelo, y como tou'l mundu sabe'l pitu montés nun vuela, y cada día que pasa tien más posibilidaes de desapaecer, de nun correxise les actuaciones previstes pola fsa-psoe nes aries de poblamientu. la fundación seo/birdlife publica un perinteresante estudiu sobre la cuestión.

2008-01-19T19:15:00.000Z

xabel diz qu'esta entrada númberu 301 faese na ciudá del non pasarán, esi glayíu, esi llema de resistencia cívica y democrática, republicana, col que madrid resistió la sabaxe envestida del fascismu. xabel diz que ye una casualidá facela nesti llugar de la meseta ibérica, nel que la ultraderecha lliberal, la que mancha'l nome del lliberalismu cívicu proclamáu ente los sieglos xviii y xix, arrasa con cualesquier avance social.
xabel diz qu'una de les más importantes llabores qu'esisten cuando se quier reflexar, dende un puntu de vista subxetivu, ye escuchar les conversaciones, imaxinar d'au ye la xente que ta sentada a la to vera, ya seya nel metro de madrid o nel tua de llatores. asina xabel diz que la señora d'enfrente del metro, tenía rasgos d'asturiana, que nun ye nin meyor nin peor pero ye, y espresiones llingüístiques asturianes, falaba ella del recorte de llibertá de la clas obrera, que coses cuando les sos traces identificábenla dafechu cola supuesta esperanza.
xabel diz qu'anque siga sintiéndose estranxeru nesta ciudá, que lo ye, poco a poco entama a vela como un espaciu agradable, quiciaves por tener equí más amigos que n'asturies, anque claro eses amistaes, como la señora de rasgos asturianos y lo que dicía, seyan lleendes urbanes.

2008-01-05T10:58:00.000Z

xabel diz que llegó a eslovaquia un día depués de qu'esti país européu entrara dientro del alcuerdu schengen, polo que los sos ciudadanos pueden circular llibremente pel territoriu de la ue y d'otros paises non ue que tamién lu roblaron. esa tarde darréu quitar les fronteres austria decidió prohibir la circulación per 20 metros de la carretera qu'axunta los dos paises ente les 22 y les 06 hores, torgando asina la llibertá de movimientos que debiere dar esti tratáu, utilizando pa ello una feble escusa.
xabel diz que güei ta en frankfurt-hahn volviendo pa santander, pasa'l control d'equipaxes, nun ha amuesar la so documentación; cuando de la que diba pa bratislava si lo tenía que facer, ye más, hasta la terminal ye diferente. depués enllénse d'arguyu diciendo que toos somos europeos, toos colos mesmos derechos, y dalgunos hasta con más obligaciones y controles que los demás, la diferencia, polo que se diz ta nel tiempu d'adaptación, anque la realidá amuese que la europa occidental sigue mirando con temor, infundáu, al este.
xabel diz que la vieya europa sofre la so propia paranoia a convertise nel referente políticu mundial, representada en cuestiones como l'aprobación d'un tratáu de reforma institucional aprobáu a espaldes de la ciudadanía europea, refugáu'l primeru non polos símbolos si non poles polítiques antisociales derivaes del mesmu. xabel diz que bien parez que de la utopía d'una unión federal, política y ciudadana de los pueblos d'europa solo queden les povises escaecíes por unes polítiques nes que lo importante ye la llibre circulación del capital y non la construcción d'un espaciu de referencia na defensa de los derechos de la ciudadanía.

2007-12-23T15:41:00.000Z

xabel diz que pel ventanu l'avión veía un pórticu que-y sonaba del tour, segundos depués veía la torre eifiel, y la catedral de notre dame, taba perenriba parís. xabel diz que quiciabes lo que más sorprenda de parís dende l'aire seya la ordenación urbana, estensible al restu de la república francesa.

xabel diz qu'un ratu depués arribó en frankfurt hahm, un aeropuertu que de tar migoya sería como'l d'asturies, pero como nun ta migoya agora ye ún de los más importantes d'europa na tema de los vuelos baratos, esos que cuesten menos que dir en alsa hasta cabrales. xabel diz que fuera ta frio pero dientro dientro tienen calefacción.
xabel diz qu'otra más de les sorpreses ye que a la hora de xintar por un solomillu y un llitru cerveza tostada, el solomillu taba bien rico, y un café grande, la nota 20,70€. nel aeropuertu de santander, provincia na que nun ta migoya, por un pinchu y una caña, de les de madrid, cóbrente cerca 7€, y el pinchu de conxelador. en fin que ta xabel más llibre n'europa qu'igual-y da por quedar.

2007-12-14T21:45:00.000Z

xabel diz qu'esta selmana si hebo una noticia que na so dimensión superó al restu esa ye la de la eliminación del tren nocherniegu a madrid, esi col que se podía tar al alborecer paseando pela castellana, esi nel que por más que se pagara clase preferente la realidá yera de tercera, esi que daba un serviciu necesariu.
xabel diz que la progresiva implantación de la alta velocidá na península, siguiendo'l caducu modelu radial, ta trayendo bien de problemes, asina les más que necesaries inversiones nes redes de cercaníes queden pa prau y la llegada de les diferentes clases de páxaros conlleven la desapaición de los servicios conocíos como rexonales suponiendo esto un aumentu del preciu del billete.
xabel diz que nun hai munchos años qu'a esti tren espresu quitáben-y dellos vagones, el pesu económicu, poblacional y políticu d'asturies xustificaba aquello, la selmana qu'entra asturies, ún de los países nos que'l ferrocarril algamó mayores densidaes, pierde ún de los sos símbolos.

2007-12-09T19:40:00.000Z

xabel diz que dicen los periódicos que n'asturies hai más chigres per habitante qu'en nenguna otra parte del estáu, cuestión ésta que nun ye otra más del nuesu fechu diferencial de necesidá de sociabilidá y de compartir el nuesu tiempu ociosu colos nuesos vecinos y vecines, nun espaciu que nun tea lloñe de la nuesa casa.
xabel diz que datos como ésti de los chigres nun son pa llevanos les manes a la cabeza nin nada paecío, constituyen puntos d'atención pa dalgunos conceyales d'urbanismu, ente los que detaca uviéu, miles de viviendes costruyíes en la corredoria, la carisa, la florida... ensin nenguna triba de serviciu públicu más allá de los megacentros comerciales.
xabel diz que tamién dicen los periódicos qu'asturies ye de los países con más densidá de grandes superficies comerciales, y eso que tán sólo nel centru, como la escuela de pagu y concertada. pel mediu queden les tiendes pequeñes, arrequexaes por horarios que torguen la so rentabilidá y viabilidá. el chigre de tola vida, nel que les pintes siguen siendo asturianes y non imperiales, como la tienda del barriu elementos a promocionar como vertebradores de la vida ciudadana d'esti país.

2007-12-04T18:15:00.000Z

xabel diz que ve na prensa que la mocedá tien que dedicar dos tercios del so sueldu pa mercar una vivienda, una casa. la medria de los sueldos de la vivienda va provocando, pasu ente pasu, que poder exercer el derechu, negáu pol soe y pp, a la vivienda seya cada vegada más enfarragoso.
xabel diz que l'abandonu, provocáu poles doctrines neolliberales, sobre la vivienda, sobre'l suelu, provoca que les alministraciones en mui pocos casos puedan exercer aiciones conducentes a una regularización del accesu, asina como rebaxar los precios.
xabel diz qu'hai un tiempu, de la que se fizo la normativa asturiana del suelu, darréu xeneralizaríense los planes xenerales d'ordenación urbana, dalgunos conceyos, pocos, ficieron por enanchar los márxenes empobinaos a la construcción de viviendes con dalgún tipu de proteición, eses que non sólo se fain por mor d'abellugar a les clases con menor poder de compra sinon que tamién contribuín de mou directu a favorecer una baxada de los precios de la vivienda, mediante la promoción direuta o subvencionada, siempre baxo'l control del estáu, de les viviendes. introducir mecanismos de regularización, evitar que la plusvalía valga más que les persones.

