xabel diz que como banda sonora del entamu de 2007 punso dos temes, el primer d'ellos la perbona lletra de george brassens de la 'mauvaise réputation' na versión de loquillo, nun sabe xabel el porqué d'esta elección n'especial, y 'alguién que cuide de mi' de christina rosenvinge.
camienta xabel que l'escoyer la mauvaise réputation representa bien la so forma de ser. xabel diz qu'elli nun s'afaya na ortodoxia, ye un fechu que cualesquier persona que lu conoza tien claro. pero sábese, tamién, que xabel sí hai una ortodoxia que valora como a nenguna otra; esa ye la del compromisu de la pallabra, lo que n'asturies denominamos ser un paisanu, pallabra guapa au les haya na llingua del país que nun ye.
xabel diz que si siente a christina rosenvinge ye en parte pola so voz, tresmisora de tranquilidá, pero tamién poles sos lletres. xabel diz que christina rosenvinge tien esi puntu de persona anxelical, que non inxenua. porque detrás d'esa fachada esiste una persona, una persona que trabaya no que sía p'algamar el so sueñu y nel casu de xabel el so suañu ye...

...saber cuala ye la frase final del monty python's the meaning of life.

saludos y abrazos y como dicen en palestina salam, salom y n'asturies alón

xabel diz que la mañana del 30 d'avientu, anque hubiere unes llugues d'espatarrar y el sol molestara más que nengún otru día del iviernu, tien un tastu a sangre que va marcar la nuesa esistencia. la primer anuncia ye la del aforcamientu de sadam hussein, el trunfu de la separación de poderes.
xabel diz que la otra ye la de la furgoneta del aeropuertu de barajas qu'españó depués d'una llamada al dya de gipuzkoa. xabel diz que nun esiste procesu de paz nel que daguna de les partes tenga fracciones, hai elementos que nun son a soportar la tensión de la espera y acaben na demencia, creyéndose salvadores y llíderes de proyectos de futuru. xabel diz que lo mesmo que nun ye razonable creer na resolución d'un conflictu históricu en dos selmanes o dos años, pensar que nel tiempu de negociación les partes nun vayan exercer presión p'algamar un resultáu afín ye d'ilusos, y cola ilusión nun se resuelven conflictos políticos. xabel diz qu'en nengún momentu xustifica, nin xustificará, l'empléu de la violencia pa la resolución de conflictos.

al punto, deponiendo las armas en la tierra,
lavan en el arroyo los colores de guerra
que en sus frentes lucían, las salvajes pinturas.
cada cual una pipa se hace, y en la ribera
coge una larga caña que adorna a su manera.
sonreía el espíritu a sus pobres criaturas.
baudelaire "la pipa de la paz"

bon 2007

xabel diz que les xeneraciones futures deprenderán que la democracia ye un sistema que s'impón mediante la pena de muerte, anque paradóxicamente les más de les democracies tienen la mesma abolida. dientro d'unes selmanes l'ex-xefe d'estáu iraquí, sadam hussein, sedrá colgáu pola decisión d'un tribunal, anque la sentencia executaráse ensin la firma del actual primer ministru del caos iraquí.
xabel diz que sí dalgo pue reaxuntar a los pueblos d'iraq eso ye la figura del so antiguu xefe d'estáu aforcáu. esa imaxe que, de xuru, va representar al pueblu devastáu d'ún de los estaos del golfu pérsicu qu'algamó un réxime social en bien de casos equiparable al de los estaos occidentales, sedrá un aliciente pa la llucha de lliberación nacional qu'esti pueblu vien desenvolviendo dende hai décades.
xabel diz que les esperances, vanes, de que la comunidá internacional reacciones esixendo la inmediata cancelación de la sentencia del tribunal, sobre la persona de sadam hussein, son poques por nun dicir nenguna, teniendo'l mesmu valir qu'un glayíu nel ermu.

xabel diz que nun entiende cuando llee los titulares, y desarrollos, de la prensa en referencia a los intentos d'izquierda xunida por crear un grupu parlamentariu federal. izquierda xunida n'euskal herria ta fraguando alcuerdos con aralar, en valencia col bloque nacionalista valenciá, en balears col psm... n'aragón ensin que pase muncho tiempo habrá alcuerdu cola chunta aragonesista... en toos menos n'asturies, el bloque por asturies anque valiera nun lu cuenta xabel namás que por nacer a tres meses vista de les últimes elecciones.
xabel diz qu'el pasu, silenciosu eso sí, que tán dando dellos sectores d'izquierda xunida p'algamar esi grupu nel que confluyan les diferentes izquierdes del estáu de salir bien podría ser un gran avance. claro ta, reconoz xabel que, como siempre, hai sectores a los que la pallabra españa-yos la pon tiesa y tolo que-yos suene a nacionalismu-yos da cagalera, cosa que tamién pasó nel psuc, y ehí ta'l resultáu nel que los sectores más xacobinos hubieron aceptar el federalismu soberanista y converxer n'iciativa per catalunya.
xabel diz qu'un país como asturies, poca población, pocu pesu económicu, nenguna representación propia, más allá d'enfrentamientos fraticides de distracción, necesita d'una representación fuerte en madrid, esa representación bien pudiere venir d'un grupu federal au se defenda'l nuesu país. xabel diz que dos años y mediu son un súspiru.

xabel diz que nunca nun fue a la ópera, nun sabe si por falta de ganes, d'invitación o de traxe pero'l casu ye que nunca nun fue a la ópera y conténtase con enterase de lo que ye una ópera sintiendo dacuendo dalguna de les de wagner. xabel diz qu'ayeri de la que miraba la nueva españa y veía les non declaraciones de los diputaos asturianos, de la fsa, sobre la ópera yeren pa dir allá y esixi-yos que nel intre nel qu'haya un asuntu sobre asturies polo menos lu miren, anque depués voten en contra. gaspar, anque diputáu por madrid, tampoco ye que se lluciera muncho col so votu.
xabel diz que de la qu'andaba buscando semeyes y portaes de nancy sinatra, coses que tien un, alcontraba un bon signu de la censura franquista, esa a la que nun hai nin que condenar nin revisar, el trabayu del censor col pechu de la nuestra derecha nun tien preciu en comparación cola portada distribuyida nel restu del mundu.
xabel diz recomendar munchísimo 'robots' una película d'animación que cuenta histories d'un mundu de robots, si hai neños o neñes y si non los hai lo mesmo, más información en kinoki.

xabel diz qu'hai unos díes lleendo'l diariu el mundo alcontraba'l titular más alarmante en munchos años na prensa española. la multinacional carrefour pedía un cambiu constitucional, por mor de la "ruptura del mercáu" provocada poles diferentes llexislaciones autonómiques. la gran empresa, la persona xurídica, reclamaba cambios pa poder trabayar en llibertá, menos estáu significa mayor llibertá empresarial. con curiosidá xabel consultó en google les tres pallabres máxiques: carrefour, reforma, constitucional atopando 103,000 páxines nes que apaecíen los tres términos, y la verdá ye que xabel entamó a temblar.
xabel diz que sobre estes cuestiones de la llibertá de mercáu falaba noemí martín, secretaria xeneral del partíu comunista d'asturies, nel so discursu de conmemoración de los 28 años de la constitución española la diputada d'izquierda xunida afonda na necesidá d'un estáu fuerte como meyor preséu de llibertá ciudadana.
xabel diz que chomsky escribía hai unos años sobre la evolución paralela de los derechos de les persones físiques y de les "persones" xurídiques nel trescurrir del avance del lliberalismu dende les sos primeres formes. l'anécdota de carrefour nun futuru, non mui llonxanu, pudiera ser un vezu, y nun fala xabel de los usa sinon d'europa, y eso ye causa de preocupación.

sustenta xabel que ele tem muitas diferenças respeito a pereira. mesmo que sotiene pereira seja uma das mais belas filmes jamais filmadas, e se desenvolva toda ela em terceira pessoa, xabel tem um ponto, que pereira chega em conseguir, que considera a seu favor, que é o da militância.

sustenta xabel que pereira foi, é, um grande personagem digno de toda a admiração que em um momento código da história de portugal proporciona apoio a dois jovens dos que só conhece seus estudos, no final, como em todas as grandes novelas, simpatiza com sua causa, porque é a dele.
sustenta xabel que não pode haver maior afago que o de comparar-lhe com um personagem de novela, e que dizer quando esse personagem é do país que diretamente procede de asturies.

xabel sustenta que te dá os obrigado pelo bem que você põe.
xabel discúlpase pol so mal galego-português, coses d'un país que mira pa otru llau; anque n'asturies a naide nun-y puede asustar.

xabel diz que la futura llei d'alquiler de viviendes que va sacar alantre'l gobiernu catalán, ensin resolver dafechu'l derechu a acceder a una vivienda si supón un pasu alantre a imitar na midía de lo posible poles demás comunidaes autónomes. xabel diz que, como tantes otres vegaes, hai que salir a les cais y que se mos sienta bien alto reclamando l'exerciciu de lo que ye de nueso, asina que'l 23 d'avientu pa la plaza del parchís de xixón a esixir lo que ye de nueso.

xabel diz que la selmana pasada veía la semeya de tres diputaos y una presidenta de la xunta xeneral renovando'l documentu nacional d'identidá, que suena un poco a movimientu nacional y eses coses, pa tener el modelu electrónicu col que se va poder facer la compra dende casa. xabel diz qu'aparenten dar la seguridá absoluta nel reconocimientu ya identificación del titular, anque como pasa coles tarxetes de créditu nun supondrá otra medía de control ciudadanu? pel momentu xabel siguirá renovando los sos documentos cada 8 o 9 años.

xabel diz que nun entiende como nesti país la publicación de les cartes n'asturianu de xovellanos nun lleguen a ser portada del periódicu más lleíu del país. ye lo mesmo que siempres, nin castros, nin muralles, la negación, el tapecimientu de la identidá como seña característica de la identidá.

xabel diz que si hai dalgo a lo que temer ye al ascensu de la ultraderecha de bon ver, más allá de democracies nacionales y demás grupos de la nostalxa, esa a la que tan bien representa ciutadans. evitando definise como de dereches o d'izquierdes, adoptando discursos populistes, l'antigüu militante del pp de catalunya, aparez como un profeta empobináu a llibrar a la tierra de los males del nacionalismu, de toos menos del de so, porque esi nun ye nacionalismu.
xabel diz qu'una de les coses que más-y presten del alsa ye la so capacidá de movenos per otros mundos, bon exemplu d'eso ye la utilización que-y dan a una tarxeta de la empresa nesta semeya publicada en la voz de asturias del 14 d'avientu de 2006.
xabel diz que personaxes como'l diputáu de ciutadans nel parlament catalán n'asturies tamién hai xente a la que-y molesta, y muncho, que se faigan campañes, que se desenvuelva l'estatutu y demás cuestiones llingüístiques. sí esos que piensen qu'abandonando lo de so van tener más oportunidaes, esos que se sienten inferiores y como bon exemplu esti artículu d'opinión sobre una campaña pal usu del bable na hostelería. y de siguío l'enllaz al blog del autor por eso de si dalguién-y quier facer dalguna suxerencia.

pueblo, aquí decidiste dar tu mano
al perseguido obrero de la pampa, y llamaste,
llamaste al hombre, a la mujer, al niño,
hace un año, a esta plaza.

