xabel tuvo na presentación del llibru 'conceyu bable nes fueyes informatives (1976-1985)' prologáu por rafael rodríguez, más de 300 páxines onde bucear na historia del movimientu de vindicación llingüística y política d'asturies. miguel solis narra, nuna de les fueyes informatives, la historia de cómo se colgó la primer bandera asturiana nuna casa conceyu, pela nueche y sele izóse l'asturina. siempre ye necesario tener una memoria, crítica, pa coles organizaciones del pasáu y nel casu de cb un trabayu, como'l de rafa, que va aportar nueves visiones a esi requexu de la nuesa historia que fae que güei teas lleendo esti testu nesta llingua.
xabel diz qu'hai poco, y motiváu pola ociosidá, entamó la traducción d'un de los meyores xuegos d'estratexa nunca fechos el civilization 2, espera xabel que pa la selmana que vien pueda tener la traducción fecha. anque piensa xabel que yá de ponese a traducir programes nun taría de más que se punsiere con dalguna ferramienta útil
xabel diz qu'anduvo pela fiesta aniversariu de la casa posafuelles volvió pa casa cola ???????? conmemorativa... y diz que nun sigue porque la so forma d'escribir ta entamando a paecese a la d'isabelina y elli prefier ser como seraphín (esto é pa llectores/as d'el oriente de asturias).
dobru vecer

xabel diz pa elli la cuestión de que jesús iglesias sía'l candidatu d'izquierda xunida, a la presidencia del gobiernu, ye dalgo natural en cuanto que jesús iglesias ye'l coordinador xeneral de la coalición d'esquierdes. si hai dalgo que sí-y preocupa a xabel ye'l momentu siguiente a les elecciones, cuando se conozan los resultaos electorales, va permitir ix la esistencia de dos gobiernos con llinies d'actuación en munchos casos diverxentes o va esixir la esistencia d'un únicu gobiernu que cumpla un pautu de gobiernu (nesto nun taría de más que nel intre de roblalu hubiere dalgún notariu) como dalgo tresversal y non como un repartu nel que cada conseyería puede facer lo que-y pete. a la fin el pueblu d'asturies ye'l que va decidir si la decisión ye l'afayadiza o ye la más gafa.
xabel diz que-y falten 67 pallabres pa llegar a les 200, que ye una cosa asina como anunciar la gratuitidá de los llibros mediante una beca xeneral, que nun ye otra cosa, paez qu'hai mieu de les editoriales... falta de valentía política y d'oportunismu electoral cuando esa supuesta gratuitidá ye tamién pa les escueles concertaes, que nun son públiques.
xabel diz qu'hai más de 200 pallabres.
dobrú vecer

There she goes again
She's out on the streets again
She's down on her knees, my friend
But you know she'll never ask you please again

Now take a look, there's no tears in her eyes
She won't take it from just any guy, what can you do
You see her walkin' on down the street
Look at all your friends she's gonna meet
You better hit her

There she goes again
She's knocked out on her feet again
She's down on her knees, my friend
But you know she'll never ask you please again

Now take a look, there's no tears in her eyes
Like a bird, you know she would fly, what can you do
You see her walkin' on down the street
Look at all your friends that she's gonna meet
You better hit her

Now take a look, there's no tears in her eyes
Like a bird, you know she will fly, fly, fly away
See her walking on down the street
Look at all your friends that she's gonna meet

She's gonna bawl and shout
She's gonna work it
She's gonna work it out, bye bye
Bye bye baby
All right

lou reed

xabel diz qu'esta selmana na que'l gobiernu del principáu d'asturies va gastar cientos de miles d'euros nun macrofestival de música nel que la presencia de grupos asturianos ye mínima, igual teníen qu'entamar a reflexonar sobre les ayudes que dan a la música, y a la cultura, asturiana.
lo que diz xabel vien tamién a cuentu de la solicitú de la fsa a la sociedá uvieina de festexos (últimu párrafu de la noticia) pa que se faiga un homenaxe a ígor y carlos que bien que lu merecen, pero mala tierra esta na que pa que se te reconoza'l to trabayu tengas que tar muertu. los musicos n'asturies necesiten, entre otre munches coses, más sofitu de les instituciones asturianes, por exemplu'l mesmu que da pa facer el derrame rock, o p'aquel festival de la vaca que costaba 480000€ y que nunca más volvería a pasar per asturies.
xabel diz que según pasa'l tiempu'l realismu máxicu de macondo aseméyase cada vegada más a asturies, la última ye la propuesta de facer un tranvia dende avilés al aeropuertu. y asina van les coses nesti país onde la primer ocurrencia sienta catedra electoral.