2007-11-27T21:58:00.000Z

xabel diz que, lo mesmo que la tónica tien de ser schweppes y non d'esa nordic mist o como la quieran nomar, la política n'europa ha ser europea, esto ye una confrontación fonda de les idegues y ideoloxíes que conformen la nuesa sociedá, lo demás ye un simple xuegu mediáticu de lluces de collores guapes pero que non ayuden a avanzar hacia una sociedá meyor.

xabel diz que la puesta n'escena de la precampaña del primer ministru español zapatero al más puru estilu del partíu demócrata de los usa, de política tien poco y muncho d'operación trunfu. la ciudadanía europea pasa a ser una cenciella enviadora de sms que decide ente eliminar al candidatu a o b, dos opciones nes que la so calidá artística sobrepasa a la política.
xabel diz que la reciente incorporación de bill clinton, sí esi que nun firmó kioto, como al gore, pa sofitar a facer el programa del psoe, nun ye más que l'amuesa de que nel país européu cola derecha más americana, l'antigua socialdemocracia neolliberal, si ye qu'esti contradictoriu términu ye posible, termina por abrazar los postulaos demócrates americanos. xabel diz qu'ente ferres y roses, o alcahofes como l'amigu de frutos, ellí quédase coles lletres iu.

2007-11-25T20:15:00.000Z

xabel diz que munches vegaes diz lo que nun tendría que dicir. asina güei nun tendría que dicir que la sumisión de la vicepresidenta española de la vega pa col vaticanu ye una cuestión que trae alcordances d'otros tiempos. una sumisión publicada nel día que se llucha contra la violencia de xéneru, que na mayor parte de los casos conlleva la sumisión forzosa.
xabel diz qu'al mesmu tiempu que de la vega poníase un rodillu na tiesta, n'asturies sancionábase a un mozu por non quitar la gorra pa dir a clas. y nel restu del estáu entama, o continua, un alderique venceyáu a la vestimenta relixosa nos espacios públicos, lo que mos lleva otra vuelta más a la sumisión impuesta dende los patriarcaos, y nesti casu nun ye'l de constantinopla, pronúnciese estambul.
xabel diz que quiciaves de los primeros pasos qu'hai que dar p'algamar, pa romper les cadenes de la opresión, seya amuesar que la ciudadanía siéntese llibre, llibre en tolos sentíos, hasta pa decidir los modelos económicos, que nel fondu costituyen los principales grilletes de la nuesa esistencia como lo qu'habemos ser ciudadanos y ciudadanes.

2007-11-22T18:58:00.000Z

xabel diz que pasaba perehí, como l'aute esi que tanto-y presta al electropedagogo, per esi perehí que ye l'internet buscando anuncies relacionaes con eslovaquia. como l'aute tampoco pudo resistise a nun llamar cuando lleía que facer un manual d'historia conxuntu pa hungría y eslovaquia diba ser enforma difícil... por aquella cuestión de que los húngaros ocuparen política y militarmente durante cientos d'años, y eso ha quedar reflexao.
xabel diz que la iniciativa sigue'l modelu francu-alemán qu'hai un tiempu decidieron compartir un llibru sobre la historia de los dos países. una propuesta interesante de cara a la configuración d'un modelu de ciudadanía europea que supere los marcos establecíos polos estaos nación.
xabel diz qu'eso mesmo bien pudiere pasar con portugal y l'estáu español, un modelu que yá se plantegara nesti espaciu. sicasí, teniendo en cuenta'l respetu col que nos llibros d'historia española se traten a les diferentes naciones que componen l'estáu español, posiblemente l'obxetivu d'axuntar acabara notra demostración del nacionalismu castellanu, esi qu'un bon día decidió vivir d'espaldes a portugal y al restu d'europa.

2007-11-18T21:54:00.002Z

xabel diz qu'hai unos meses, depués d'años de reflexón, tomó una decisión que camentaba diba-y cambiar la vida, mercar un mac. lo de cambiar la vida yera más nada que pol mieu a nun tener programes o la compatibilidá de dalgunos ficheros, les bases de datos del ms access solu son compatibles col windows. pasáu'l tiempu la esperiencia, amás de productiva, ye más que bona, los programes son fáciles d'atopar, los cracks lo mesmo, igual lo único ye que nun hai bayura de xuegos, anque pa eso ta'l pc. la distribución ubuntu de linux ehí sigue tamién dando bona utilidá.
xabel diz que lleva unos meses siguiendo los diferentes programes pa ver la televisión pel ordenador, ente los que destaquen joost y zatoo, esti últimu autollendáu a una riestra canales estatales a les que sumen la tv polaca y la francesa tv5, con una calidá de video y audio aceptables anque la ufierta seya enforma escasa. l'otru ye joost, que sí tien una ufierta ablucante, cola ventaya de que la programación ta grabada, en delles canales. otra podría ser channel chooser, una páxina que garra directamente la señal de les televisiones, como zatoo pero con milenta canales.
xabel diz que solu tien un problema, que nun ye d'elli, la conexón a la banda ancha, a la febra óptico de telecable, que si hai unos años yera revolucionaria anguaño quédase más que probe, y pagar págase abondo. y ye que con una xiga ye difícil disfrutar de les nueves canales de comunicación.

2007-11-17T17:59:00.000Z

xabel diz que lleva un tiempu grande ensin escribir, nun ye dicir gran cosa pero dalgo y dalgo, y eso que coses pasen, otra cuestión ta na voluntá de sentase pa escribir más allá de daqué borrador que nun va dir a nengún siitiu.

xabel diz que nesti casi mes que lleva ensin escribir prebara a lo facer de munches coses dende l'actitú colonialista del rei español, anque españa nun tuviere colonies porque tenía provincies d'ultramar, de la separación de la fia mayor del rei d'españa.
xabel diz que tamién pudo escribir más sobre la campaña de gaspar llamazares, que bona esa tarde de miércoles, que pudo escribir sobre'l boletín del pce del día 15 nel que se-yos escaeció dicir que ganó llamazares, que marga nun ganó, y ellos perdieron. xabel diz que pasó'l tiempu y nun escribió, poco importa, ye un ciclu, igual mañana aparez otra entrada.

2007-10-26T17:35:00.000Z

xabel diz qu'hai un tiempu dixo que'l so blog nun yera un campu de marte, que yera un espaciu nel que amosaba les sos reflexones sobre diferentes cuestiones que podíen incidir en dalgún grau na sociedá, más les cuestiones sobre les qu'escribe xabel que la opinión de xabel.
xabel diz que como cualesquier persona con un mínimo d'información conoz el prósimu mes cellébrense les primeres elecciones primaries n'izquierda xunida, una organización política na que milita xabel y que tien más d'un millón de votos nel conxuntu del estáu; anque'l resultáu electoral nun se vea reflexáu pola dispersión y repartu de representantes congresuales; esto ye unes elecciones nes que se va decidir la voz política d'un énte que tendría más población qu'asturies.
xabel diz que de los dos candidatos sólo conoz a ún, a gaspar llamazares, conoz la so aición, la so política y la so defensa de los intereses d'asturies y de la clas trabayadora, amosaes bien d'ocasiones mesmo na so etapa n'asturies, cola defensa de los derechos llingüísticos sobremanera o nel espaciu sindical de les comisiones obreres, la defensa de los valores republicanos... xabel diz que cuando mande la papeleta va facelo pensando n'asturies, pensando nel socialismu, na lliberta y el federalismu, va facelo por gaspar.

2007-10-17T20:00:00.000Z

xabel diz que la selmana pasada entamaba a funcionar la ponencia del futuru máximu testu llegal d'asturies, l'estatutu. una reforma que llega tarde, y na que los derechos civiles de la población asturiana entrense otra vegada más en xuegu.
xabel diz que los representantes del pueblu asturianu tienen ante ellos la posibilidá d'iguar la torga de los derechos fundamentales d'una nación, d'un conxuntu d'homes y muyeres qu'a lo llargo de la historia conformáronse como pueblu en tornu a unes característiques culturales y polítiques estremaes, y al tiempu venceyaes, de les de los pueblos de les sos fronteres.
xabel diz que d'entrada de 45 diputaos solu 4 apoyen el desenvolvimientu de los derechos civiles y colectivos, los d'izquierda xunida. nes otres reformes el pactu estatutariu, a la baxa, ente psoe y pp, torgó la voluntá d'autogobiernu, la necesidá de reconocer los derechos llingüísticos, condenó a esti país a la tercera clas d'un tren qu'otros sí supieron aprovechar. xabel diz qu'izquierda xunida, como siempre fizo, nunca nun va sofitar un estatutu a la baxa, un estatutu como'l que quieren psoe y pp que siga negando derechos, condenando a esti país, a esta nación, al últimu vagón del desarrollu.