Y aquí cayó tu sangre.

en medio de la patria fue vertida,
frente al palacio, en medio de la calle,
para que la mirara todo el mundo
y no pudiera borrarla nadie,
y quedaron sus manchas rojas
como planetas implacables.

fue cuando mano y mano de chileno
alargaron sus dedos a la pampa,
y con el corazón entero
iría la unidad de sus palabras:
fue cuando ibas, pueblo, a cantar
una vieja canción con lágrimas,
con esperanza y con dolores:
vino la mano del verdugo
y empapó de sangre la plaza!

pablo neruda "la muerte"

xabel diz que foi bona pena que nun morriere nel intre nel qu'el xuez/a dictara sentencia condenatoria. l'aición de la xusticia foi lenta, anque se produxere non como n'otres partes del mundu onde los ministros, procuradores y demás collaboradores viven llibres de culpa, pero esa aición xudicial esistió y ha valir d'elementu de reflexón colectivu.
xabel diz alcordase d'aquel primer arrestu en llondrés. cuando'l fiu del tiranu glayaba que yera un atentáu, contra los derechos humanos, detener a un vieyu'l día del so cumpleaños. pal que nunca s'alcordó de los derechos humanos de les millones de persones a les que-yos los negó, l'aición xudicial nun podía parar. depués yá se sabe, una bona amiga, margaret thatcher intercedió ente'l gobiernu llaborista, dicen, de tony blair lo que xunta les poques ganes del gobiernu d'aznar permitieron el so treslláu a chile.
xabel diz qu'a la fin morrió perseguíu pola xusticia, esperando un xuiciu. esi que nunca nun tuvieron, tampoco había porqué, los torturaos, asesinaos, espatriaos... de la nueche que cubrió a chile. pa elli, qu'acompañó al fascista español hasta l'últimu día, la perda del alma que pregoniza esa que tanto los sofitó

xabel diz que la decisión del pp d'incluyir la reforma del estatutu nel so programa electoral hai que la tomar enforma sele. xabel diz qu'ovidio sánchez ye como l'aire y poro les sos declaraciones estatutaries nun avecen tener muncha solidez. xabel diz qu'ovidio foi de los primeros en reclamar una reforma esixendo, amás, los máximos posibles pa depués echase atrás. sicasí xabel camienta positiva la decisión del pp asturianu d'incluyir esta reclamación nel so compromisu pa cola ciudadanía.
xabel diz que house anque seya una serie bien prestosa tien dalgo que nun-y presta, yá pasaba con emergency (urgencias). los pacientes paguen pola atención hospitalaria, la directora fae porque'l que más paga meyor atención tenga. xabel diz que n'europa pasu a pasu se ta concienciando a la población de que la meyor sanidá ye la privada, series como house son un bon exemplu, eso ye un cambiu de sistema, qu'implicaría un retrocesu de derechos sociales. quiciabes nun, hipotéticu, gobiernu pp-uas s'entame camín per esa senda, quién sabe?
xabel diz que güei 9 d'avientu, dia internacional de los derechos humanos, acuéstase ensin el que lu fai ser xabel: el d'usar la so llingua.

xabel diz que dende hai unos meses la hora de publicación de los post ye la correspondiente a la zona horaria real asturiana, la verdá ye que naide nun se dio cuenta y eso ye lo bono. el bng propón que galiza determine la so hora conforme al meridianu nel que s'alcuentra y el nacionalismu español échase les manes a la cabeza. xabel diz, parafraseando de xuru a dalgún pensador que dalguién dirá nos comentarios, que les hores son pa la persona y non la persona pa les hores.
xabel diz que mientres españa entera se llevaba les manes a la cabeza pola pretensión gallega d'independizase del sistema horariu español el primer ministru español anunciaba una subida de los precios de la lluz. xustificaba'l primer ministru que les tarifes nun llegaben pa cubrir los gastos. mientres, al mesmu tiempu que, les cotizaciones en bolsa de les llétriques medraben, iberdrola compraba una llétrica escocesa, unión fenosa pensaba invertir munchos miles de milones d'euros, acs pensaba entraba entrar n'unión fenosa y n'asturies anunciábase la primera central de gas, ensin escaecer lo d'endesa.
xabel diz que s'escaeció de lo de la constitución, anque tampoco pasa nada por una cosa que mos tien escaecíos dende hai 28. oficialidá y derechos.

xabel diz que pela tarde na plaza américa d'uviéu los tanques de la ortodoxia comunista española tomaben el poder del, rebelde, partíu comunista d'asturies. la negación de la democracia, la negación de la soberanía de los y les comunistes asturianos son les bases emplegaes pol partíu comunista d'españa. xabel diz que bona pena foi qu'el pce nun siguiera, en so momentu, el camín tomáu pol psuc.
xabel diz que falando de derechos, y de defensores de derechos, esta selmana nun diariu dixital asturianu aparez que'l defensor del pueblu européu va aceptar les reclamaciones nes diferentes llingües españoles, esto ye les cooficiales. n'asturies nun hai oficialidá y poro cuando queramos denunciar la falta de derechos llingüísticos al nuesu defensor n'europa habremos facelo na llingua impuesta.
xabel diz que siguiendo colos handicaps, pallabra moderna del golf que vien a significar desventaya, de la non oficialidá puédese citar esta otra anuncia de la selmana pasada na que se diz qu'el congresu español va apoyar la realización d'arte cinematográficu nes llingües oficiales. les llingües d'asturies nun son oficiales, y según dalgunos llibros de testu tampoco son llingües.

xabel diz qu'hai vegaes nes que se vuelve a los entamos, como naquelles ruedes mitolóxiques de los celtes. ayeri xabel pasó pela biblioteca d'asturies, dar una vueltina y mirar pente los llibros, a la busca de daqué interesante. xabel diz que cuando llegó a la sección del materialismu cultural dalgo como un imán impulsólu a aquella estanteria. asina depués d'un añu xabel volvia tener un llibru de harris ente les manes, y tamién ente los güeyos.

xabel diz qu'el llibru tráxo-y alcordances d'otros tiempos de la que s'axuntaba nel sevilla con dalgunos amigos a falar d'eses coses mientres tomaben cuarenta cerveces, siempre hasta les diez de la nueche, coses que tien la formalidá.

xabel diz qu'ntovía s'alcuerda d'aquel día de setiembre cuando de la que volvía de cabrales alcontró'l sevilla remocicáu, d'un llugar diferente ficieren un sitiu convencional. depués de buscase, naide nun tenía teléfonos de naide, alcontróse otra vegada cola tertulia, esta vegada en el paraguas, o el paragües que más da! ellí siguióse la conversación, yera diferente pero seguía cola intensidá avezada. ayeri xabel quiso dir al paragües, yá nun da más, pero taba peslláu nun yeren les nueve la nueche... y ye que

todo pasa y todo queda,
pero lo nuestro es pasar,
pasar haciendo caminos,
caminos sobre el mar.

xabel diz que de la qu'intenta escribir ta escuchando un discu estrañu de la velvet underground. nun ye qu'el discu seya raru por ser de la velvet sinon pola mala calidá de la grabación, qu'obliga a dexar tolo que se ta faciendo pa concentrase y ser a distinguir si'l corte que ta sonando ye heroine o i'll be your mirror. guiándose peles indicaciones, y dalgunes notes conocíes, del winamp xabel sigue escribiendo mientres piensa tar sintiendo heroin.
xabel diz qu'ayer más que lo de que letizia tenía una neña na tripina sorprendió-y que l'asamblea de la república francesa adoptara l'usu del software llibre, y poro los representantes del pueblu francés tendrán nos sos ordenadores el sistema operativu linux, asina como bien d'aplicaciones gratuites, y que'n tou casu con un coste por mantenimientu muncho menor que'l de les llicencies de windows.
xabel diz que como la grabación casi psicofónica de la velvet siente l'ecu de les pallabres del presidente vicente diciendo que se diba impartir formación específica pa que la microsoft s'estableza n'asturies. xabel intenta interpretales, podría entendese otra cosa pero non la verdá ye qu'areces quier siguir pagando llicencies por caun de los equipos informáticos del principáu. areces nel so grandonismu personal fae por qu'asturies nun medre y si con un call center se conforma que vaya pa onde los trabayadores de teletech y-yos cuente tolo que fizo por ellos.

xabel diz que pensaba cellebrar el cumpleaños, que coses decilo en plural cuando ye'l primer, del blog el día que tocaba, anque como l'actualidá manda decide facelo en coincidencia cola anuncia de la nueva fía de letizia ortiz y felipe borbón.
xabel diz que relleendo aquella entrada, xestada nuna nueche d'órganos, ¿muérganos?, hammond nel albeniz del festival de cine na bona compañía d'un collaciu escultista, dase cuenta de qu'aquello de que xabel diz diba ser un blog entreteníu, dinámicu y eses coses quedó enforma apartáu y a la fin acabó siendo una creación más de xabel, esto ye una cosa que sólo fala de política nes pallabres d'un puntu que se siente daveres contentu consigo mesmo a primeros de mes cuando va a mercar le monde diplomatique.
xabel diz que de toes formes ta arguyosu de facer esti blog, sabe que muncha xente entamó a facer blogs n'asturianu, castellanu o eslovacu porque xabel tenía ún. pero xabel diz que si hai una cosa meyor entovía ye saber d'esa xente que día tres día, selmana tres selmana ta sollerte a les entraes que fae xabeldiz, y que dicir de cuando alcuentres a otra persona que tamién tien blog...
a toos y toes munches gracies por aguantar los rollos de xabeldiz. y agora pos a pol segundu añu.
puxa asturies, puxa la ciudadanía, puxa l'asturianu.

