xabel diz pa elli la cuestión de que jesús iglesias sía'l candidatu d'izquierda xunida, a la presidencia del gobiernu, ye dalgo natural en cuanto que jesús iglesias ye'l coordinador xeneral de la coalición d'esquierdes. si hai dalgo que sí-y preocupa a xabel ye'l momentu siguiente a les elecciones, cuando se conozan los resultaos electorales, va permitir ix la esistencia de dos gobiernos con llinies d'actuación en munchos casos diverxentes o va esixir la esistencia d'un únicu gobiernu que cumpla un pautu de gobiernu (nesto nun taría de más que nel intre de roblalu hubiere dalgún notariu) como dalgo tresversal y non como un repartu nel que cada conseyería puede facer lo que-y pete. a la fin el pueblu d'asturies ye'l que va decidir si la decisión ye l'afayadiza o ye la más gafa.
xabel diz que-y falten 67 pallabres pa llegar a les 200, que ye una cosa asina como anunciar la gratuitidá de los llibros mediante una beca xeneral, que nun ye otra cosa, paez qu'hai mieu de les editoriales... falta de valentía política y d'oportunismu electoral cuando esa supuesta gratuitidá ye tamién pa les escueles concertaes, que nun son públiques.
xabel diz qu'hai más de 200 pallabres.
dobrú vecer

xabel nesti momentu ta emplegando un sistema operativu llibre, guadalinex, foi un conseyu d'un bon collaciu y la verdá ye que la propuesta dixital de la junta de andalucía ye bien atractiva; anque hai que reconocer que la junta de extremadura fuere la primera en desenvolver nel estáu una iniciativa de sistema con llicencia gnu. esplicar lo que ye'l software llibre nun entra ente les misiones d'esti espaciu, asina que lo meyor ye que sigas esti enllaz y compares... extremadura, castilla la mancha y andalucía nun tienen llingua propia y poro desenvuelven les sos ferramientes en castellano, qué fadría'l gobiernu asturianu ente la posibilidá de qu'equí se desenvolviere una iniciativa similar?
de la que miraba, vespertinamente, el diariu el país na edición de papel xabel quedó viendo un mapa del estáu español nel que se daba cuenta de les principales vindicaciones de les reformes estatutaries. ente les esperpéntiques la declaración de l'antigua provincia de logroño como nacionalidá hestórica, en la rioja gobierna'l pp, hasta aquelles nes que les comunidaes esixen la xestión del so agua. d'asturies citábase'l porque hai que reformar l'estatutu oficialidá de la llingua asturiana. piensa xabel que ye sintomático que'l mediu de comunicación más importante d'españa referencie la llucha polos derechos como principal puntu a resolver del nuesu estatutu, pero dase cuenta de que colos residentes d'anguaño del palaciu d'enriba la xunta xeneral ye bien difícil que pueda cambiar nada, pa meyor.
esti vienres como yá tien de ser persabío hai concentración delantre la xunta xeneral pa esixir la devolución de la llicencia d'emisión a radio sele, siete años depués de que se concediere. el 23f, los golpistes llegaron a rne y punsieron música militar n'asturies hai siete años llegó areces y metió radio fórmula paez que buscaren los mesmo, callar la información. a too esto xabel s'entruga izquierda xunida tará o nun tará?