xabel cuando lo supo alcordóse de munchos recuerdos asociaos a felpeyu, munches hores sintiendo la so música, mesmo en direutu como en casa, aquellos tiempos en radio sele per onde había una cinta de la so maqueta 'fuxide d'oricios'. tamién de comics de la familia castañón, de tantes coses venceyaes al bon facer d'una bona persona como yera ígor medio.
xabel hai poco veía actuar a carlos redondo xunta natalia quintanal na presentación de "los años eléctricos" recordando una frase sobre carlos y el so míticu grupu los locos que dicía que si marcharen d'asturies diben tener munchu más ésitu del que tuvieren, y nun quisieron marchar.
xabel unvia un abrazu a les sos families, a felpeyu, y a tola xente que fae, siente, vive'l facer de la cultura asturiana.
esti llunes 26 de xunu a les 13.00 nel tanatoriu de cagüeñes hai un actu civil pa dispidir a ígor y a carlos.

el vuesu facer nun tien escaezu

xabel entama esta entrada faciendo alcordanza d'una frase de pedro de silva -pa xabel l'únicu presidente real de l'asturies autonómica, anque se reconoz que de silva facía por nadar ente dos agües- que diz esto "(un) procesu de rehabilitación qu'alquiera prestixu y lu refuerce" en referencia a la llingua asturiana, añu 1989. esti miércoles la nueva españa asoleyaba los puntos principales del informe consultivu de la reforma del estatutu d'autonomía. los medios de comunicación asturianos titularon les sos ediciones col asuntu de la oficialidá, y lo que se diz nel informe; nun s'esplica xabel, ironicamente, como una cuestión baladí pude centrar tanto l'atención de la prensa asturiana, igual tini areces o álvaro cuesta son a esplicalo.
tini areces rechaza que'l nuevu estatutu otorgue al asturianu rangu de llingua oficial -defende que se mantenga l'actual redacción "sin variaciones sustantives". diz xabel que si josé angel villa falara en favor de la oficialidá de xuru qu'areces, como bon conversu (depués de perlora la mesma que quier pesllar, y de la que tamién cayó de la burra) entamaría a xuncir los gües del reconocimientu de los derechos llingüísticos. pero villa lleva dende 1989 ensin gurgutiar una opinión sobre l'asturianu, otra cosa ye l'idioma qu'emplega que nun ye otru más que'l que val pa escribir estes llinies.
xabel diz qu'anguaño si hai dalguién que se tien de tar sintiendo con poder n'asturies esi nun puede ser otru más qu'ovidio sánchez. esti home, enxamás la tuvo tan a güevu, nun momentu nel que poles lluches intestines del so grupu políticu tendría de tar descolocáu gracies a les pallabres de la fsa sábese dueñu y señor del futuru d'asturies. la entruga ta en si esti país se pue permitir un estatutu como l'aragonés, aprebáu poles sos cortes el 21/06/'06.