xabel diz que pel momentu nun tien que dicir, anque cuando vuelva del festival de cine igual si tien que dicir, o eso espera.

xabel diz que la derecha, tamién bona parte de la ilesia, española van dexar bien ceo de buscar los sos referentes ideolóxicos nos estaos xuníos. en polonia'l so ministeriu d'¿educación? tien pensao prohibir l'enseñu de la teoría de la evolución, sí esa de darwin que diz que l'home vien del monu. diz el viceministru polacu d'¿educación? que "la verdá de la nuesa civilización que lleva a la fe y que nun foi cuestionada en miles de xeneraciones" en referencia al creacionismu, o como tamién se denomina evolución intelixente que vien a ser una cosa como que llegaron unos bichos de fuera de la tierra y como taba erma decidieron crear vida. a esos bichos, sólo foi un, llámenselos dioses.
xabel diz que siguiendo cola tema derecha y ciencia hai qu'amestar lo que diz la ilesia d'españa, con capital en toledo. nunos alcuentros católicos l'arzobispu manuel monteiro de castro, embaxador de la ciudá del vaticano nel estáu español, pidió "una ciencia con conciencia" refiriéndose a la "necesidá" de poner un norte a les investigaciones y avances tecnolóxicos. yá se sabe que lo de la torre de babel foi una cosa que pararon los bichinos, dioses, pa que la humanidá nun pudiere avanzar xunida.
xabel diz, yá pa dir acabando la entrada, qu'estos elementos s'axunten y creen foros como'l d'esti web contra la educación ciudadana... por"laicista, feminista y homosexual" y parez que quedaron ensin tinta porque-yos falta lo de masona, comunista y xudía.

xabel diz que siente noxu cuando llee o oye al presidente asturianu congratulase de la so mentira. vicente ye presidente d'un país ensin identidá, y como'l país nun tien identidá ye un bon sitiu pa invertir, razona vicente. xabel diz que la FSA-PSOE ta a un pasu del nihilismu respectu a lo que ye asturies. arguyosos de que la cultura y la llingua tean morriendo. arguyosos del llabor bien fecho, pa ellos. anque entrúgase xabel por qué-y tienen mieu a un nacionalismu que ye incapaz a articulase partidísticamente?
xabel diz qu'ayeri cuando-y entrugaben a areces pola tributación del bicampión del mundu de la fórmula 1, que nun la fai n'asturies, el presidente respondía diciendo que fae muncha promoción del país. vicente, mal lo lleves, cuando xustifiques que les rentes altes nun tributen nel país, o como lu quieras llamar, que presides. contentase col sofitu a un circuitu de carts..., bono home al final aquello de el lazarillo de tormes del fidalgu que salía de casa col güesu ente los dientes nun queda tan lloñe plásmase en realidá.
xabel diz que mañana, 18 de payares, asturies habrá salir a la cai pa recorda-y a esi que somos ciudadanos y ciudadanes y que queremos que'l nuestru idioma siga vivu y que queremos poder emplegalu en toles ocasiones, porque tamos fartos d'apartheid.
na reforma l'estatutu l'asturianu llingua oficial. na reforma del estatuto a nosa fala llingua oficial

xabel diz que javier fernández, el de la fsa, parez tar resucitando l'ideariu d'aquella asturies pensante representada pola asociación amigos de los bables. la última ye qu'hai que facer del asturianu llingua de cultura, quitando-y los estigmes de los que yá naide nun s'alcordaba que-y decíen, xabel ta dalcuerdu hai que facer del asturianu un idioma de comunicación cultural, y en tolos ámbitos, sólo un problemín que ye que la universidá nun almite tesis n'asturianu, nel ridea nun s'almiten presentaciones n'asturianu... la razón señor fernández ye que nun hai oficialidá.
xabel diz que tien de ser un descoyone, perdón pola espresión, dir un sábadu pela tarde a concentrase delantre un edificiu onde nun hai naide, por mui significativu que seya l'edificiu. pa enriba si la concentración se fai a la mesma hora y día qu'una manifestación, la cosa entama a tar perbaxo la realidá. anque claro la realidá de cada persona ye diferente vease sinon a paco rabane prediciendo que la mir diba cayer en parís n'añu nuevu y detrás xente alabándolu.
xabel diz que como prometiere hai unes selmanes espubliza un primer llistáu de blogs n'asturianu, la llista nun ta completa, falten los blogs creaos dende mediaos d'ochobre, pero val como aprosimación a la realidá.

xabel diz que la condena a morrer aforcáu pa sadam husein nun ye otra cosa más qu'una amuesa de la democracia que fueron a implantar allá los tres de les azores, ente los que s'alcontraba l'ex-presidente del gobiernu español josé maría aznar lópez. xabel diz qu'amnistía internacional hai poco denunciaba la existencia de más de 20000 persones naguando pola muerte en dalguna carcel. zapatero dicía que la ue condenaba, amás de tener prohibida, la pena de muerte. xabel diz que nel blog d'escolar hai una bona amuesa de declaraciones sobre la sentencia al depuestu xefe d'estáu iraquí
xabel diz que la pena de muerte, de sadam husein, llega nun intre nel que les nacionaes xuníes alderiquen sobre'l conseyu de derechos humanos, qué facer con él? cuando'l país que más poder tien nelles ye de los pocos que se niega a ratificar cualaquier alcuerdu nel sentíu de protexelos.
xabel diz que nun estudiu dicíase que na gran bretaña y n'irlanda del norte hai una cámara por cada 14 ciudadanos. xabel diz que nun ta mal la estadística, anque igual hai que sumar les tarxetes de creditu, les de descuentu, la correspondencia, l'internet, y a la fin entrúgase xabel si daveres nes sociedaes occidentales tenemos tanta llibertá de movimientu como mos fain creer.
xabel discúlpase por nun poder poner entá'l llistáu de blogs, cada día s'alcuentra dalgún nuevu blog n'asturianu, pero cuenta que pa la fin de selmana daveres pueda asoleyar la llista.

xabel diz que cuando llee les anuncies sobre que na xina nun se puede acceder a dalgunes páxines de la rede, porque tán censuraes, que si cuando dende los servidores del principáu d'asturies se quier entrar a la páxina el comentario.tv, una páxina de mafalda, o munches otres páxines, la pantalla diz "la página solicitada no está disponible en este momento" y na siguiente llinia lo qu'aparez ye "error 403 forbidden" les coses nun ye que vayan mui bien pa lo que ye la llibertá. xabel diz que lo último qu'alcontró nesos servidores ye que tampoco dexen conectase usando firefox, llaméntase xabel pensando no que tendría que copiar areces d'ibarra, bono o chaves por poner tres exemplos.

xabel diz que cuando areces siente a la pita cerca sofre porque sabe que-y va quitar protagonismu, y poro areces llama a la policía pa que marche colos y coles-y pueden facer sombra. depués les situaciones esperpéntiques de los xuicios nos que se xulga a ciudadanos y ciudadanes exerciendo'l so llibre derechu a espresase ente los sos representantes. areces fae oposiciones pa señorita rotenmeyer, a la fin lo mesmo qu'ella claudicará.
xabel diz qu'esti 18 de payares tien de convertise na data del cambiu de rumbu nel país. la manfestación del conceyu abiertu pola oficialidá tien d'abrir esi nuevu camín, y ye responsabilidá de les organizaciones firmantes, especialmente d'aquelles con representación parlamentaria y sindical, movilizar a les sos bases pa dir a uviéu esa tarde de sábadu.

xabel diz que'l titular de la nueva españa d'esti sábadu onde se diz que "sólo 69 blogs utilizan el asturiano como lengua vehicular" esmolez abondo. xabel diz qu'anque anguaño hai dalgún blog más qu'usa la llingua asturiana como idioma vehicular, amás de los espacios del msn esi que son coses imposibles de cargar y que nun entraron na estadística (cinco o seyes) por esa razón, la blogosfera n'asturianu ye una realidá. xabel diz que sí se puede falar d'una comunidá asturiana qu'analiza la situación dende los preseos qu'ufre la web 2.0, y poro xabel diz que de tener que poner el titular a esa noticia escribiría "l'actualidá d'asturies vista dende 69 blogs".

xabel diz qu'hai unos meses el mesmu diariu informaba sobre la blogosfera castellana n'asturies, los blogs n'asturianu nun esistíen pal redactor de la info, anque hubiere blogs n'asturianu qu'aparecieren en publicaciones y diarios a nivel estatal. pero como dicía rafael valdés na so comunicación nes xornaes de l'academia "se quier tapecer la esistencia del asturianu nos estudios históricos" tamién se siñala la poca vitalidá d'un idioma, que nun tien un tratu normal, na rede.
xabel diz que los y les que tamos faciendo blogosfera n'asturies habemos axuntanos, xabel diz que-y la suda que'l que fai'l blog sía d'ix, d'andecha, d'ias, de la esa, la fsa, del pp o del bloque a elli lo que-y importa daveres ye que tea n'asturianu. facer un espaciu común, na rede, asturianu pa los blogs, amuesar la fuerza del esmolecimientu del país.
xabel diz que ta trabayando, casi acabando, nun web de blogs n'asturianu, si conoces dalgún blog por favor únvia-ylo a xabeldiz@gmail.com , gracies

xabel diz qu'hai selmanes nes que s'acumula too y nun sabe per onde entamar la criba de los sitios, o actos, a los que dir. esta selmana axúntense les xornaes de l'academia n'uviéu, l'arribada en xixón, l'entamu de los ciclos de caxastur, lo de los monólogos en xixón, llanes al cubo, les otres cares del planeta, la concentración en sofitu a los militantes de la xunta pola defensa de la llingua asturiana, l'aprobación de los presupuestos d'asturies pa 2007... y como xabel nun se puede, tampoco quier, dividise va a los actos que-y petén o a los que tien tiempu y oportunidá pa dir.
xabel diz que tuvo tiempu esti martes pa pasar peles xornaes d'estudiu de l'academia, ye una bona esperiencia sintir les comunicaciones y ver como van apareciendo cares nueves nel universu asturianu. sicasí reconoz xabel que del lletres asturianes prestó-y, nun-y diere tiempu a mirar entovía nos númberos vieyos, la entradina de los artículos al mou d'un blog. resume en cien o doscientes pallabres el conteníu del artículu y introduz unes cinco pallabres clave p'alcontrar esi artículu nos índices supón xabel o na versión electrónica cuando l'haya.
xabel diz que diba falar de que los representantes institucionales han exercer como tales y dexase de coses de guah.es diciendo contigo nun m'axunto que préstame más dir con esti otru y coses asina. xabel diz que prefier amuesar esta semeya del presidente areces con un compañeru inesperáu que nun ye pita nin pitu, pero muerre pola farina procesao.

