xabel diz que llega la escuela de seronda con un foru sobre la blogosfera asturiana. pa quien nun lo sepa, la escuela de seronda ye un espaciu de formación alternativu qu'añalmente organicen los conseyos de la mocedá del nuesu país. xabel diz que la seronda ye l'espaciu más afayadizu au mos poder axuntar los y les blogues d'asturies, amás d'otra xente que sintiere lo que ye un blog y entovía nun desenvolvió la so idega.
xabel diz que nestos dos díes los y les blogues asturianes vamos poder participar nun foru nel que podremos analizar les esperiencies nel mundu de los blogs d'otros países, analizar y proponer sobre la nuesa blogoesfera, sobre'l nuesu papel na asturies del 2007, el papel de los blogs en llingües minorizaes y perseguíes, vamos qu'una perbona oportunidá pa facer un autonalís críticu de lo que tamos desenvolviendo.
xabel diz que cuenta cola participación de toos y toes les que tamos trabayando en facer que l'asturianu tea presente, y al mesmu altor porcentual, na blogosfera. xabel diz qu'ensin que se-y escaeza que la inscripción se pue facer nel web del cmpa.

xabel diz qu'hai unos meses de la que falaba de los muros nun cayere na cuenta de les clases de muros. n'asturies amás de los chigres dalgunes muries, dalgunos muros son tamién espacios d'alderique, anque a la fin acaben, les más de les veces, en chigre.
xabel diz que'n xixón la xente aconceya nel muro, ehí onde la ilesia de san pedro, pasen la mañana, la tarde, falen de les sos vivencies, del estáu de la ciudá y del xuiciu del 11m, pasen ellí les sos mañanes, les sos tardes viendo como sube y baxa la marea...
xabel diz qu'en cabrales tamién hai muries, una ye'l murallón onde a lo llargo de más de cinco un garrapiellu de vieyos aldericaron sobre la guerra, la transición, el 11m, el gobiernu, les rencielles... xabel diz qu'en puertas tamién hai una muria, la de casa victor el de teresa la d'urbelino, ta a la entrada'l pueblu, siempre a la solombra. en puertas nun hai muncha xente, anque siempre hai dalguién ellí apoyáu en muriu, sabiendo que siempre, anque haya poca xente, pueda parar y echar una parrafadina. son murios los d'asturies que conviden a falar, qu'axunten, lloñe d'eses otres muries de les qu'hai unos meses falara xabel.

xabel diz que contra, tou pronósticu, nun va gastar más llinies qu'esta pa dedicase a eso que dalguna xente llama "francedura" d'izquierda xunida.
xabel diz que pasáron-y un enllaz d'un sitiu qu'amuesa si la to páxina ta prohibida na china. depués de facer el test con delles páxines, resulta que tolos blogs de blogspot, de wordpress..., ensin importar el so conteníu tán censuraos. xabel diz que nun ye anuncia sorprendente que nos países qu'anguaño abracen el lliberalismu la llibertá d'opinión y pensamientu seya'l tiempu pesllada.
xabel diz que casos como'l chinu o los de polonia y chequia-moravia nun son otra cosa más que les puntes d'una nueva corriente mundial na que les llibertaes de la ciudadanía van vese cada vegada más recortaes mientres que les del mercáu van dexar d'esistir embaxo la tesis de la autoregulación.
xabel diz que nesti sentíu nun sorprende que los votantes del pp tengan al ministru pedro solves como'l meyor valoráu, un gran neolliberal. al tiempu qu'el pp establezse en postures que rayen la llibertá d'espresión.

xabel diz que viendo'l casu de xurde blanco bien poco se puede esperar del presidente del gobiernu asturianu. xabel diz que foi una bona pena que na última recolecta electoral del presidente asturianu na arxentina non pasara media hora pela consulta de dalgún psicoanalista que-y esaminara'l deliriu negador de derechos que lu identifica.
xabel diz que la xira arecista pelos países con mayor númberu de votantes a dos meses de les elecciones supón un descaru, una conducta na que la xunta electoral quiciaves se tuviere que pronunciar. areces vende nes amériques, vende nel país de la plata, los luxos de la so asturies arcádica, l'asturies qu'escaeció la crisis industrial, l'asturies que vive perenriba de la media yá non europea si non portuguesa, l'asturies de la que la mocedá nun marcha, l'asturies na que los medios de comunicación nun se pesllen.
xabel diz que mientres el presidente vende esa imaxe, nes empreses públiques faense asamblees pa que se respeten los derechos de los trabayadores. xabel diz que quien-y lo diba dicir, pero ye que de tres nunca nun se puede facer cinco bono sí, la usura permite munches coses.