xabel diz que'l presidente areces debe pasar munches nueches a la duermevela, y a xabel nun-y estraña porque parez-y normal que tea asina. esti vienres el presidente d'asturies ordenó parar los glayíos pro derechos llingüísticos, como la xente siguía mandó que metieren a la pita dientro la llechera. y como ficiere stalin con troski l'anuncia nunca se publicara en nengún mediu de comunicación, asina esto que xabel acaba dicir nunca nun pasó.
el domingu en la nueva españa entrugában-y a álvaro cuesta, madrileñu ensin derechu a votu n'asturies y númeru 1 del psoe por asturies, pola oficialidá -en referencia a una hipotética negociación con iu del estatutu d'autonomía- retrucando'l señor cuesta "la cooficialidad no es una demanda ciudadana. ni garantizaría un mayor desarrollo ni generaría grandes emociones en la ciudadanía..." diz xabel que lo que nun garantiza desarrollu, nin xenera esperances, son les vueses polítiques de desactivación del texíu industrial del país; y afirma xabel qu'a elli si-y diba xenerar esperances, amás d'un reconocimientu de los sos derechos como ciudadanu.
xabel agora va sentase a ver si la fsa sigue supeditando los inetreses de partíu a los intereses d'asturies. habrá unanimidá na defensa de la construcción d'un centru de parapléxicos en llangréu? o la fsa siguirá diciendo que la sanidá ye un mal gastu inncesariu; y que se pue facer n'otros llugares. y esi centru, lo mesmo que la oficidalidá, sí xenera ilusión n'asturies.

xabel hai unos años, paez-y que fuera 1 de xineru, asistía televisivamente a l'entamu de la revolución zapatista de chiapas; un pueblu indíxena, al que se-y negaron los derechos reconocíos na constitución de la república, qu'atopó nel bon usu de los medios de comunicación una plataforma perafayadiza pa espeyar los sos problemes al restu del mundu, centrando asina l'atención, y obligando d'esta forma a que les autoridaes mexicanes tuvieren qu'actuar. el subcomandante marcos tien falta de los medios y aprovéchalos, sabe escoyer el momentu, de mou que les reivindicaciones nun s'escaezan.
xabel, casi too'l mundu sabe, ye llector diariu de prensa, y como referente tien a el país; nada d'especial teniendo en cuenta que ye'l diariu d'información más vendíu del estáu;hai unes selmanes veníen a dicir que marcos nesta campaña electoral adoptara un papel incómodu, pa la esquierda socialdemócrata, qu'en nada s'asemeyaba al que tuviere nes últimes elecciones a la presidencia de méxico cuando ganó'l pan y roblara unos alcuerdos onde la población indíxena desarrollaría una meyor calidá de vida de pacificación.
cuatro, cinco años depués marcos vuelve a apaecer nes cais de méxico. la otra campaña ye una xira interior na que se denuncia la situación de la población mexicana, se remarca la importancia de que'l pueblu sía escucháu y se pon n'evidencia la necesidá de fortalecer l'estáu de respetu a los derechos humanos en méxico. queda saber si marcos, nel casu de victoria de calderón, vuelva roblar alcuerdos cola derecha mexicana. de facelo esti sería'l so últimu tour.

xabel lleía la voz de asturias; na casa posafuelles, sitiu atopadizu onde los haya; d'esti sábadu 10 de xunu un titular que dicía 'asturies una pila pa españa' el subtitular diz 'asturias evolucionará energéticamente para volver a convertirse en el motor nacional a través del carbón, el gas y el almacenamiento de CO2'. hai unos años nel caiga quien caiga de wyoming na sección de comentariu de titulares citaben ún del diario de león en que dicíen que la basoria de llión diba falar bable, el vertederu de la provincia escosaría y la xetión depndería de coxersa, o dalgo asina que tanta memoria xabel nun tien. la noticia de güei n'asturies.com ye 'les térmiques asturianes valtaron dafechu les emisiones conseñaes en protocolu de kyoto' subtitulando 'la térmica de lada multiplicó por 5 el co2 que tenía conseñáu'. y ye que diz xabel que yá ta fartu de que mos vendan, como diríen en portugués, tantes 'pilas' col futuru d'asturies, cuando en verdá lo que se ta faciendo ye hipotecar el desendolcu del país.
xabel alégrase de la realización, pola conseyería de xusticia y relaciones esteriores, del mapa de peters n'asturianu. camienta xabel que depués d'esta bona idea lo prósimo a desenvolver pola conseyería de valledor tendría de ser un mapa de la población asturiana. tomando como base les encuestes de llera ramo; reflexar el posicionamientu de la ciudadanía en defensa de los derechos humanos nesti país sería una actividá bien necesaria, y esti ye'l momentu.
y echó andar la televisión del principáu d'asturies 'venid prestosos que los trasgos os esperan tomando un colacadito'