xabel diz que d'ente les xeres de la casa si hai una que nun-y presta ye la d'alterar el desorde lóxicu que tien en so cuartu. dende hai seis meses, de la que-y cambiaren el color de les paredes, xabel siéntese inútil cuando tien d'alcontrar un llibru, discu o papel. xabel diz que mira pa les estanteríes y por más que lo intanta nunca nun ye alcontrar eso que-y fai falta.
xabel diz que según pasen los díes, meses, años... va acumulando coses y más coses. lleguen momentos nos que s'entama la criba na qu'hai que decidir que marcha y que queda. aparecen los papeles escaecíos, los que yá nin sabíes de la so existencia, y como acababen d'apaecer asemeyen como ayalgues que yá nun puedes tirar, non por ser de valir si non por acabalos d'ah.allar y ser contenedores d'alcordances.
xabel diz que cuando se formatea un discu duru pasa daqué bien asemeyao. entama a buscar los archivos, les fotos, los mp3, los .doc... y s'alcuerda de los instantes nos que fueron creaos, descargaos, recibíos, reproducíos, daquella ye cuando xabel diz que nun formatea y que quier un discu duru nuevu, un discu duru mayor, sólo pa elli.

xabel diz que les privatizaciones son un de los meyores inventos de la historia, que dicir cuando un tien ganes de ser empresariu. asina n'uviéu l'ayuntamientu cede unos terrenos a una empresa pa que construya y xestione polideportivos, centros d'estudiu... depués l'aytu paga una cantidá añal pa que la empresa ufra los servicios dalgo más baratos y l'empresariu/a ye un módelu a siguir.

xabel diz que les privatizaciones tamién vienen del otru llau, munches. como exemplu valdría'l de la casa rectoral de bulnes que ta cayendo y quieren facer casa de la montaña. mientres alministración y ilesia algamen un alcuerdu, yá decidieron que la casa de la montaña tea xestionada pola national express-alsa que como tou'l mundu sabe ye una empresa de xestión d'espacios culturales y que subsidiariamente tien dalgunes llinies de tresporte de viaxeros y mercancíes. xabel diz que de siguir asina de la que s'acaben les obres del muséu arqueolóxicu igual mittal steel puede optar a la xestión. a la fin too ye cultura, la del tresporte, la del aceru, la de la mina, la de los manguanes... y la que más mos pon n'asturies la de la estulticia si ye posible que sía cultura.
xabel diz que falando d'estulticies nada meyor que lleer a javier fernández, el de la fsa-psoe, afitando que la oficialidá, del asturianu, como derechu que nun puede ser porque xenera cargues. xabel diz que cuando llee coses asina entrúgase pa qué val l'estáu cuando nun quier atender los derechos de les minoríes?

cuando ya nada se espera personalmente exaltante,
mas se palpita y se sigue más acá de la conciencia,
fieramente existiendo, ciegamente afirmado,
como un pulso que golpea las tinieblas,

cuando se miran de frente
los vertiginosos ojos claros de la muerte,
se dicen las verdades:
las bárbaras, terribles, amorosas crueldades.

se dicen los poemas
que ensanchan los pulmones de cuantos, asfixiados,
piden ser, piden ritmo,
piden ley para aquello que sienten excesivo.

con la velocidad del instinto,
con el rayo del prodigio,
como mágica evidencia, lo real se nos convierte
en lo idéntico a sí mismo.

poesía para el pobre, poesía necesaria
como el pan de cada día,
como el aire que exigimos trece veces por minuto,
para ser y en tanto somos dar un sí que glorifica.

porque vivimos a golpes, porque apenas si nos dejan
decir que somos quien somos,
nuestros cantares no pueden ser sin pecado un adorno.
estamos tocando el fondo.

maldigo la poesía concebida como un lujo
cultural por los neutrales
que, lavándose las manos, se desentienden y evaden.
maldigo la poesía de quien no toma partido hasta mancharse.

hago mías las faltas. siento en mí a cuantos sufren
y canto respirando.
canto, y canto, y cantando más allá de mis penas
personales, me ensancho.

quisiera daros vida, provocar nuevos actos,
y calculo por eso con técnica qué puedo.
me siento un ingeniero del verso y un obrero
que trabaja con otros a españa en sus aceros.

tal es mi poesía: poesía-herramienta
a la vez que latido de lo unánime y ciego.
tal es, arma cargada de futuro expansivo
con que te apunto al pecho.

no es una poesía gota a gota pensada.
no es un bello producto. no es un fruto perfecto.
es algo como el aire que todos respiramos
y es el canto que espacia cuanto dentro llevamos.

son palabras que todos repetimos sintiendo
como nuestras, y vuelan. son más que lo mentado.
son lo más necesario: lo que no tiene nombre.
son gritos en el cielo, y en la tierra son actos.

gabriel celaya

xabel diz que'l peslle de la reforma del estatutu asturianu nun ye una noticia, qu'anque enforma murnia, pueda sorprender a naide. si hai dalgo que sí sorprende ye la rueda de prensa de jesús iglesias esixendo, a 8 meses d'acabar la llexilatura, el cumplimientu del plan de normalización. xabel diz que ye sorprendente salir con eses xusto'l día nel que se peslla la reforma, y poro'l cuarterón de la oficialidá. querer apurar nestos 8 meses el cumplimientu d'esi conxuntu de medíes, que yá bien delles se veníen desenvolviendo, ye un actu electoralista.
xabel diz, atemporaniamente, que nel estáu español, n'asturies les comunicaciones del xefe/a de gobiernu cola población son bien escases, por nun dicir nules, una pel día de la patria y otra per navidá acabóse. n'otros países, por exemplu los estaos xuníos o venezuela les comunicaciones son selmanales ya sía per radio o per televisión. sicasí la más innovadora ye la cancillera alemana, angela merkel, que desenvuelve'l so contactu cola ciudadanía per podcast. equí les comunicaciones del presidente areces avecen ser meros apuntes trunfalistes sobre lo bien que va'l país y eses coses...
xabel diz que siendo esta una entrada d'apuntes, nos que se pide igualdá y demás preceptos d'obligáu cumplimientu nes sociedaes democrátiques. xabel fai alcordanza d'anna poltkovskaya asesinada, esta fin de selmana, por facer artículos críticos col poder y nos que se denuncia la situación de violación de los derechos humanos en rusia. si al final aquello de la perestroica nun foi más qu'una apertura al lliberalismu salvaxe, el que diz que les persones xurídiques valen más que la ciudadanía.

xabel diz qu'esisten díes pa toles causes. dalgunes vegaes llega incluso a sorprender les propuestes del día, n'otres esi día tresmite un respingu. el 9 d'ochobre foi'l día nel que la humanidá consumió más que lo que la tierra podía producir en 2006, ye'l día nel que s'entra na delda ecolóxica. siguiendo l'enllaz de la bbc-world nel cuadrín azul xabel abluca viendo como esi día adelántase cada vegada más y más. y xabel diz n'asturies viendo como llibrase de kioto. qué país que mundu d'alloriaos y alloriaes.
xabel diz qu'ayeri de la que n'asturies alborecía y nel pacíficu facíase de nueche corea del norte amuesará que yá tien capacidá nuclear. xabel diz que lo raro ye que tardara tanto, pero agora la petrina nuclear yá ta pesllada. lo mesmo que nos eeuu'l gastu militar ye preferente asina como logarítmicamente mayor, que cualesquier gastu social en corea del norte mientres l'únicu paisaxe ye'l gris del formigón de les megaconstrucciones enantes que mirar pol progresu de la sociedá prefierse tenela de rodielles, a la fin nun son tan diferentes. agora llega l'intre de les sanciones internacionales que sólo afecten a la sociedá civil, anque esiste sociedá civil en corea del norte?
xabel diz que la censura ye un de los métodos más usaos poles dictadures pa evitar que les opiniones diverxentes puedan aparecer, podéis tener radio, ordenador, televisión... pero vais ver y sentir lo que nos queramos. n'asturies el periodista juan vega acaba denunciar que la so páxina ta censurada de los servidores de la alministración asturiana. nada bono nun mundu nel que les desigualdes multiplíquense cada trenta años.

xabel diz qu'ayeri anduvo en l'entregu pa ver 'revuelta n'asturies', llectura dramatizada de la obra d'albert camus. otra xente de la qu'acabara la representación quiso dir al conciertu de darréu pero depués de mercar la entrada nun pudieron entrar, nun los dexaron. a la puerta dos destacaos miembros d'andecha exerciendo un estrañu derechu d'almisión basáu na suposición de nacionalidá, y de si-y caes bien a los de la puerta, elitismu como en dalguna discoteca del barriu de salamanca de madrid, de los y les asistentes. lo mesmo que los neonazis españoles faen nos sos conciertos.

xabel diz qu'estes actuaciones dicen bien poco d'esi cambiu proclamáu por andecha astur, esa renovación que polo que parez nun ye más qu'una mázcara cola que tapecese y parecer otra cosa, qu'amuesen nun ser. pero xabel sabe, tamién, que n'andecha hai xente normal y enforma válido p'asturies.
xabel diz que viendo que les coses n'andecha astur nun cambiaron, si esos personaxes siguen tando de controladores quier dicir que'l so pesu na organización ye'l de siempre, cómo se puede esplicar qu'izquierda asturiana tea negociando, o buscando, una candidatura conxunta. xabel diz que ye p'ablucar nin el pp busca les aliances cola falanxe o colos nazis pol fechu de ser partíos nacionalistes españoles. yá valió d'atechalos embaxo'l paragües de disculpase diciendo que ye una organización nacionalista o d'izquierdes, esos comportamientos son fascistes y un partíu como ias, al que se-y supón ciertu sén, habría llevantase y pesllar toles posibles conversaciones con andecha astur.