xabeldiz qu'hai unos meses la primer pregunta que-y ficiere un mozu polacu foi sobre la opinión que tenía respetu a la collaboración polaca cola alemania nazi, el mozu tenía mieu de que nel estáu español se pudiere tener una imaxe de los polacos influyida por esa collaboración, xabel retrucó-y que d'equí tamién salieron cien mil pal frente soviéticu, de los que mos queda la memoria nes cais y aveníes de la capital asturiana. tamién-y cuntó xabel que munchos y munches más siguieron lluchando pola llibertá nos frentes europeos xunta a los milicianos franceses, partisanos...
xabel diz que queda asustáu pola decisión de los ximielgos polacos de pedir el certificáu d'idoneidá non comunista a la ciudadanía polaca, la retirada de la pensión a los brigadistes internacionales polacos... ta polonia realmente n'europa? esa quiciaves seya una bona pregunta que facese.
xabel diz qu'europa nun puede permitir la existencia de lleis nos sos estaos miembros que vulneren el derechu de la ciudadanía a la participación, a la llucha pola democracia, a la llucha pola paz. lleis como la polaca, actuaciones como les del gobiernu polacu, nun han tener espaciu na europa del futuru, europa tien de ser más qu'unos fondos de cohesión.

xabel diz que rabilando peles estensiones de firefox atopó dos bien prestoses, a la vez qu'útiles. la primer d'elles ye una ventana que s'abre amuesando'l conteníu de les pestañes que tenemos activaes. xabel diz qu'esti ye un bon recursu cuando tenemos actives diez o venti pestañes y nun mos queremos perder. la estensión nómase showcase.
xabel diz qu'una de les coses más pesaes de navegar ye abrir un enllaz que tea mal, una páxina fea o poco interesante, volver atrás y eses coses. gracies al códigu abiertu de firefox, esto ye cualesquier persona con conocimientos puede aportar el so migayín de sable, una desarrolladora fizo coolcase, un programín que permite que cuando pases el punteru del ratón perenriba d'un enllaz puedas ver el conteníu d'esi enllaz, y ehí nun acaba too porque tamién pues siguir navegando pelos enllaces de la páxina abierta ensin abrir nueves ventanes. esta estensión ye cooliris.
xabel diz que sintiéndolo muncho el personal de l'administración asturiana nun puede disfrutar d'ello, coses de la censura y de los contratos cola microsoft qu'impiden la creación d'una industria real de software n'asturies.

xabel diz que llevamos una bona selmana de bronques parlamentaries. esti miércoles tocaba nel senáu español onde los senadores populares nun dexaben falar al presidente del gobiernu español, y a falta d'oratoria que meyor que les voces y pataletes pa vencer al enemigu, anque ganaron?
xabel diz qu'ayeri na xunta xeneral vuelta a lo mesmo voces, pataletes porque'l grupu mayoritariu pierde una proposición, qu'entamaba con una frase relativa a la llibertá d'espresión. diz chomsky qu'hai dos sistemes democráticos los que permiten la llibertá de los medios de comunicación y los que non, nun hai falta que xabel diga onde situa a la mayoría del gobiernu asturianu.
xabel diz que país a país el youtube va tando cada vegada más prohibíu, henry ten cuidáu con areces nun vaya ser que te ponga un filtru.

xabel diz que lleva unos díes enfrascáu na llectura de pi i margall, xabel diz que sabe que yá faló otres veces de la figura de quien fuera'l primer políticu en plasmar nun papel les bases d'una república federal ibérica. xabel diz que margall foi, siguiendo les llinies de los revolucionarios del so tiempu ún de los que yá daquella ponía les bases de la unión europea como unos estaos xuníos d'europa, siguiendo la propuesta de victor hugo.
xabel diz que vien esto depués de lleer una, de tantes, noticia en el país de güei na que se fala del entamu d'una asignatura común d'historia europea n'alemaña y francia; tan lloñe, en casi tolos sentíos, del requexu atlánticu astur.
xabel diz qu'hai unos años alcontrará na llibería cervantes una edición de "breve historia de portugal". xabel diz que según la lleía atopaba referencies a asturies, a los nuesos reis que yeren tamién los de so, a los nuesos mitos nacionales, a procesos históricos comunes, qué dicir de la tradición oral. xabel diz que dicía pi i margall que portugal entraría prestosu na federación

moitas caras teño visto
mais como a tua ningunha
josé afonso

xabel diz que l'alfa del presidente foi la negación de la llicencia a radio sele, yá pasaron ocho años, una sentencia qu'ordena la devolución de la llicencia a radio sele, y un claru compromisu presidencial de silenciar a cualesquier mediu de comunicación que pueda ser críticu.

xabel diz la base d'un sistema ciudadanu ha basase nel conocimientu, na información, na pluralidá de les informaciones. negar el derechu ciudadanu a escoyer los medios pelos que s'informar supón negar el derechu de la ciudadanía a la esistencia mesma, ye convertir a la ciudadanía nun simple espectador, y esi nun ye'l papel que-y corresponde dientro del estáu.

xabel diz que l'omega d'areces vuelve, otra vuelta más, a venceyase a la prohibición de los medios de comunicación. mañana a partir de les 14.30 el gobiernu asturianu borra del mapa televisivu una televisión, ensin decretos nin coses paecíes... xabel diz qu'espera llevantase el sábadu y ver el faru d'iyán.

xabel diz non al peslle de teleasturias.