2007-10-13T19:09:00.000Z

xabel diz qu'esta selmana'l parlamentu español aprobaba una de les lleis más importantes de la hestoria de la reciente democracia nel estáu, la llei de la memoria histórica. una llei que como diz l'informe del grupu parlamentariu d'iu-icv nun ye un puntu de llegada si non un puntu de partida.
xabel diz que les reacciones por esta llei; anque durante tola llexislatura la reacción ye un presente, por más que s'envuelvan nos símbolos constitucionales; nun van tardar n'apaecer. solo d'esa forma ye comprensible que'l xefe de la curia española anunciara la inmediata beatificación, que nun dexa de ser un limbo, de 400 sacerdotes y monxos católicos muertos na guerra civil, la construcción d'una basílica en valéncia o coses como la del cura de nava que diz que solo va quitar la ominosa placa de los muros de la ilesia hasta que'l plenu del ayuntamientu nun vote por unanimidá a favor d'ello. el cura diz que la ilesia non la puso, solo dio'l permisu... suerte que ye una placa porque bien podría ser un garrote, o un potru de tortura...
xabel diz qu'en dellos conceyos les coses son d'otra forma, anque nun taría de más que l'estáu mirara lo que subvenciona, iniciatives como les de quitar los títulos honoríficos a franquistes han vese como una iniciativa de normalidá. o ye que nel pp tamién s'oponen a que daqué xefe de campu de concentración nazi siga ostentando cruces de fierro y títulos del 3 reich?
como diz el cantar "nosotros queremos la paz, la paz con dignidad"

2007-10-10T19:58:00.000Z

xabel diz que viendo les noticies a la hora de comer ablucaba sintiendo a pio garcía escudero abrir los cuatro sellos del apocalipsis nel senáu español. xabel diz que dicía escudero que si se taba rompiendo españa, que si la bandera, que si la monarquía... too coses mui guapes y poles, que se sepa, nunca naide nun votó.
xabel diz que la siguiente noticia yera'l presidente del pp, mariano rajoy, emitiendo un llamamamientu a la participación de los españoles nos actos del prósimu 12 d'ochobre. mesmo'l primeru como'l segundu bien paecíen ser actores, actuando ún como calvo sotelo y l'otru como jose antonio primo de rivera. xabel diz que de xuru ye la comparación, terrible, que se pue facer d'esti casu.
xabel diz qu'ayer el presidente del conseyu de la mocedá d'asturies pedía que s'ampliaren les medíes de fomentu del empléu pa la mocedá. facienda sitúa a asturies énte les comunidaes onde la mocedá cobra menos. xabel diz que por eso sí se vota.

2007-10-05T16:53:00.000Z

xabel diz qu'anden per españa mui lliaos con toles temes que tienen, que si la corona, que si l'himnu... asina pasen les coses que cuando della xente s'aconceya acaba na arrestada, ensin sabese mui bien a qué, artículu de la constitución, s'atener.
xabel diz qu'en chile anque los xueces, tamién tarden, acaben detener a la familia del alumnu d'escuela de franco, pinochet, por lladrones. nel estáu español el congresu, a propuesta d'iu-icv acaba de votase una resolución pa que trenta años el patrimoniu d'esta familia vuelva a les manes de quien siempre fue, que ye del estáu.
xabel diz qu'asina les coses cada país paez aplicar les sos normes respeutu a los réximenes que condenaron al pueblu a époques escures, ensin nenguna llibertá, bono sí la económica que como diz chomsky ye lo que cuenta. al mesmu tiempu entrúguen-y a xabel pol réxime cubanu, qué-y va dicir, que va criticar, xabel a un pueblu que dende va yá más de 50 años escoyó un réxime democráticu non lliberal, pos eso cada pueblu ye llibre pa decidir el so futuru, lo que nun ye asumible ye que dende dalgunos supuestos ideolóxicos, económicos, se quiera echar atrás la decisión del pueblu. asina que güei con fidel, mañana con quien decidan los y les cubanes viva cuba llibre!

2007-09-27T16:52:00.001Z

xabel diz qu'anda la ilesia mui preocupada poles paternidaes, lo que ye una ccosa enforma grave teniendo grave teniendo en cuenta que quien la inspiró polo que sabe anguaño tampoco tenía padre conocíu, polos métodos científicos.
xabel diz qu'asina la ilesia asturiana hai unes selmanes despedía a ún de los sos oficiantes, avézase dicir asina cuando a un trabayador lu echen del trabayu, por tener una relación estable con una persona de diferente sexu, entrando en frontal confrontación, a la fin too ye una llucha lo que mueve'l mundu, col votu de celibatu, que non castidá, al que son obligaos los oficiantes de los sos rituales.
xabel diz que güei la conferencia episcopal de toledo, como l'alcazar, diz que les ayudes a la natalidá han empobinase a aquellos neños y neñes que tengan padre conocíu. xabel diz-y a la ilesia española que siga l'exemplu que predica y devuelva toles donaciones feches a nome de xesús el de maría, de padre desconocíu.

2007-09-24T16:51:00.000Z

xabel diz qu'españa por más que los preámbulos digan ye un estáu monocolor, ensin forma, ensin variedá. xabel diz alcordáse d'hai bien d'años, sí munchos anque xabel seya mozu, cuando sintía a unos amigos mexicanos falar de les sos cuarenta canales de televisión. elli, ablucáu, dicía-yos, con vergoña, que sólo tenía dos, eso cuando nun taba en cabrales a onde nun llegaba la uhf.
xabel diz que peles mañanes cuando dan el resume de les portaes de los principales medios de prensa escrito con sentir una yá algama conocencia abondo como p'alvidrar el conteníu de les demás portaes. xabel diz que qué dicir cuando envede portaes son titulares, por nun entrar a falar, más si cabe, de la cuestión televisiva.
xabel diz qu'esti miércoles va asoleyase un nuevu periódicu, cola voluntá de ser un diariu d'izquierdes, ensin disimular. nun tardo'l tiempu, enantes de que s'asoleyara pa que la gandaya de la pretendida izquierda dixere que nun se trata más qu'una campaña preelectotal orquestada pol gobiernu español; xabel diz-yos qu'allá ellos, o como diría l'otru "ya t'oyí navaya", si prefieren facer xuicios de valor a analizar la rialidá. xabel, enantes de que lu asoleyen, da-y la bienllegada a publico, depués yá se verá.

2007-09-20T15:28:00.000Z

xabel diz que sí que ta n'izquierda xunida d'asturies, que ta nel partíu comunista d'asturies, que sigue creyendo nun estáu federal asturianu, que sige teniendo la defensa de los derechos de la ciudadanía, y d'asturies como nación, como'l so másimu obxetivu.
xabel diz que depués d'años de reflexón llegó a la conclusión de que l'únicu proyeutu de futuru pal asturianismu políticu, p'asturies, ye izquierda xunida; nun foi un calentón, non, y eso sábelo perbién xente del so entornu, lo mesmo que saben que cuando se produxo la situación de comunicar la so intención de siguir lluchando n'otru espaciu políticu, esta vegada con voz y presencia na sociedá asturiano, tampoco foi una cuestión cenciella pa xabel. nun significaba, repite xabel, abandonar el so compromisu militante y activista, la nueva etapa abrióse d'una forma esperanzadora y ilusionadora que sigue presente.
xabel diz que nun-y presta que'l so trabayu seya anuncia, que tampoco-y presta ver como xente que nun lu conoz fala sobre elli en términos que rayen la corrección. xabel diz que si hai dalgo que sí-y presta dafechu ye saber que toles sos enerxíes tán, agora como ayer, puestes na mesma llucha, la del reconocimientu d'esti país. xabel nun cuestiona les decisiones de naide, nin siquiera les comenta anónimamente; naide, camienta xabel, tien tampoco porqué tirar la piedra y agachar la tiesta al ver pasar a xabel.