xabel diz que cuando en 1989 cayó la muria de berlín los noticiarios mundiales falaben de la fin de les fronteres, del entamu d'una nueva dómina... xabel diz que cuando en 2006 situes les muries que van construyéndose ves que la de berlín yera bien poca cosa en comparación cola que van facer los usa con méxico, la de marruecos cola república sah.aragüi, la del estáu español con marruecos en melilla... y tantes otres de les que sólo sabemos d'oyíes.
xabel diz qu'occidente coloca esos muros como elementos d'una selección artificial na que los y les meyor preparaes van pasar la preba y entrar a trabayar p'ameyorar les economíes de los países lliberales. occidente, europa, escaeciendo los sos oríxenes, desprecia a los y les inútiles que nun son quien a saltar, o a los y les que pillen queriendo saltar. a la fin lo que-y interesa a europa ye tener a los más fuertes pa recorda-yos lo difícil de la so situación y de lo pronto que pueden volver a casa nun dc10 de la fuerza aerea española
xabel diz que la mesma obsesión europea, casu de suiza, pola seguridá ye tamién, al tiempu, una de les mayores debilidaes del continente. falta d'una auténtica política exterior, asina como d'unes polítiques de sofitu al desendolcu afayadices, europa afórcase nel so peslle de fronteres escaeciendo una de les herencies culturales europees como ye la emigración.

xabel diz que rebuscando nos titulares de la prensa asturiana dalguna vegada s'alcuentren artículos bien guapos y qu'amuesen caminos a siguir. ún d'estos artículos ye'l de fernando prendes en la nueva españa d'esti martes sobre la puxante industria cultural asturiana. n'otros titulares atópense a collacios, como marcos llope, amuesando los sos trabayos d'investigación sobre la medra de les temperatures nel cantábricu. nos medios n'asturianu la noticia del día, nun podía ser otra, ye la oficialización de la toponimia de xixón. sobre la toponimia de xixón xabel espera por que la xunta xeneral nun tenga qu'aprebar una resolución pa que se desenvuelva, porque viendo lo del plan de normalización... ver el decretu del bopa.
xabel diz que cuando lleía que la ministra española de cultura, carmen calvo, quería-y pidir a bill gates el dominiu <ñ>. según como ta'l preciu y calidá del internet nel estáu español nun-y pagaría de más la pena esixir una meyora del serviciu a les compañíes. amás de que'l de la m$c por más que-y prestara nun ye quien da los dominios, pa eso ta l'icann.
xabel diz que n'euskadi el gobiernu acaba aprebar el repartu de la televisión dixital nel país col enfotu d'ufrir una programación billingüe, favorecer la industria local y toes eses coses qu'a la fsa-y la suden. y ye que como máximu esponente ehí tenemos 'vete de mi' la película de tini, que va producir, como les dos siguientes, una productora de madrid.

dobru nôc

xabel diz que'l reconocimientu del derechu d'usar les llingües d'asturies na alministración de xusticia amuesa, a les clares, que se pueden dir dando pasinos, ensin perder el norte de la oficialidá, de cara a la normalidá democrática del país. valledor, conseyeru de xusticia, demostró que con voluntá política, y de negociación, ye posible que l'asturianu tea presente na vida alministrativa cola normalidá que merez. xabel diz reconocer, positivamente, los avances de les dos conseyeríes xestionaes por izquierda xunida nel ámbitu del asturianu. sicasí la falta de cohesión d'un gobiernu, del que'l partíu mayoritariu nunca creyó, fizo qu'estos avances nun se reproduxeren, como había ser, nel restu de la xestión gubernamental.
xabel diz que la capacidá de negociación de valledor contrasta cola del rector de la universidá asturiana, sí esi de la sorrisa peremne, personaxe que naide nun se puede explicar como llegó al cargu/os depués de ver como continuamente fracasa en cumplir col mandatu parlamentariu de la creación de la filoloxía asturiana.
xabel diz qu'otra de les noticies del día bien podría ser que servanda garcía, conseyera d'agricultura, pesca y demás actividaes, diz que'l bocarte de la griega se puede xintar. xabel, ensin entrar en cuestiones que nun-y competen, camienta que primero prefier ver a servanda xintando los pexes y depués yá reflexonara sobre la conveniencia de comer unos pexes de los que nun se sabe la causa de la muerte.

xabel diz que según pasa'l tiempu parez como si les sociedaes occidentales retrocedieren nes llibertaes cíviques. nun ye esti un pensamientu esclusivu de xabel, na edición de setiembre de le monde diplomatique hai artículos sobre la cuestión, ye una cenciella observación de lo que ta socediendo. nel estáu español la comunidá de madrid o l'aytu. de la capital del reinu cancelen, censuren, una obra de teatru porque al so director nun-y presta españa, n'alemaña cancelen una ópera por miéu a les represalies relixoses, n'asturies dalgunos alloriaos piden pesllar asturnews porque bertín, el dibuxante, primero fizo una viñeta que sentó mal a andecha y agora fae otra que sienta mal al pas. xabel diz qu'a la fin ratzinger tien xente abondo pa poner nel tribunal de la santa inquisición.
xabel diz qu'agora son les obres de teatru, les óperes, los dibuxos de bertín, mañana serán les coversaciones en casa... la cosa ta n'entamar depués los y les amantes de los tixories yá tarán sollertes pa que lo que nun-yos presta nun se vea.
xabel diz que depués del discursu nel que'l presidente areces anunció tolos proyectos d'autopistes, estaciones d'esquí, puertos, refuxos, banzaos... llega poseidón y gomita más d'un millón de pexes nel sable de la griega. qué coses más rares pasen nel país cola tasa de co2 más alta d'europa.

xabel diz que'l vienres de la que s'apagaren les lluces entamó una llucha pol derechu a espresase nel idioma de cada ún. a un de los qu'apaecía na pantalla metiéren-y la balloneta pel piscuezu por nun dicir el so nome na llingua del imperiu... darréu entamaba una guerra de guerrilles pa la llibertá d'irlanda. entama asina la última película de ken loach 'el vientu que cañica la cebada'.
xabel cuando veía aquella escena alcordóse de les pallabres d'ana rosa, conseyera de cultura y vocera del gobiernu autonómicu, onde dicía que la oficialidá del asturianu sedría una imposición. xabel diz que l'auténtica imposición va vese cuando'l 27 d'ochobre los militantes de xunta moza tengan que comparecer a un xuiciu y el o la xueza-yos nieguen el derechu a espresase nel so idioma. lo mesmo que tamién ye imposición, o censura, que nun estáu democráticu por manifestar les opiniones puedas acabar delantre d'un tribunal. asina avanza asturies.
de la que les llucen volvieron tar enceses marchó xabel a tomar unes pivo y dalgo que xintar. entró, otra vuelta más, nuna discusión conceptual sobre la normalización y normativización de los idiomes, y n'especial del asturianu. volvió salir el casu de los tribunales, ye de lo que más teme la ciudadanía, qué pasaría cuando llegue la oficialidá? -entrugáben-y a xabel- elli retrucó que nun habría problema que nesi momentu l'academia de la llingua diba enllenase de solicitues, voluntaries, pa facer la preba de conocencia. y l'usu de l'asturianu normlizaríase dientro de los xulgaos, lo mesmo qu'énte la sociedá. claro ta si nun se da'l pasu previu, oficialidá, entós la preba de conocencia seguirá pero ensin miles de solicitues.

pivo>cerveza

xabel diz que nun piensa movese pa dir a san llázaro a sentir a melendi, siéntelo pol real uviéu pero xabel cansa d'eses estrelles mediátiques d'anguaño. xabel pensaba n'aquellos tiempos nos que los músicos podíen compartir cantares, escribir cantares pa otros, robase los cantares, aquellos tiempos nos que la mayoría sabía componer y versar. xabel tuvo escuchando, esti llunes, a los secretos, faltaba enrique, alcordando emociones que sólo los que saben escribir son a rescamplar. discúlpase xabel con loquillo pero coses del tayu... sicasí tien ganes de de dir a l.a.
xabel diz que lo mesmo que los músicos analfabetos tán de moda na política asturiana pasa lo mesmo. lo qu'importa ye la música, repetida y machacona, la lletra con tener un estribillu facilón y llambión val, total naide nun poner atención pal testu enteru. sólo asina se puede entender les declaraciones de la cúpula de la fsa sobre l'asturianu.
xabel diz que como nun hai quien los mueva, de les sos posiciones, parez que vien pel oeste gordon con ganes d'armar xaréu. y sobre movilizaciones entrúgase xabel si les organizaciones más importantes númericamente del conceyu abiertu pola oficialidá fadrán un llamáu a los y les sos militantes, pa participar na manifestación del 18 de payares, o preferirán aforrar en sellos. diz xabel que cuando tas nel güeyu del huracán hai calma pero alredor too ta en movimientu.

xabel diz, depués de sentir y lleer al presidente vicente abrir la reforma, que nun será, del estatutu d'autonomía, que lo de la fsa pasa de tolos mátices de la hipocresía. nun ye que sía una sorpresa les reformes anunciaes pol presidente del conseyu de gobiernu, que yá se sabíen, lo malo ye que mos quieran vender una reforma asemeyada a la de ceuta y melilla como un trunfu equiparable al del estatutu balear, catalán, gallegu, valencianu... sicasí la fsa sola nun puede imponer una reforma estatutaria y eso, cuando menos, ye un aliviu.
xabel diz que si pudo esistir un puntu clave na reforma del estatutu, que va tardar ser, esi ye'l d'ovidio sánchez "si la situación del asturianu nun va cambiar pa que facer una reforma". ovidio repite la clave electoral, la so cercanía, como estorbu pa entamar una reforma, de xuru que tien les cuentes echaes, anque la fsa tamién y piensa seguir xugando con ventaxa.
xabel diz que lo único seguru na reforma del estatutu ye la posición d'izquierda xunida, mantendrá la que siempre tuvo, sí a la oficialidá. izquierda xunida ha xugar un papel de negociación. queda saber si jesús iglesias tará al altor d'una negociación estatutaria, amás de sabese responsable del futuru de la llingua del país. a la fin xabel diz que quien diba dicir qu'ovidio pudiera pasar a la historia como'l presidente qu'oficializó l'idioma envede como'l representante asturianu que foi a más beatificaciones. y ye que los dogmes de fe nun tienen razón científica vicente.

xabel diz que cuando'l vienres prendió la radio y sintió a ibarra nun se decató de qu'esi yera'l día d'estremadura. mientres el presidente extremeñu falaba de los problemes de la so comunidá y de les iniciatives que se taben desenvolviendo, asina como dalgunos absurdos sobre la unidá del reinu y eses coses, el presidente tini taba de rodielles delantre la virxe cuadonga.