xabel alcuérdase del petromocho, la estafa qu'acabó col gobiernu del antiasturianu juán luís rodríguez vigil. alcuérdase d'esos dos años negros de la historia del país, años nos que la conseyería de cultura fizo lo posible, y más, por reducir los sofitos a la promoción y difusión de la llingua asturiana, y alcuérdase de quien yera la conseyera de cultura, dende 1991 hasta 1993, maria antonia fernández felgueroso, dende la selmana pasada exmilitante socialista (que yá nun tien carné).
xabel cuando supo quien diba ser la procuradora xeneral tembló. sólo n'asturies una persona que fizo lo que pudo pa que la cultura del país, y los derechos de la ciudadanía, s'escaeciera y tapecieren, podría llegar a ser defensora de los derechos ciudadanos, y esa persona nun ye otra que la ex-conceyala del ayuntamientu xixonés.
xabel camienta que fechos como l'anterior dan preba de la poca voluntá de la fsa (o como bien dicía burilo, les noticies de la selmana del 11 al 17 de xunu, la federación porque nun yá nun ye socialista nin asturiana) n'avanzar nel respetu a los derechos y garantizar les llibertaes ciudadanes énte l'alministración autónomica.

xabel suaña munches vegaes conque'l so país, asturies, sía un estáu como los escandinavos. esti miércoles lleendo el país atendía pa esta noticia que fizo que xabel suañara ser ciudadanu escandinavu.
pero xabel pa más de cuatro quintes partes de la humanidá ye obxetu d'envidies y miles de persones arrieguen la so vida pa poder vivir como nós. xabel podría garrar un avión y tar en noruega en menos de 12 hores amuesaría'l so pasaporte y buscaría trabayu, ensin tener que mirar p'atrás, de contino, por si hubiere axentes d'inmigración perende. otres persones pa vivir meyor échense a la mar y con once puntos de gps lleguen a les playes de barbate onde suenen les sirenes como canta chambao.
un grupu de parllamentarios/es europeos/es acaba proponer que la unión europea faiga una condena del franquismu. en francia un xuez condena a la empresa nacional de ferrocarriles por collaborar nel tresporte de seres humanos a los campos d'esterminiu. n'uviéu izquierda xunía propón la supresión de los símbolos franquistes y el pp retruca qu'esi debate yá ta superáu. xabel camienta que dao qu'esiste una llei de partíos políticos igual yera bono reformala pa que los que siguen obviando'l xenocidiu franquista, anque colos deos cruzaos, hubieren condenar la dictadura que fizo que'l reló de la ciudadanía se parara demientres cuarenta años, nel meyor de los casos pa otros nunca nun más pudo volver funcionar.

xabel diz, como munches más veces dixere, que la derecha española tien un problema enforma seriu. nel restu d'estaos del continente la derecha aveza tar dixebrada en delles rames dende la democracia cristiana hasta planteamientos facistes, la derecha española alcuéntrase concentrada nun únicu partíu y les tensiones internes, amás de les lluches pol poder y control de la organización única, provoquen situaciones esperpéntiques como la d'esti martes nel congresu los diputaos o como les declaraciones de la presidenta de la comunidá autónoma de madrid. xabel diz que sí tamién hai más derecha nel estáu español pero esa otra derecha mira más pa renania que pa los eeuu.
xabel confirma que la predición del 6 del 6 del 06 falló, anque puntualiza diciendo que la numeroloxía de la biblia nun se puede interpretar mediante los sistemes tradicionales de cuntar.
xabel alcuérdase de hai unos años de la qu'entamaben les campañes pa que les muyeres pudieren participar nos alardes, n'asturies anque nun lleven escopetes tírense voladores y les muyeres nun pueden, per agora, tiralos. una noticia que tien de facenos reflexonar ye qu'una muyer tenga quedenunciar la so esclusión de les peñes de la descarga de cangas. y la fiesta siguirá teniendo dalguna declaración d'eses de fiesta d'interés... asturies adelante.