2007-09-19T10:30:00.000Z

xabel diz que según un estudiu cada dos selmanes desapaez una llingua nel mundu: una cultura, una forma de vida, milenios de convivencia social. una de les coses más estrañes d'esti proyeutu ye la so focalización en delles aries del planeta, entiéndese sí que ye más afayadizo, colo que europa nun ye zona d'estudiu, quiciaves los resultaos sorprendieren. anque pa la fsa la necrolóxica nun pase d'un avance nesi falsu internacionalismu, como falsu socialismu, que dicen defender.
xabel diz qu'esta selmana conocíase la declaración de la ría del eo y de los ozcos como reserves de la biosfera, con parques eólicos incluyíos. dalgún mediu asturianu llegaba hasta'l casu de vincular esta declaración cola recién visita del presidente del gobiernu español a ún de los conceyos d'ozcos, tal paecía como si envede los ozcos fueren las h.urdes, y envede un zapateru fuere un rei.
xabel diz que lo mesmo que gabino convierte a uviéu nun plató de cine, nun hai más que fachada na ciudá, tini fae por facer lo mesmo n'asturies, convertir esti país nun escaparate, nuna mentira, nun cuentu nel que sobra xente, quiciaves un bon relatu pa dickens. (y cada vez menos sales de cine)

2007-08-27T10:37:00.000Z

xabel diz qu'ayeri gregorio peces barba nuna entrevista en el comercio dicía que la llingua nun taba na constitución ente les llingües si non que'l so espaciu taba ente les modalidaes llingüístiques. la cuestión radica en que la constitución española solo menciona una llingua, l'español, y al restu nin les noma.
xabel diz que'l pretendíu exerciciu d'hipnosis de dellos sectores de la fsa-psoe, sobre la población asturiana, en referencia al reconocimientu de los derechos llingüísticos ralla l'esperpento sobremanera cuando lleguen a repetir continuamente un discursu que, anque falsu o non adecuáu a la verdá, acaben por creyer.
xabel diz qu'asina les coses nun puede estrañar que dende la derecha asturiana, probes de los y les que pensaron que nel pp diben tener abellugu políticu pa la vindicación de los derechos individuales, l'argumentación llingüística seya la mesma, ensin matices siquiera, que la de la fsa. asina estebán greciet na so columna en lne escribía que "los rapacinos probes tendrán bable; / y los ricos, inglés, ye impepinable. / ¡dizlo el profesor Sosa!". xabel diz qu'esa ye la so idega de la igualdá de la ciudadanía, un modelu de ciudadanía col que nun se puede tar dalcuerdu, porque anula la mesma condición de ciudadanu y ciudadana.

2007-08-22T11:45:00.000Z

xabel diz que cualesquier persona, conceyal o non, puede mandar un corréu electrónicu otra cosa ye que se faiga casu del mensaxe o non. xabel diz que la xustificación del conceyal de cultura uvieín sobre l'anunciáu non conciertu de manu chao, o yera sobre l'anunciáu non festival de jazz, amosando un corréu electrónicu como preba de que fizo por facer carez de increyibilidá.
xabel diz que la otra xustificación de que los motivos ideolóxicos nun yeren causa de rocea pal gobiernu del pp pa contratar a manu chao nes fiestes de san mateo diciendo que sí contrataben al cantautor pablo moro, que tocara pa paloma sainz ralla lo esperpéntico y aseméyase a aquello de l'anguaño presidenta de madrid cuando dicía non conocer a sara mago, bono pos ye que pablo moro ye uvieín anque parez que'l lliberal conceyal uvieín nun sepia muncho de la cultura uvieína.
xabel diz que la última de los conceyales uveínos na so defensa del cercu a uviéu: grandes superficies, rondes esteriores y interiores, llábanes, parques periurbanos; ye la de la crítica a la feria muestres d'asturies que tamién parez que-yos pica un cachu; y pili pardo que diz de too esto?

2007-08-19T21:00:00.000Z

xabel diz que tien tres minutos pa escribir estes 200 pallabres aprosimaes qu'avecen ser un post de los de so. xabel diz que parez que la so priesa pueda asemayase al tiempu del gobiernu minoritariu de la fsa pa quitar tou rastru del asturianu na alministración, nun procesu que por otru llau ye'l mesmu que'l que tán faciendo coles antigües conseyeríes de vivienda y bientar social y xusticia.
xabel diz que nes últimes selmanes diferentes portavoces de la fsa vienen llamando a una supuesta responsabilidá d'iu-ba-lv pa colos sos presupuestos, los de la fsa los d'una minoría, mayoritaria pero minoría a la fin, del pueblu asturianu. la fsa-psoe diz, equí n'asturies, que l'enemigu común ye'l pp, nun procesu nel que la so voluntá ye la de dexar fuera del espectru políticu a tolo que tea a la so izquierda, y que poro hai que sofita-yos los sos presupuestos con caliao, incineradores, eliminación del salariu social... y demás cuestiones venceyaes al cambiu de política de la federación camaleónica.
xabel diz que l'anécdota de los cartelos de l'autopista n'inglés nun va más allá de la reconocencia d'un gobiernu, d'una forma de ser, qu'amuesa a les clares la so ignorancia y el so analfabetismu funcional. xabel diz que la fsa fundió los plomos de la izquierda.

2007-08-10T21:57:00.000Z

xabel diz que'l tiempu de basar la economía na construcción ta llegando a los sos últimos díes. la crisis, qu'entama a llegar, de les bolses internacionales, puxaes pola de referencia americana, pasu a pasu nesti mundu que nun conoz los descansos nin siquiera los pigazos, faese cada día más clara y con ello la pantasma de la quiebra bancaria aparez con mayor nitidez que nunca.
xabel diz qu'atrás van quedar aquellos tiempos nos que por un chamizu podíen pedir más de 120.000€, algamando quien lu mercara. atrás van quedar los tiempos nos que les bolses medraben a guelpe de créditu blandu en base a la propiedá inmobiliaria.
xabel diz que vien un mal periodu, cíclicu como les sagues celtes. una economía, la del mundu "occidental", qu'entama a carecer de la so teoría de la llibertá del capital, una economía non basada na producción. estaos ensin competencies económiques, entidaes supraestatales que sólo pueden atender a lo que ta pasando faltes de toda capacidá de regulación de los mercaos. el panorama nun ye bono, acaba d'entamar una crisis en metá del gastu ensin pagar. xabel diz que quiciabes la ilesia dexe de ser la mayor terrateniente d'asturies, anque qué va facer la banca con tantu suelu?

2007-08-07T09:13:00.000Z

xabel diz qu'anque pueda paecer imposible la fsa ye'l modelu políticu de la sede central, lo del federalismu pa ellos ye como'l socialismu, del psoe. xabel diz que cuando toos y toes pensábemos que de la fsa'l psoe por nun sacar yá nun sacaba nin ministros agora resulta qu'algamen hasta modelos políticos.
xabel diz que la decisión de la executiva del psoe d'imposibilitar el gobiernu de la izquierda plural en nafarroa ye la cimera del procesu de desideoloxización al que se vien sometiendo l'antigua socialdemocracia española. la pena a la que se condena a la población de nafarroa, siguir embaxo un gobiernu de la upn, marca ellectoral del pp, pa evitar la entrada de nafarroa bai y d'ezker batua nun gobiernu de coalición de la esquierda navarra nun ye otra más que la del mieu a perder votos, cambien política por resultaos electorales, prefieren cantidá a calidá, y asina van les coses.
xabel diz que pepinho branco sabe muncho de cuentes, dende los sos entamos nel conselho da xuventude de galiza, y depués d'echar les cuentes diose cuenta de que-y salía meyor una escisión del psn, que llegara, qu'un partíu del corte de ciudadanos encabezáu por rosa díez, qu'incomprensiblemente sigue como eurodiputada del grupu socialista anque tea allineada col pp nesos temes que tan bon reditu electoral dan. mientres n'asturies migoya diz que l'estatutu nun ye motivu de preocupación pa la ciudadanía, cómo lo va ser cuando mclaren nun-y para d'armar putaes a fernando alonso.