tini taba de rodielles de la que la tpa inauguraba la so programación matinal. por supuestu había ser na misa cuadonga, y ye que si-yos ponen un obiespu delantre corren detrás d'elli como burros detras d'una zanahoria. la tpa entamó como lo que ye una serviciu al serviciu de los poderes fácticos y na asturies de tini areces la ilesia sigue siendo un poder al mesmu nivel que los demás. llaméntase xabel de la inesistencia d'un benito juarez na historia d'asturies.
xabel diz que la tarde del día d'extremadura n'asturies pa la tpa foi dalgo revesosa. encargaos d'amuesar la vida asturiana, siempre y cuando sía respetuosa colos mensaxes del gobiernu. la presencia de la pita de la xunta, que non d'andecha como'l fiu de dalgún amigu de los bables escribiere, fizo que l'asturies bucólica diere pasu a los odiosos comerciales y a la descordinación técnica. por supuestu la culpa nun ye de los profesionales de la tpa la responsabilidá de que se suspenda una emisión en directu por evitar les crítiques ye esclusiva del aparatu censor que controla la programación.

xabel diz qu'entamen les emisiones de la radio pública asturiana, con perdón de radio llangreo. Tini areces, como dende la so llegada al poder, entámala con radio sele, otra vuelta más la gran perxudicada. nun ye cuestión de que la rpa vaya facer les sos emisiones n'asturianu, como debiere, sinon que va ocupar un sitiu nel dial bien averáu al de la radio n'asturianu, tan cerca que radio sele va tener que cambiar el so dial. día d'asturies ensin radio n'asturianu, pero como tamos n'asturies tampoco ye d'estrañar, o llegó'l momentu de dicir yá ta bien!.
xabel diz sigue con otres coses del gobiernu asturianu como les de la presidenta del ridea y, conseyera de cultura, ana rosa migoya cola so negativa a retirar los símbolos fascistes de la universidá llaboral de xixón. xabel diz qu'agora que les competencies de xusticia tán trasferíes tamién ye'l momentu de que'l conseyeru de xusticia retire, ordene, la retirada de la vidriera col escudu fascista de la sede del tribunal superior de xusticia. lo último ye que van retirar los que nun estropien la estructura.
xabel diz que lo de los premios príncipe d'asturies ye dalgunes vegaes d'alloriar. la selección española de basket ganó'l mundial esti domingu, allegróse xabel, y premiu príncipe. pero y si envede españa ganara grecia, tendríen tamién el premiu? hai vegaes nes que parez que los de la fundación quieran dir a la lluna cola pareya gües.
y como mañana ye'l día covadonga equí una estrofina:

La Virxen de Covadonga,
la Virxen de Covadonga
ye piquiñina y galana,
ye píquiñina y galana;
ye la flor de les muyeres,
ye la flor de les muyeres
y ente les xanes, la Xana,
y ente les xanes, la Xana.

xabel diz sentise como la flor que l'aire la lleva, como la flor que l'aire la lleva vien el mio amor a rondar to puerta, como la flor que l'aire la lleva.
como la flor qu'el fríu la seca, como la flor qu'el fríu la seca vien el mio amor llorando a to puerta, como la flor qu'el fríu la seca.

tradicional asturiana

xabel diz que cuando esti domingu lleía en el plural la noticia sobre la portada de el mundo quedara friu y con ganes de ver la última de pedro jota y, del deliriu paranoide de la derecha española. xabel depués de lleer l'artículu biográficu sobre esta bona persona que siempre collaborara, cola policía, pa evitar el tráficu de sustancies, un gran rapaz que tuvo'l problema de les males compañíes, lo que nun evitó que siguiere fiel a les sos responsabilidaes cíviques votando, como siempre, al pp. en fin que xabel encamiéntavos la llectura d'esti nuevu culebrón de pedro iota porque bien lo merez.
xabel siguió viendo'l mediu d'espresión de la derecha española hasta atopar un artículu na revista del domingo, esos suplementos avecen tener más llibertá, sobre la desactualización de los llibros testu. daquella xabel alcordóse de les sos, inútiles, incursiones nel espaciu de llibros d'escuela del hipercor de les saleses pa ver los manuales de llingua castellana y les sos referencies al asturianu. anque fechos y col nihil obstat de la conseyería d'educación na mayoría d'ellos la fórmula utilizada ye illegal, esto ye anterior a 1998. l'artículu de el mundo falabo sobre'l tiempu que se diba esperar pa sacar a plutón de la llista de planetes viendo que munchos de los materiales nun faen referencia nin a la presidencia de zapatero, nin a ratzinger, nin a munchos de los acontecimientos que tán marcando'l presente.
xabel diz que de xemes en cuando abre'l google earth y suaña con otru llugar na tierra, búscalu y nun ye quien a ah.ayar nada como'l de so, sicasí xabel sigue buscando anque sólo sía por si acasu.

xabel diz que dalgunes vegaes ye bono mirar pel ventanu pa ver lo que pasa fuera de casa, pensar en cómo ye posible que'l segundu partíu de la izquierda abertzale, patriota, aralar busque aliances con ezker batua, izquierda xunida, de cara a les prósimes elecciones. les dos organizaciones tienen representación parlamentaria y saben que d'esta, futura, alianza la so representación va medrar. qu'esisten matices no que defenden unos y otros ta claro pero cómo se puede esplicar que n'asturies eso sía cuasi imposible, y nun se refier xabel a partíos de llaboratoriu.
xabel camienta que n'asturies izquierda xunida la dirección d'anguaño, mesmo del pca como d'ix, taríen capacitaos y respaldaos pa dar pasos na mesma llinia que la so homóloga vasca apostar por una coalición col nacionalismu asturianu. diz xabel que lo mesmo qu'aralar y eb renuncien, posponen, a puntos non coincidientes de los sos programes, n'asturies de nun esistir un nacionalismu cátaru, hai bonos y malos y l'oxetivu ye ser el meyor, esa coalición pudiere ser posible anque...
xabel diz que lo mesmo que nel nacionalismu hai un sentimientu albixense. dientro d'ix, y del pca, hai sectores, minoritarios, que siguen teniendo al nacionalismu como un preséu de la burguesía p'acallar la voz del proletariáu, coincidentes nello con bona parte de la fsa; asina como al mou de ver de xabel una forma d'alianza cola burguesía non identificada col país que ye'l 98% de la qu'hai n'asturies. la cuestión ta en dexar la búsqueda de la perfección pa otros tiempos anguaño lo importante dafechu ye tener la representación afayadiza pa condicionar la próxima reforma del estatutu.

xabel diz nun entender a la patronal del sector chigreru asturianu, xusto nel momentu nel que va entrar en vigor la llei de restricción de les llibertaes de los y les fumadores deciden esixí-y al gobiernu asturianu la prohibición de fumar en tolos chigres del país. diz xabel que la propuesta vien ensin creditu de nenguna clas dao que tiempu abondo tuvieron pa facer les reformes nos sos locales, y a una selmana de la entrada en vigor de la llei nun ye momentu d'esixir pa llibrate de lo que nun te dio pola gana facer.
xabel diz nun entender el posicionamientu d'izquierda xunida de siero respectu a la hipotética independencia de llugones, respectu de siero. xabel considera que la cuestión de la creación d'un nuevu conceyu, n'asturies por más que s'empeñen nun esisten los municipios, cuando l'esistente ta a puntu de medrar más allá de los cincuentamil ciudadanos/es ye un suicidiu pa los dos entes locales. sicasi xabel camienta que los y les qu'han decidir sobre'l futuru de llugones nun son otros más que los que viven, sofren, llugones. malos pegoyos pa medrar, a menos d'un añu pa les ellecciones, los que planta izquierda xunida de siero.

Dos amantes dichosos no tienen fin ni muerte,
nacen y mueren muchas veces mientras viven,
tienen la eternidad de la naturaleza.
pablo neruda

xabel diz que cuando nun hai muncho de lo que cuntar enxemes en cuando dalgún collaciu unvia-y dalgún recorte de prensa, pa eso de rellenar el blog y que nun quede atrasáu y ensin actualizar. la de güei ye, otra vegada más, sobre los cursos branu de la granda.
gracies a estos cursos de branu acabamos de saber qu'al xefe d'estáu de la ciudá del vaticanu ratzinger, alies benedictu xvi, la horchata presta-y tanto que ta a puntu de roblar un alcuerdu con un distribuidor. esto pasaba na apertura d'un "cursu" nel que falarán de lo complicao de la organización del alcuentru de les bones families que se ficiera esti añu en valéncia.
xabel que pasen los minutos nesta primer entrada col ubuntu instaláu nel discu duru del computador y la esperiencia bien pago la pena. pasín a pasín hasta escaecese d'esos ventanos qu'hai qu'iguar tolos años pa que nun entren les corrientes.

y como siempre los proyectos ensin realizar, y non por falte de ganes

xabel diz que cuando'l ciudadanu madrileñu y cabeza de llista de la fsa-psoe al parlamentu español ilustra ya esplica al pueblu asturianu nin tip y coll nin gila nin el mesmu urdaci s'averen a cuntar chistes tan falsos. esplica'l señor cuesta "que asturias se encerraría en sí misma y correría riesgos en su competitividad como región si, contracorriente, se obsesiona en la oficialidad". pos nada, suerte que tienen catalanes, vascos, navarros, gallegos, baleares qu'encerraos en sí mesmos son competitivos y añu tres añu medren perenriba d'asturies. ye normal qu'esta xente, que representa a un país que conoz de dos selmanes al añu, diga coses que rayen cola normalidá de la intelixencia que se-yos tendría de suponer a los y les representantes públicos.
xabel diz que, dao que fala de turistes, dalgunos díes de branu ye guapu dir peles cais d'uviéu como un turista más. nuna tarde xabel alcontró dos cais peles que nunca nun caminara, rincones bien guapos d'una ciudá que día tres día s'escaez y esborria pa sumise. de les coses qu'al xabel turista más-y manquen ye l'entornu de la foncalda diz xabel que nun ye comprensible qu'una de les construcciones civiles más importantes de la edá media europea tea neses condiciones, escaecida y sólo alcordada pol nome d'una cai.
alcuérdase xabel d'un proyectu, cuantos proyectos ensin realizase, col bardu errante pa facer una ruta turística, empobinada a la mocedá, demientres el branu l'uviéu más escaecíu dende lo industrial a lo medieval. amuesar esa ciudá la que dicía'l ferreteru que nun quería ser. Y ye que si nun conocemos lo de nueso, si lo de nueso mos da vergoña como vamos ser competitivos. encamiéntavos xabel a lleer les declaraciones d'eneko y iker pou , acaben d'abrir la via más difícil del mundu n'urriellu, en lnesobre la importancia de los picos y lo poco que se valoren n'asturies