xabel diz que'l conciertu de dixebra d'esti sábadu n'avilés foi un perbón repasu a la historia social d'estos últimos venti años n'asturies dende les lletres d'un grupu comprometíu col país y el so espoxigue social y cultural. que tocaren el mercucu xusticieru o non nun ye causa pa criticar al grupu que dinamizó la escena musical asturiana de los últimos venti años, y que de xuru va siguir faciendo que l'asturianu tea énte tolos estilos musicales, con sones de calidá.
xabel pasó un de los díes d'esta fin de selmana per cuideiru, como dicía silvio rodríguez "güeyu puestu en too yá nun sabe lo que ve" pero xabel alcontróse con estes dos ayalgues que dicen muncho de la corporación municipal, pero camienta que muncho más se puede esperar de dalguién que foi a un programa de televisión nel que se falaba de pueblos con nomes graciosos y/o ofensivos pa dicir que en cuideiru había un pueblu que se nomaba el pitu. polo demás el pueblu ye una maraviya, anque hubiere obres.
y nada que mañana polo que paez va nacer l'anticristu y va entamar el fin de los díes y van salir los cuatro caballos del apocalipsis. y xabel menos ver, y escuchar, a iker jiménez, qu'a la fin quedes a la duermevela.

xabel diz qu'hai vegaes nes que cuando entama escribir tien mieu a repetise. diz xabel qu'hai temporaes nes que ye necesariu aislase de la realidá asturiana suñar que tamos enriba la herba seco de daqué h.enal nuna corte cualesquier del país pa depués espertar con un golpe nel corazón que mos recuerda de que siguimos equí y tini tamién. les sociedaes occidentales escaecen la importancia de la participación llegando al casu de qu'hasta les sociedaes de tradición militante y activista, como asturies, la cultura de la participación decrez o deriva hacia movimientos asociativos que tienen como fines facer encaxe de bolillos y coses asina que de nada nun-y valen a la nuesa sociedá.
cuando nació internet naide, los estaos europeos, nun pusieron munchu procuru nello y prefieron mirar pa otros llares más rentables, como les lliberalizaciones de servicios y persones y coses d'esa triba. agora que los y les diputaes conocen el valir de la rede quieren introducir impuestos a los correos electrónicos y a los sms (dizse que los correos non pero ye como lo de los globos sonda). piensa xabel qu'entovía los y les diputaes europees nun cayeron na cuenta de que esto qu'escribo faise n'asturies sí pero publícase nos estaos xuníos, que ye onde tán los servidores de blogger. estráñase xabel qu'una organización que da la espalda a la ciudadanía quiera beneficiase d'ella. por qué nun propondrán impuestos pa les empreses?

fartu toi yá de buscar
daqué d'amor pente la ciudá
rulandu per les cais d'un llau a otru
sollerte total pa nun me comer ná
tengo abonda fame ¿nun me ves la cara?
pero índa nun muerdo cualaquier mazana
nun quiero princesa que saga llueu rana
nin yonqui colingada nin facha de Galiana

quiero una rapaza na na nacionaliega
que sepia pronunciar la l.l vaqueira
quiero una rapaza na na nacionaliega
que nun faiga casu a gracia noriega

la vecina'l cuartu siempre que m'alcuentra
ximielga'l cadril daquella manera
ta lloca si piensa que voi dir tres d'ella
yo sigo esperando a la mio dixebriega
toes quieren lo mesmo garrar mio cartera
nun saben que m'echen mañana d'ensidesa
darréu que me boten nun tendré más xera
que siguir guetando a la moza melguera

quiero una rapaza na na nacionaliega
que sepia pronunciar la l.l vaqueira
quiero una rapaza na na nacionaliega
que nun faiga casu a gracia noriega

tu yes alitú de la mio vida
da igual si yes virxe o tienes el sida
contigo afayé a la fin lo que quería
pa facer un griesca afayadiza

esborrianaremos xuntos los lletreros
la oficialidá glayando esixiremos
al tini areces tirarémos-y güevos
ya comportaremos con kurdos ya eritreos
rapaza nacionaliega dixebra