2007-08-03T11:31:00.000Z

xabel diz qu'hai unos años fidel entamaba una campaña empobinada al aforru enerxéticu, facilitar a les families cubanes una pota rápida cola que poder facer la comida consumiendo menos tiempu y recursos enerxéticos. xabel diz que dende determinaos sectores occidentales ridiculizóse la propuesta.

xabel diz qu'hai unos años fidel entamaba una campaña, otra, empobinada al aforru enerxéticu, otra, facilitar a les families cubanes bombilles de consumu baxo. xabel diz que dende determinaos sectores occidentales ridiculizóse la propuesta.
xabel diz qu'hai unos meses fidel escribía sobre la xuba de los productos básicos por mor de la producción de cereal empobinada a los biocombustibles, alertaba'l comandante en xefe de los problemes que diba tener la población pa poder algamar los recursos mínimos pa la sobrevivencia. xabel diz que dende determinaos sectores occidentales volvió ridiculizase l'alvertencia del presidente cubanu.

2007-08-03T09:25:00.000Z

en vano busqué a la princesa

que estaba triste de esperar.
la vida es dura. amarga y pesa.
¡ya no hay princesa que cantar!

juventud, divino tesoro,
¡ya te vas para no volver!...
cuando quiero llorar, no lloro,
y a veces lloro sin querer...

¡mas es mía el alba de oro!

de canción de otoño en primavera

rubén dario

2007-07-31T11:30:00.000Z

xabel diz qu'estos díes de la que miraba la prensa alcontraba una información sobre dellos y delles xueces, y más funcionarios xudiciales, falaben de la incompatibilidá ente les sos creyencies y la función pública qu'habíen desenvolver. como mártires de la santa y sagrada tradición lo primero pa esta xente ye la so fe y depués la xudicatura. asina dalgunos declarábense obxetores a la llei de matrimoniu, otros a roblar matrimonios, adopciones...
xabel diz qu'hai dos selmanes un xuez daba orde de secuestrar el jueves por una caricatura na que'l fiu del rei taba trabayando cola so muyer. diz l'editorial de la revista de la selmana pasada que'l fechu parez más propiu de cuando s'asoleyaba la revista que del país modernu que mos quieren vender en 2007, nun s'equivoquen. xabel diz que l'otru día'l senador vascu iñaki anasagasti escribía en so blog un artículu críticu cola monarquía que yera durísimamente respondíu mesmo dende'l pp como del psoe, tanto monta monta tanto, na que-y decíen que podía escribir de too menos de la monarquía, menos cuando fuera pa bodes, bautizos y comuniones y coronacionaciones, lo de la elección ye un estáu evolutivu al qu'entá non llegaron.
xabel diz que mal van les coses cuando los funcionarios públicos obxeten la xudicación de les lleis por mor de la so creyencia, que los xueces actúen como perros de presa, que la llibertá d'espresión tea per baxo la esistencia d'una supuesta institución, que les decisiones adoptaes nos ámbitos de la soberanía se xudicialicen por perder les votaciones. suañu d'una revolución allá en 1789 que nun se pudo facer a tiempu.

2007-07-20T10:53:00.001Z

xabel diz que la fsa vuelve a echar el frenu de la reforma del estatutu, una reforma que pretenden facer a espaldes del publu asturianu, una reforma xestionada como una ampliación de capital de daqué sociedá anónima deportiva porque a la fin pase lo que pase los y les asturianes van siguir siendo asturianos y asturianes.
xabel diz que la voluntá de la fsa de dexar atrás la soberanía del pueblu asturianu nun queda nel casu del estatutu. ayeri la presentación de una modificación a la llei del ente de comunicación, pa que la so dirección seya escoyida nel parlamentu, yera recibida pola fsa como una ofensa. llegando aviltar la decisión del grupu d'izquierda xunida por ser el más pequeñu de los tres esistentes.
xabel diz que mientres lastra exerce d'ariete, el presidente asturianu acondiciona el so nichu nel edificiu con más ventanos que l'escorial, que dicen per xixón, y ye que poco se puede esperar d'un gobiernu que parez l'equipu técnicu d'una sociedá anónima deportiva. queda esperar. d'elli que se sintiere xulio cesar y como nerón acabó ensin pretorianos nel so exiliu braniegu.

2007-07-16T17:12:00.000Z

xabel diz que si nestos tiempos de les telcomunicaciones y de les mercadotecnies esiste dalgo que desesperé al xéneru humanu eso tien de ser los servicios d'atención al cliente. xabel diz que de primeres la mayor parte de los mesmos son de pagu, poro cuando se quier mercar o reclamar esiste un sobrecoste que nun s'especifica, nos que nun son de pagu les teleoperadores polo normal son cuatro y pases venti minutos colgáu del teléfonu como una cosa tonta, mientres pienses si na tienda atenderánte meyor.
xabel diz qu'asina les coses, y alcordándose d'aquella tarde de navidá en las campinas esperando a un alsa, que como siempre llegaba tarde, llamando pa pidir una información que la probe marroquina que garraba'l teléfono nun sabía por mor de nun tar na base datos, un decidió escacese pa siempre enxamás de los servicios telefónicos d'atención al cliente.
xabel diz qu'años depués hebo volver emplegalos por mor d'un portatil que llegó mal de la fábrica, vueltes y más vueltes; perrecorrer l'estáu, el portatil, de medina del campo a la alhambra y vuelta pal norte, díes d'espera pa qu'a la fin el volviere'l mesmu airis y non el prometíu modelu nuevu, dios que cruz lo de los servicios técnicos que paecen tar na india. y ye que cuando tán a la vera casa o esploten a los y les trabayadores, marchen o tán atendiendo les llamaes de los hispanos de california.

2007-07-13T17:09:00.000Z

xabel diz qu'una de les principales reformes que se ficieren depués de morrer el facista foi la d'introducir la progresividá fiscal, abandonábase'l porcentaxe xenéricu pa d'esa forma contribuyir al estáu en función de los ingresos de forma que'l que más ganara más aportara.
xabel diz que pasu ente pasu los diferentes gobiernos fueron retrocediendo hacia un sistema nel que les cobertures del estáu, la nación, distribúinse igual con independencia de los poderes de merca de la ciudadanía. medíes populistes qu'a la fin provienen d'impuestos que graven lo mesmo al que cobra 5 qu'al que cobra 10.
xabel diz qu'asturies, como esperimentu avanzáu de les polítiques del nuevu lliberalismu d'izquierda, pa que dicir llaboralismu, ye un de paises más avanzaos nesa xera. xabel diz alcordase del centimu de la gasolina, pa pagar les males tresferencies sanitaries; de los llibros de testu de baldre, pa los que la renta familiar seya de menos de 60.000€; del salariu básicu, bono a esto si-y queríen poner unes llendes presupuestaries ye normal yera pa los y les paries. y ye que como dicen nun artículu quo vadis, asturies.

2007-07-09T15:00:00.000Z

xabel diz qu'hai unos díes, non munchos, alcontrábase con un collaciu sorriente porque izquierda xunida-ba-lva nun roblare'l pactu de gobiernu propuestu pola fsa. xabel diz que nesi momentu dióse cuenta de la estratexa que dende dalgunos grupos se siguíen, ensin iu-ba-lv nel gobiernu entovía más sitiu pa protestar.
xabel diz qu'hai menos díes charraba col que ye conceyal de llingua asturiana nun conceyu de les cuenques. esmolecíu, el conceyal, dicía qu'ensin tar nel gobiernu diba ser una xera bien abegosa algamar los fondos afayadizos pa siguir desenvolviendo polítiques de normalización llingüística, non solu nel so conceyu si non en tolos demás que les veníen desenvolviendo.
xabel diz que depués de les dos conversaciones cayó na cuenta de que dalgunos/es solu s'esmolecen por perder el so ámbitu, esti ye'l de la falta de voluntá de construyir, mientres qu'otra xente ta esmolecida polo que s'algamó, que nun foi poco, y lo que se va perder. preba de too ello ye la decisión de tini de suprimir les dos conseyeríes xestionaes por iu-ba-lv, mesmo que'l farón que dicía nel llibru de les tres relixones que mandare borrar el nome del que dicen llevó a los israelinos a la diáspora, naide más nun vuelva falar de laura y valledor dixo tini, arguyosu de caltener gobiernu hasta marzu de 2008.