xabel diz qu'esti añu si pudo tar na fiesta de las nieves en puertas, anque sabe que desvía l'atención de los temes xenerales de los que s'ocupa esti blog tamién sabe de bien de xente que llee esti blog por ser xabel d'onde ye y pa una cosa de la que ta arguyosu nun la va tapecer.
diz xabel que de la que llegó a puertas sintióse foriatu non porque naide nun lu conociere sinon porque elli nun conocía a les munches persones qu'andaben pel puelu, diose cuenta de que nun yera que la xente s'escaeciere d'elli nin nada pol estilu sinon cenciellamente turistes qu'había pel barriu vega y rodiada. a les 2200 del vienres caminamos pa la capiella de las nieves, en paruga, les moces cantaron lo del recibimientu y corriendo pa la verbena, qu'acabó como ye vezu cola cabera actuación de los tres del collanáu qu'anunciaron la so despedida en conxuntu y la prósima aparición de los sos trabayos en solitariu.
el sábadu apareció un cura mozu, venticinco años, con barba y alzacuellos (colo bien que parecía tar aquello del vaticanu segundu), el párrocu afáyase más en bulnes y en puertas poca xente lu echaría en falta asina que toos contentos. entamó la procesión, o manifestación relixosa ensin permisu de delegación del gobiernu, col ramu y demás tradiciones como les y los mozos del puelu vistíos col traxe y eses coses. puyóse'l pan y a xintar. a les 22 volvió entamar la verbena que duró hasta les 6. tranquilidá y munches cares conocíes a les que saludar.

xabel diz que, depués d'esta selmana d'ociosidá ainformática, torna coles mesmes ganes de siempre a facer dalgunos comentarios a la realidá social asturiana y mundial. diz xabel que viendo dalgunos de los proyectos de futuru d'areces pal país centru de microsoft, mausoléu de fernando alonso; faen que s'alcuerde xabel daquello del grandonismu asturianismu. xabel como cantaba dixebra diz premios principiegos sóbranos dinero n'asturalia.

xabel diz qu'entovía nun alcontró la diferencia ente los primeros tiempos de tele oviedo y los de televisión del principado de asturias, sacantes los medios ténicos y económicos. diz xabel nun entender tantu alderique parlamentariu p'acabar faciendo una televisión ayena al país, y que vuelve a cayer nos defectos de les televisiones xeneralistes. alcuérdase xabel de los debates na xunta xeneral nos que les organizaciones ciudadanes asoleyaron los sos criterios pal ente de comunicación, un mes depués del so entamu nenguna de les propuestes feches ta realizada. sabe xabel qu'un mes ye poco tiempo como pa calificar una obra pero esti entamu nun da bones vibraciones de cara al futuru. y la llingua? como diz areces elli foi'l que más fizo pol bable pero ensin tocala nun vaya ser que se ruempa como'l pañolón o'l brazu incorruptu de teresa de cepeda y ahumada.
lumes nunca mais

mañana crónica de la fiesta de las nieves de puertas, cabrales, que yá se-y escaecía a xabel

xabel diz que na anuncia del día, el bloque por asturies abandona la coalición con izquierda xunida, hai coses que nun ye a entender, n'especial de la visión positivista de rafa palacios con declaraciones como "dase la meyor coyuntura politica pa la presencia del asturianismu d'izquierdes y l'asturianismu cultural na escena política asturiana". piensa xabel que pudiere ser un convite pa entrar nes negociaciones con ias o con andecha, partíos que bona parte de la militancia del bpa ya conoz. camienta xabel que la executiva del bpa nun valorará como positivos, nel conxuntu del gobiernu, estos tres años pa la cultura asturiana; y si ye qu'asina lo estima entós meyor apagar y salir corriendo.
xabel diz que nun entiende'l porqué entós de les prieses por escoyer al candidatu a la presidencia. val qu'andecha yá decidiere otra vuelta más escoyer a david rivas, pero'l bpa tenía tanta priesa, y necesidá, de dar a saber dalgo qu'anque predecible nun había falta?
xabel diz que'l camín que-y llega agora al bloque por asturies, ensin el sofitu de la so matriz (ix), va ser enforma duru y les puertes au pique van tar trancaes. rafa palacios tien fecho un bon trabayu na dirección de l'axencia de cooperación, polo que dicen les organizaciones que trabayen nesi ámbitu, pero eses organizaciones nun van sofitar a un grupu que nun tenga nenguna opción d'algamar representatividá. el bloque, a la fin, volverá otra vuelta más con izquierda xunida d'otra forma nunca nun s'entendería la so esistencia.

xabel diz que'l so mundu nun ye mui grande, ye más según pasa'l tiempu a vegaes parez facese más pequeñu. munchos díes xabel anda dir pelos sitios d'hai ocho o nueve años parez que cola esperanza de volver a sentase nuna mesa colos collacios y entamar una llarga conversación teórica , sobre una praxis que nun llega. cuando se fae realidá la charra ye la mesma, o bien parecida a la d'había esos nueve o ocho años, parez que nada nun avanzara.
xabel reconoz que según pasa'l tiempu acumúlense les traciones a los pautos, acúmulense les ilusiones de los primeros díes, acumúlense a la fin una bona riestra situaciones qu'en munchos casos faen que s'abandone una xera na que se cree. xabel diz que nun ye esti, nin muncho menos, un epílogu -prefier introducción- pero si quixere que fuere un rebulsivu pa dicir equí tuvimos y fuimos, equí tamos y somos equí taremos y seremos; porque esti país ensin nos nunca nun será.
xabel diz que pa que sía ún de los conceptos más importantes a desenvolver ye la xera de la unidá ciudadana, la toma de conciencia de los y les asturianes como pueblu, y esa conciencia por más que se tea vendiendo nun esiste na realidá; y non sólo no tocante al apoyu de los partíos nacionalistes; y d'esistir, anguaño, esa conciencia desendólcase pela via de la folclorización. asturies tien falta de volvese en sí mesma, y esa xera correspóndenos a los y les ciudadanes d'esti país, a naide más. diz xabel que sí, qu'igual se repite con esto, pero parez-y necesario afitar la conciencia dende unes idegues, vagues, pero que camienta compartíes por bona parte de la xente esmolecío col país.

xabel diz que la propuesta d'izquierda asturiana p'axuntar a los partíos y organizaciones de la izquierda estraparlamentaria embaxo un paragües eco-socialista ye una propuesta enllena d'ilusión y qu'anque d'aguantar hasta mayu de 2007 les sos posibilidaes de ser alternativa son bien escases, el combate electoral ente la derecha asturiana y la izquierda asturiana va ser bien interesante, amás d'inútil. xabel diz que nun entiende como ias, que lleva doce años o más teniendo una historia d'amor/odiu con andecha astur, sigue cola ilusión de la primer negociación y col escaecimientu de la primer traición. a la fin la historia d'ias entama a parecese a la d'iu; l'hermanu pequeñu quier ayudar al mayor.
xabel cuando lleía que más del 38% de la xente del norte de lleón prefería tar con asturies, reconoz qu'una sorrisa apareció na so cara. diz xabel qu'eses zones del cordal 200 años depués entovía caltienen les rellaciones y los vínculos de pertenencia a asturies, fadráse dalgo na reforma del estatutu?
xabel diz que nos dos temes asoleyaos nesta entrada nin elli nin negún otru blogger van dar una respuesta averada, a la fin el pueblu asturianu ye'l que va decidir. anque a xabel pudiéra-y prestar en mayor o menor midía la propuesta d'ias, xabel piensa que per esa estación nun pasa nenguna via pa la xunta xeneral, pero eso yá se sabía.

xabel diz que cuando nos periódicos alcuentra la sección d'asturies hai vegaes, quien sabe si les más, nes que apetez-y pesllar el papel y echalu nel contendor azul. esti domingu tocó jesus gutiérrez, en el comercio, falando de les prioridaes del estatutu a reformar. cita'l señor gutiérrez, el mesmu del incasu sopeña, que lo más importante ye la cuestión de puertos, aeropuertos y rios. xabel piensa que conociendo a la fsa son capaces de vender la xestión autonómica del aeropuertu de la llamorgal, el puertu ribesella y la xestión de la cuenca hidrográfica del rio españa como les grandes reformes del estatutu. por supuesto que los derechos ciudadanos pal secretariu d'organización de la fsa nun son cuestión relevante, allá elli y la so conciencia.
xabel diz que va ser una pena que tini nun entre nos rios que va xestionar asturies porque cares-deva, sella, nalón-narcea, navia, eo nun valen como rios de posible xestión asturiana, les razones peresi enllaz.
xabel diz que según pasa'l tiempu too parez nun cambiar. cuando yera chicu, nel llíbanu unos falanxistes d'inspiración nacionalsocialista sofitaos pol estáu d'israel masacraben a los árabes y palestinos llibaneses. anguaño, un pocu crecíu xabel yá, israel vuelve ocupar un estáu soberanu. más de 500,000 persones desplazaes, miles de muertos, lo que se reconstruyó, dende qu'hai quince años acabara la guerra, otra vegada más en suelu. sede de muerte la d'un pueblu qu'escribió un llibru de venganza y sacrificios, la d'esi pueblu qu'afirmó ser l'escoyíu, la d'esi pueblu que llama a los sos hermanos fios de puta. xabel encamiéntavos a lleer esti artículu del foreign policy sobre israel y el supuestu grupu d'influencia xudiu.

xabel diz que pa güei toca una bona amuesa d'enllaces útiles, y preseos que van facer que los vuesos ordenadores, y/o computadores corran como'l rayu y s'espandan como'l fueu.
navegador web
mozilla firefox

llector de corréu electrónicu
mozilla thunderbird

comunicación darréu
amsn

editor de testu, fueya cálculo...
openoffice

antivirús
clamwin

editor d'imaxenes
the gimp

podríemos estender la llista con xuegos, reproductores,

y agora lo meyor de too, cuántu espaciu ocupa too esti paquete? echa cuentes lo que podría ser con herramientes de microsoft puff muncho... pos les que puedes algamar pelos enllaces nun lleguen a pesar nin 128mb. pa ver más aplicaciones un bon sitiu ye portable applications. otra de les ventaxes d'estos programes ye que'l so códigu ye abiertu y poro les soluciones munches vegaes les dan los usuarios nesti blog ufren unes cuantes soluciones pa navegadores y xestores de corréu.
agora, depués d'esta entrada, xabel espera que'l 40% de llectores qu'usen firefox sían un 90%, va ser muncho meyor pa la salú de los vuesos ordenadores y vais navegar munchísimo más rápidu, probái y cuntáilo.