2007-07-01T10:53:00.000Z

xabel diz qu'esta selmana pesllaba l'últimu pozu del valle de turón; más de dos sieglos d'historia, de desenvolvimientu industrial, de riqueza, de sindicalismu, d'ideoloxía, de fuelgues, de vindicación, acoyida, escaezu y llárimes que pasen al maxín coleutivu del pueblu asturianu.
xabel diz que mientres n'asturies la minería pésllase, o sustitúyese pola inversión privada, n'europa atiéndese a la reflexón sobre'l futuru de los recursos enerxéticos, equí nun hai reflexón solo tranques. xabel diz que'l siguiente pozu ye la camocha, otru gran exemplu del trabayu coleutivu de los y les asturianes, asina pasín a pasín llévenmos al desaniciu dafechu de la única soberanía a la que podríemos aspirar, la enerxética.
xabel diz que siempre se sintió arguyosu de tener raigones nel valle turón, de qu'esos raigones axuntaren la viga travesá ayerana, de santibanes de la fonte, col ser cabraliegu. güei mira pal valle turón y non alcuentra más qu'ermu, espeyándose nelli'l futuru d'esti país, si nun reflexona sobre so mesmu.

2007-06-28T17:03:00.000Z

xabel diz que pola igualdá de la ciudadanía too y más.
xabel diz que tou estáu que nun respete la llibertá de la ciudadanía sobra de la unión europea.
xabel diz que quier vivir en llibertá.

2007-06-27T14:29:00.001Z

xabel diz que dende hai un tiempu sigue dalgunos blogs de música con especial atención, nun son sólo los que s'escriben n'asturianu, los que falen de política y demás cuestiones venceyaes, ye otra blogosfera que poco a poco va medrando y que como obxetivu cimeru tien el de compartir cultura.
xabel diz qu'un bon día, de la que buscaba pola discografía de josé afonso, atopó col blog ratorecords, que posiblemente seya de los más importantes de la península d'esti tipu. l'autor nun sólo pon discos pa escuchar, depués de los descargar, si non que fae recompilaciones propies de música de los años 50 y 60 principalmente. xabel diz qu'asturies nun queda fuera cuando se fala d'estos blogs, asina manches solares supón la entrada de la blogosfera asturiana dientro d'esta mena d'espacios.
xabel diz que la cuestión ta n'emplegar tolos preseos que la rede pon a la disposición de la ciudadanía pa compartir cultura, desenvolver una rede cultural compartida dafechu, na que toos y toes podamos acceder a la cultura perenriba de los pilancos impuestos pola sgae y afines.

2007-06-26T16:52:00.000Z

xabel diz que parez que l'alcalde d'uviéu envede criar caballos hispano-árabes, lo de moros ye pa los que nun tienen clas, parez que nesti entamu mandatu algamare clones d'othar pola so intención de sacar la cultura de les cais pa ensin un finxu concretu sacar del conceyu tola que nun tenga la clas abondo como pa ser del uviéu imaxinariu que quier gabino.
xabel diz que l'alcalde d'uviéu, como nerón, prende fueos pa disimular los sos erros, o los del so equipu que misteriosamente mantiense cuasique en plenu dende aquel 1991 nel qu'un conceyal del cds daba-y una llave que parez naide nun-y ye a facer soltar. la decisión de treslladar les fiestes d'uviéu fuera del antiguu, la escusa de la foguera, la escusa del festival de jazz, les escuses pa treslladar la mirada de la xente a un fueu nuevu faciendo que nun se mire pa una tierra que lleva afumando cuantayá.
xabel diz que si esiste dalgo positivo nel equipu de gobiernu del pp d'uviéu eso ye que nun mienten, como muncho confunden. asina cuando falen de les loses, llábanes como les de los cimenterios, lo que se ta queriendo facer nun ye otra más qu'evitar que la lluz pueda pasar.

2007-06-25T16:52:00.000Z

xabel diz que nel derechu contémplanse tres fontes, una de les cuales nun ta escrita y denomínase vezu. asina les coses la nueche del vienres al sábadu apaeció en venta de baños nun vagón ensin llocomotora, naide nun se molestó n'avisar, son coses d'eses lleis nunca escrites y qu'a la fin condicionen, y munchola esistencia perenriba de códigos napoleonicos.
xabel diz que de madrid déxenlu ablucáu munches coses sicasí la que más ye la de la oficialidá de dellos idiomes que nun son los d'esi pueblu castellanu qu'allá pel sieglu xvi daqué validu decidiera facelu sé de la corte del naciente imperiu español. dir per madrid ye una cosa asemeyada a tar nun pueblu, escaecíu de la man del que nun esiste, nel que les señales tán al gustu del turista y nun faen gracia a la so capitalidá d'un estáu plurillingüe.
xabel diz qu'ahi yá bien d'años vía nel arcu la vieya una reproducción del gernika de picasso na que dicía "nun va volver a españa hasta que vuelva la república", xabel diz que pa ver el gernika hebo dir al muséu de la reina, que coses nun estáu nel que l'actual presidente entra de republicanu, nel conceptu ciudadanu, y acaba convirtiéndose lliberal nel sentíu de la falta absoluta de les lleis y constituciones, y ye qu'a la fin parez que'l vezu ye lo que manda.

2007-06-21T15:37:00.000Z

xabel diz qu'hai menos d'una selmana regaláben-y un llibru sobre la historia económica del sieglu pasáu nel estáu español "la larga marcha" de joaquín estefanía. xabel diz que lo que menos-y sorprende ye ver que les llínies trazaes nos 60, el lliberalismu, sigue tando presente, condicionando la vida económica del estáu.
xabel diz qu'a lo llargu del llibru atópanse nomes que siguen tando presentes na vida política d'anguaño, nun se refier xabel a fragues o martinez villas, xente que flota pesie al sistema que tea vixente por mor de la so voluntá d'imponer el so sistema económicu; esto último mesmo nel llau de la derecha como del psoe.
xabel diz que nun-y estraña qu'asina les coses nun ye raro que'l pp se-y ufra al psoe pa pactar les cuestiones clave, que nun tienen res que ver cola eta. cuestión clave pa pp y psoe: menos gastu social, los grandes temes d'ovidio, o con coses como'l parlamentu de nafarroa. y ye que como decía'l poeta al volver la vista atrás se ve la senda que nunca se ha de volver a pisar.

2007-06-15T12:40:00.000Z

xabel diz qu'hai unos años de la qu'aldericaba sobre la problemática de la compatibilidá ente'l derechu al descansu y el derechu al ociu ún de los que participaben llegó a dicir que l única cultura yera la ópera y tolo demás había ser obxetu d'eliminación de les cais.
xabel diz qu'anque nun seya'l mesmu casu la operación de gabino de treslladar la cuaresma a toles dates d'uviéu salvando, san mateo pel momentu, aseméyase enforma. nun ye d'estrañar cuando gabino ta recién de revalidar una mayoría de 17+ rivi, y polo tanto pue facer lo que-y pete, como vien faciendo dende hai yá una montonera años.

xabel diz que posiblemente si la decisión que gabino acaba d'anunciar envede güei yá la tuviera fecha hai tres selmanes les coses electoralmente nun diben cambiar n'absoluto, y ye triste sabiendo qu'uviéu ta endeldáu hasta la caniella y non por mor del gastu social o cultural si non pol gastu en magnolios. y ye qu'a gabino estórben-y munches coses

2007-06-14T10:42:00.000Z

xabel diz qu'hai un tiempu lleía que la rtpa entamaba la emisión de la so segunda canal pela televisión dixital, esi día resintonizó'l receptor dixital p'alcontrar esa canal ensin algamar el resultáu esperáu... la segunda canal nun taba. claro la cosa ye que la primer canal y la radio tampoco apaecíen per nengún llau.
xabel diz que la señal de la tdt llega via telecable, la empresa asturiana de telecomunicaciones, qu'estrañamente sólo tresmite la señal de les canales dixitales estatales, pero non les autonómiques, esa yera la teoría. l'otru día diz xabel qu'un collaciu de so comentába-y que na so casa recibía más canales de tdt que les que ponía telecable, amás de la tpa, vía otres más de les que xabel, agora mesmo, nun s'alcuerda.
xabel diz que camienta que telecable había mirar más polos sos clientes, parez-y que ye muncha la xente que ta abonada a los sos servicios non solo pola ufierta si non por tratase d'una empresa asturiana, la única que tien asturies d'esta mena. xabel diz qu'esta entrada va unviase al serviciu d'atención al cliente de telecable.

2007-06-13T09:28:00.000Z

xabel diz qu'ayeri, de la que conocía l'anuncia de que l'apple sacaba una versión beta del so navegador safari pa windows púnsose darréu a descargala, y ver si les supuestes ventayes que dicíen tenía yeren asina o yera otru bluff, consciente sí de que yera una versión beta.
xabel diz que sintió foi que d'ente tolos recursos gnu, y sobre too del firefox-mozilla, que garraron escaecieren la más qu'útil función pa que escribiendo cualesquier pallabra'l navegador conecte col google y te lleve a la dirección que ta primero nesti buscador, se pue configurar pa que funcione con cualesquier otru navegador, entós el safari, mesmo que l'ie explorer busca la pallabra col apellidu .com lo qu'en munchos casos nun ye una solución satisfactoria.
xabel diz que tamién detectó delles faltes na visualización del textu en páxines como gmail, o nel mesmu editor de blogspot. asina que xabel diz que decidió esperar a que salga una versión definitiva pa probar otra vuelta, anque siempre pa probar... porque como'l firefox nun hai nada.

2007-06-11T16:36:00.000Z

xabel diz que sigue ablucáu cola polémica de que los españoles quieren poner una lletra al so himnu nacional. xabel diz que nun estraña que la propuesta salga del comité olímpicu nun estáu onde l'anterior gobiernu, el del pp, llegó a declarar dalgunos partíos de fútbol como d'interés nacional.

xabel diz que-y da pena de los españoles tou'l día pensando na dixebra del estáu, na falta de símbolos nacionales, recorriendo los páramos castellanos a la gueta la iluminación patria.

xabel diz que lo que más rabia-y da ye que cuando-y pregunten a un español, d'esos que vien, sobre los sos mayores problemes la respuesta seya la eta, l'ausencia d'himnu patriu, la perda de cuba... xabel diz que si lleven 500 años buscando la so identidá y entovía nun fueron quien a l'alcontrar que se dexen d'eses histories y se pongan a facer un estáu modernu igual asina les coses-yos diben meyor y nun teníen que tar buscando lletres pa himnos absurdos.

2007-06-09T15:25:00.000Z

xabel diz que si esiste una seña d'identidá del estáu español nel nivel internacional esa, con poques duldes, tien de ser la so ineptitú diplomática. echando la vista atrás atopamos a la república árabe sah.araui democrática que 31 años depués de la fuga del poder colonial español sigue entá careciendo la invasión del poder colonial marroquí, ensin que dende l'estáu español los gobiernos de turnu adopten posiciones clares, y nes qu'amuesen l'incuplimientu de les sos pallabres cuando tán na oposición.
xabel diz qu'eso ye la so capacidá de resolución conflictos internacionales, porque cuando miramos pa los internos, entós la situación avérase al esperpentu. nun contentos con desplazar la cuestión municipal de les elecciones municipales agora entamen la campaña estatal siguiendo cola tema que tapeció a la de les municipales, la eta.
xabel diz que la detención del llider de la izquierda patriótica vasca respuende esclusivamente a medíes d'imaxe, d'amuese de fuerza non cola fin de resolver el conflictu vascu sinon pa resolver unes elecciones estatales. eso sí como n'españa en nenguna parte.

2007-05-29T22:02:00.001Z

xabel diz que de la que miraba los rss de noticies a los qu'anda suscritu volvió atopase cola mui católica y antieuropea polonia, l'anuncia diz qu'una funcionaria dio orde d'estudiar si tinky winky fomenta l'estilu de vida homosexual. .

xabel diz que mesmo polonia como l'estáu español carecen del problema de la intolerancia hacia la minoría. xabel diz que mesmo la derecha polaca como la española axúnten fuerces na so llucha pola involución de los derechos, nun ye una cosa tán estraña porque comparten intereses comunes. xabel diz que nestes dates postelectorales súrde-y la dulda, retórica, de cómo puede ser posible qu'estos partíos que representen la involución social puedan recibir cada vegada más apoyos.

xabel diz que de la que veía un programa de la canal del güevu fritu sentía al presentador manda-y besos a una pareya, puntualizando los besos solo pa ella... el programa tenía pinta de modernidá y eses coses pero lo mesmo que na pizarra pon elvis vive bonamente podía poner y la homofobia tamién.

2007-05-23T16:29:00.000Z

xabel diz que si ponemos atención a les propangandes electorales, a los medios de comunicación, a les tertulies... en fin que si per tres minutos escuchamos o vemos les noticies atopámosmos en medio d'una campaña electoral que nun ye, porque nun la dexen ser.
xabel diz que l'otru día de la que llegó a casa atopó una carta del presidente en funciones na que-y dicía que "necesitaba xente como tu pal so proyectu d'asturies", xabel peslló la carta de la que camentaba que'l so proyeutu d'asturies, de país, nun yera nin de cerca'l d'esti elementu. xabel diz qu'al día siguiente llegára-y otra carta esta otra de mariano rajoy na que dicía qu'había que frenar el terrorismu, la unidá d'españa y demás coses que nun vienen a cuentu cuando se ta nunes elecciones locales y autonómiques. asina la cosa xabel buscó pol caxón de los papeles inútiles pa meter ellí les cartes d'estos dos llíderes qu'esbrocen carisma perende.
xabel diz que l'otru día sintía a jesús iglesias falar del proyectu de país, del futuru estatutu, sentía a alejandro suárez, a churruca, falar del modelu de ciudá, de conceyu, de la izquierda, xabel respiraba ensin necesidá de recibir carta denguna. por fin dalguién que sabe que se presenta a unes autonómiques y municipales dixo pa sí xabel.

2007-05-20T16:50:00.000Z

xabel diz que posiblemente una de les razones poles que mos convertimos en ciudadanía seya la de la llibertá d'espresión, de facer saber y dar anuncia de les nueses intenciones y pensamientos sobre cualaquier cuestión. xabel diz qu'en munchos casos, por más que les lleis afalen a respetar esti derechu básicu, la llibertá d'espresión castígase con penes de prisión, censures, tortures...
xabel diz que güei recibió un corréu coles direcciones de dellos blogues de mediu oriente, dalgunos localistes, otros centraos na política esterior, y dalgunos otros centraos na petición de llibertá pa escritores d'espacios na rede.
xabel diz que d'ente la llista de blogs que-y pasaren prestáron-y abondo dalgunos como the arab observer, and far away, mahmood's den ente los xordanos; depués nesa llistáu apaecíen otros como mideastyouth un blog bien guapu y que se dedica al analís de la situación internacional; yá pa finar dos blogs que falen de la llibertá d'espresión, que reclamen la lliberación de los y les preses como son dalia zada y free kareem!.

gracies xicu

2007-05-17T14:53:00.000Z

xabel diz qu'una de les primeres coses que deprendió de la qu'entamaba a militar n'organizaciones polítiques foi que nun son, nin deben ser, intocables y que, sobre too na izquierda, tán suxetes dafechu a la crítica ciudanana.
xabel diz que nun entiende como pue ser posible que militantes d'una organización, que sistemáticamente crítica a otra que nun ye la de so, consideren como ataques cualuquier comentariu sobre la so actividá. xabel diz que-y recuerden al catarismu en munchos sentíos, la so búsqueda de la perfección, la so moralidá, la so visión perfecta del mundiu.
xabel diz que de les crítiques se deprende, depréndese a facer una organización meyor, si coles crítiques nun se llega a deprender entós meyor apagar la lluz y pesllar el club d'amigos y amigues. xabel diz que lo mesmo que la vida nun ye una partida de risq la política tampoco lo ye, nin debe ser un escaparate nel que s'amosar cada vegada que toquen a ellecciones.