xabel diz qu'elli siempre tuvo, y sigue teniendo, curiosidá polos cursos de branu de la granda. como la mayoría del pueblu asturianu xabel conoz estos cursos poles declaraciones de dalgunos de los sos ponentes sobre la llingua, que dicen nun existe o nun tendría d'existir. la mañana d'esti miércoles tocaron les declaraciones del conde de llatores, el xeneral fernández campo, nuna conferencia sobre xovellanos. nun ye d'estrañar que los que güei se reclamen xovellanistes, lliberales afirmen coses coles que los sos ¿eloxaos? nun taríen dalcuerdu, xovellanos quería conocer y fomentar la llingua asturiana y mostrábase arguyosu de que fuere la so primer llingua. otros, acomplexaos quiciaves, poles sos llimitaciones, dicen que lo qu'hai que facer ye deprender inglés. otros recomendámos-yos a esos que dicen eses coses que lo primero qu'han facer ye lleer a les persones de les que depués van prosar igual asina nun causaben tantes rises.
xabel hai un tiempu lleía nuna revista d'una organización política asturiana, nun va dicir el nome, d'un alcuentru con una organización política d'irlanda, que tampoco va dicir el nome, que parecía ser la conocía pero nun yera la conocía sinon l'auténtica. más info na sección prensa asturiana.
xabel recupera a federico

Verde que te quiero verde.
Verde viento. Verdes ramas.
El barco sobre la mar
Y el caballo en la montaña.

xabel una viespora d'una data enllena del silenciu de los glayíos apagaos entama a pensar nes coses que se perdieron n'asturies, de la falta de memoria en dalgunos casos y de lo qu'anda tapecío n'otros munchos más. hai un tiempu l'anguaño representante de la derecha española, la que nun condena pa nun abrir feríes (que se rían de la so .... ..... si quieren pero que nun se querian reir del pueblu y quedase tan anchos), dicía que en so casa taben los orixinales del estatutu d'autonomía gallegu de 1936, n'asturies inda los documentos preestatutarios anden desaparecíos. parez que nun hai tampoco voluntá de buscar lo que ye de nueso o meyor nun esiste la voluntá d'amuesar lo de nueso, y reconoz xabel que nun va ser dalgo, atopar esos documentos, que revolucione a les mases astúriques.
xabel llee qu'asturies yá nun ye la última comunidá autónoma cola tasa d'emancipación más baxa, ablucáu siguió lliendo y supo qu'agora cantabria ye la que tomó'l relevu, asturies siguía siendo la penúltima. nun ye d'estrañar estes coses cuando hai unes selmanes un decanu de la universidá d'uviéu dixere que con cellagú lo qu'había que facer yera movelu que total n'asturies sobren los castros.
xabel diz que ye difícil que nun haiga conexones ente los tres temes y un enllaz d'esta entrada. al final como ye persabío y perdicho 'un pueblu ensin alcordanza nun tien futuru a la llarga'

xabel diz que los datos qu'ufre l'estudiu (1.1mb pdf) sobre la mocedá de les cuenques mineres podríen significar un toque d'atención a la sociedá asturiana, y a la clase política en particular, sobre'l futuru del país. depués xabel camienta que cuando'l conseyu de la mocedá principáu d'asturies unvie la información del estudiu a los responsables políticos, la encuesta acabara archivada con númeru de rexistru porque asturies va alantre y cualesquier información que lo desmienta nunca nun esistió.
xabel diz que depués de que l'informe consultivu dedicare 33 páxines a la cuestión llingüística, agora bernardo fernández, miembru d'esi conseyu, diga que la so opinión espeya la opinión de la sociedá asturiana, amás de dicir que se sorprende pola polémica, cosa rara cuando dediquen más espaciu al bable que a la fiscalidá. pero como se dicía un poco más arriba n'asturies les encuestes que nun presten van al archivu, amás de la conveniente salida descalificatoria sobre los resultaos.
xabel p'acabar amuesa esti enllaz, d'una noticia de la voz de asturias, sobre les celebraciones del 2008. volverá la sociedá civil a tener que cellebrar na clandestinidá esos aniversarios?

xabel diz qu'una de les coses, será la única?, positives de la selmana negra ye la ocasión de poder mercar llibros difíciles d'atopar nes llibreríes, tán tamién en el fontán pero la escusa los calamares val-y, como los de la colección popular asturiana. esta vegada apaeció l'ensayu de pedro de silva, expresidente d'asturies, "el regionalismo asturianu" con idegues qu'entá güei tienen valir y de les que a xabel prestába-y destacar una breve reflexón, de les miles posibles, que se fain nelli: precisamente quienes impugnan el regionalismo/nacionalismo, por supuestamente contrario al "internacionalismo proletario", no dirigen igual reproche (o por lo menos con el mismo énfasis) a los estados nacionales, e incluso en ocasiones se sienten obligados a hacer invocaciones patrióticas, pese a que dichos "estados nacionales" sean (ellos sí), por el origen histrórico de su formación, y por su ejercicio de presente, instrumentos políticos de dominio de clase. ¡hasta ehí llega la inconsecuencia de nuestros conspicuos internacionalistas proletarios!

xabel diz que sobre l'alcuentru de la canción y el bolu palma que tuvieron los xefes de conseyu de gobiernu asturianu y santanderín poco que dicir, y sobre too tini porque nin bolu palma nin tonada. bono y ye verdá qu'agora'l centru meterolóxicu de santander va facer un meyor siguimientu de la climatoloxía asturiana.
xabel diz qu'espera ver llegar el día nel qu'un presidente asturianu vuelva apaecer per un día les lletres, que vuelva falar n'asturianu, que lluche por asturies, qu'escaeza la tortiella, les cebolles y les morcielles, que puxe pol país... -hasta equí xabel que yá entames a cansar-.
dobru nôc

xabel diz que cuando ve la tvg siéntela más cercana que la tpa diz elli que ye normal, la gallega fala na llingua del so pueblu y avérase al pueblu gallegu; l'asturiana; como desgraciadamente casi tolo que se fae n'asturies; fae por desconocer el país amás de sintise arguyosa d'ello.
xabel cuando lleía en la voz de asturias que 'las críticas de buena parte del público, que no entendía sus palabras' pensó que yera un actu en galego de la conseyera de cultura gallega en finlandia y en gallego pero non, yera una intervención en grandas. de les files que protestaben dicíen-y otros al alcalde de fonsagrada 'hable usted en castellano que estamos en asturias'. diz xabel que sólo cola so ignorancia se puede intentar xustificar comportamientos facistes qu'impidan a les persones espresase nel so idioma, o ye que si fuere una persona que falara n'inglés diben-y montar semeyante esperpentu?
xabel diz que marcha pa la selmana negra cola escusa de comer un bocadillu calamares.

xabel diz que nun ye que quiera repetise pero ye que sigue ensin entender como la derecha española pudo tar nel poder cuando entovía nun condenaron firmemente los cuarenta años de dictadura y violación de derechos que supunso'l rexime facista español. adoptar posiciones infantiles, pesllar los güeyos y dicir que nun hai naide, nun soluciona amás de nun impidir que la sociedá los vea ensin mázares. al final lo peor ye cuando, pa dicir lo que piensen, tienen que recurrir a elementos axenos, que bien que representen a una minoría sí, perinfluyente, de la sociedá española. entrúgase xabel pa cuando una llei contra los que se nieguen a condenar al facismu. eso sí, la mayoría de los eurodiputaos/es condenaron el rexime facista español.
xabel lleva tou'l día actualizando la páxina del diariu mexicanu la jornada pa ver si'l recuentu de votos daba a un ganador claru pa la presidencia de méxico. son les 1620 y el casilleru de les votaciones sigue paráu nesi 98.01% de los votos con un 35.64% pal pan y un 35.55% pa la coalición pol bien de toos. lópez obrador esta mesma tarde dio anuncia de que va recurrir el procesu y va esixir el recuentu papeleta a papeleta, nun ye normal qu'apaezan papeletes na basoria!
encamienta xabel la llectura del artículu de luis argüelles meres, (06/07/06) en lne, sobre la procuradora xeneral d'asturies, como amuesa de lo que diz déxavos esti párrafu:
Doña María Antonia, todos sabemos que no goza usted de un prestigio vertiginoso en el mundo del Derecho, ni en la lucha por los derechos ciudadanos. Entonces, ¿por qué acepta esto? ¿Acaso no es usted consciente de que con su parabién el deterioro de la vida pública ante los ojos de la ciudadanía va a más?

xabel diz que la facilidá de los medios de comunicación pa entitular una noticia o entrevista na que l'asturianu apaeza de refilón ye inaudita, y nos más de los casos inesplicable. asina nuna entrevista al diariu el comercio el presidente de la fade diz que "El bable no es ninguna prioridad para los asturianos" depués hai un silenciu, anque acaba dando la tradicional fórmula de naide nun lu fala na cai (fórmula descartada poles encuestes sociollingüístiques del gobiernu asturianu).

camienta xabel, qu'hasta hai tres minutos taba sollerte a les obres d'al llau so casa, qu'un bon titular de la entrevista podría ser que l'empresariáu asturianu, y internacional, diba entamar a cumplir los convenios, les normatives de seguridá, los horarios llaborales... pero eses cuestiones nun apaecen na entrevista... anque l'estrevistáu nun fuera nin sociólogu, llingüística sinon presidente de la fade y de la cámara de comerciu d'uviéu.
xabel diz que si cuando se quier facer una casa y nun hai planos ye difícil facela, si cuando tas faciendo unos planos y dalguién te los moya, o estropia, alcordaráste de dalgunes coses pero igual les vigues mayestres pónesles onde nun van. n'asturies nun se mira pa los planos pa facer país, n'asturies mírase pa otros planos pa mantener l'actividá como col sable facer castiellos. la verdá perder el tiempu pa escribir obviedaes.