2007-05-16T15:40:00.000Z

xabel diz que pela mañana de la que tomaba'l primber café dixéron-y que buscara una anuncia en la nueva españa, la noticia falaba de que dalgunos partíos taben pensando en sofitar a l'asamblea ciudadana (por la izquierda), el partíu bipersonalista que tien como obxetivu baltar el bipartidismu al qu'ayudaron a mantener una porronera d'años.
xabel diz que depués de muncho buscar atopó l'anuncia de marres, el titular yera claro "unidá y pcpe estudian apoyar en la capital a ciudadanos por la izquierda". xabel diz que medio ablucó cola noticia, qué pinten estos que dicen ser asturianistes y d'izquierdes apoyando a estos otros... la respuesta taba, y ta, clara tanto que nun ye otra que la d'ufrir desgaste a izquierda xunida-bloque por asturies-los verdes mesmo xuntos que por separao la so única ambición, nun s'escaeza, ye la d'eliminar cualaquier presencia de la izquierda nel gobiernu del país, perder cualaquier fuerza posible pa reformar l'estatutu non votáu y ensin oficialidá de la llingua.
xabel diz que más tarde pensó no rápida que ye la xente d'unidá pa sacar comunicaos desmintiendo les más que posibles conversaciones, y ye qu'a la fin nin idioma nin derechos nacionales lo qu'importa ye acabar con izquierda xunida, o eso paecen querer dicir.

2007-05-14T15:43:00.001Z

xabel diz qu'ayeri, como'l martes, de la que cambiaba de canal, ente les más de 60 cadenes de la so televisión, atopó col programa de juan vega, sí esi al qu'echaron de teleasturias polos sos comentarios, ayeri, como'l martes, taba con documental sobre una constructora que nun tien nenguna relación con izquierda xunida, y que juan vega inventa una trama pa desllixitimar a esta organización política.
xabel diz que nun-y sorprende n'absolutu que seya juan vega quien saque eses coses, otra cosa ye saber a quien-y puen beneficiar los bilordios que va montando perende esti personaxe que de más vueltes qu'una veleta. xabel diz que s'alcuerda de cuando l'acampada pola oficialidá nel campu qu'esti personaxe dicía qu'aguantábemos gracies a una poción milagrosa, esa cosa de los celtes, de los sos artículos sobre la llingua asturiana y asina una bona montonera más de coses nes que refugaba de lo que mos fae ser asturianos y asturianes, agora parez que se convierte nel gurú mediáticu d'una parte del asturianismu.
xabel diz que si esiste un grupu qu'apoye dafechu la llibertá d'espresión nesti país esi ye izquierda xunida, si non de que valieron les mociones presentaes nel parlamentu, gracies a les que juan vega pue ensin se cortar falar asina del más pequeñu de los grupos parlamentarios. nesti enllaz manuel fonseca "el polesu" esplica lo que ye progea.

2007-05-09T08:06:00.000Z

xabel diz que nel periodu electoral de la república'l candidatu de la derecha tenía como fin acabar colos restos de mayu del 68, la mítica revolución de la izquierda francesa, de la república que nunca nun dexó de ser republicana y na que'l pueblu amás de les vies establecíes emplega les non convencionales p'amuesar la so voluntá.
xabel diz que mientres que nes neodemocracies estes vies de solución tán mal vistes, por mor de los tiempos ensin llibertá, nes democracies antigües asúmense como dalgo venceyao a la so propia identidá, que dicir d'un país que lleva dende 1789 alcontrándose y buscando'l meyor gobiernu.
xabel diz qu'anguaño entama un nuevu momentu de reflexón de la izquierda europea, ver cualu ye'l so futuru, les sos necesidaes y sobremanera reflexonar sobre cuando perdió la conexón cola ciudadanía, cuando dexó de ser atractiva, teniendo en cuenta que la condición de clas cada vegada aseméyase más a la del nonaxésimu.

2007-04-25T21:55:00.000Z

xabel diz que cuando se dio cuenta de que yera 25 d'abril solo faltaben 7 minutos pa que llegara'l 26 d'abril. xabel diz que como tolos 25 d'abril fai una alcordanza a la última de les revoluciones democrátiques, una alcordanza al pueblu portugués. una alcordanza a la que, como naquel día del 73, josé "ceca" afonso pon les lletres y les pallabres.

em terras
em todas as fronteiras
eeja benvindo quem vier por bem
ee alguém houver que não queira
trá-lo contigo também

2007-04-23T17:53:00.000Z

xabel diz que contra tou pronósticu los qu'apostamos por que'l gobiernu d'areces sólo pensaba en formigón y autovíes perdimos l'apuesta. la viceconseyera de mediu ambiente ta acabante de presentar l'autovía peatonal del cordal. más de 400 kilómetros de víes verdes que van permitir dir d'un llau al otru d'asturies ensin pisar un metru d'asfaltu.
xabel diz que la propuesta, que ye mui bona, afita la esistencia de la comunicación énte los diferentes pueblos del país, por aquello de qu'ente valle y valle la xente nun s'entendía pol bable que falaba; que dicir si hai un continum viariu ente los dos conceyos del sur d'asturies más llonxanos, cosa que nun ye nueva
xabel diz qu'ensin desmerecer la propuesta, que remarca mui bona y positiva, la conseyería tamién habría de s'esmolecer por caltener y meyorar les señes de les rutes de montaña del país. bien que vengan cola superpista, pero les pequeñes tamién esisten.

2007-04-22T15:39:00.000Z

xabel diz qu'al poco de prender l'ordenador atopó con un collaciu que taba pela rexón del mediu oriente. aprovechando la situación y, pola curiosidá provocada pola ociosidá de los domingos, dio-y por pregunta-y si nesa rexón tamién dedicaben el domingu pa folgar. la respuesta foi que non, colo que xabel depredendió que los capitales bursatiles por más que pongan confiamos en dios nun-y faen casu y trabayen tola selmana.
xabel diz que l'otru día comentában-y de nun sabe quien que trabayaba pal principado. xabel pensando na emigración, respondió qu'elli tamién conocía xente que trabaya pel principáu. dicía-y xabel qu'allá cola tema del turismu había muncho trabayu y bonos sueldos y que yera normal que la xente marchara, cuando equí nun hai lo mesmo. depués d'un cachu xabel diose cuenta de qu'esi principáu del que-y falaren nun yera'l de los pirineos, si non que ye'l nome que recibe l'alministración asturiana.
xabel diz que munches vegaes cansa de sentir qu'al país de so dalgunos nómenlu rexón, otros principado, otros comunidá, provincia, escaeciendo a la fin la más guapa de toes, la que lu sitúa nel mundu, la que lu fae ser especial, asturies.

2007-04-17T14:48:00.000Z

xabel diz que, siguiendo col monologuista bable gabino de lorenzo, sorprende-y abondo l'esmolecimientu de la fsa pola postura del pp sobre l'asturianu na prósima reforma del estatutu. asina esti domingu'l secretariu de la fsa pidía al pp qu'esclariara la so posición respeutu al asturianu, nun xestu que nun dexa de ser otra cosa más que buscar los votos del antiasturianismu.
xabel diz que dende la xunta pola defensa de la llingua tamién se pide a la derecha asturiana la necesidá d'aclariar la so posición respeutu del idioma.
xabel diz que la fsa nun tien nada que temer, que la so posición de partíu antiasturianista ye inamovible, amás de ser un claru componente ideolóxicu. xabel diz que l'alcalde uvieín, yá amosó la so postura en rellación al asturianu que ye non a la oficialidá, nuna cena cola nobleza, asina que pa qué tantu ruidu d'agua cuando les coses siguen como taben? y ye que n'asturies anque''l riu suene l'agua nun llega.