xabel diz que'l conciertu pola oficialidá de la llingua asturiana ye, con pocu marxe d'error, la mayor manifestación asociativa d'asturies. qu'una entidá xuvenil, xunta moza, sía a movilizar a más de 2500 persones ye un fechu al que nesti país nun tamos avezaos. pa enriba esti añu fueron 8 grupos, qu'amosaron la potencia d'un movimientu cultural que'l gobiernu asturianu solventa cola entrega d'unos euros al añu. lo malo del conciertu pola oficialidá ye que se tenga que siguir faciendo, cuanto más diba prestar un conciertu añal pa cellebrar que somos ciudadanos y ciudadanes d'asturies. xabel quier poder sentase en tolos autobuses. oficialidá!
xabel lleía qu'iberia, compañía española d'aviación, va bautizar un avión col nome del conceyu de cabrales. ye una cosa bona que va llevar el nome de cabrales pel mundiu anque depués como nun se sepa la llingua del imperiu del home maría tudor va tenelo bien difícil p'algamar información sobre'l conceyu que tien más que quesos y picos...y eso nun ye bono nun conceyu onde una de les mayores fontes de recursos ye'l turismu.
xabel entruga qué vas facer mañana que ye 1 de mayu?

xabel llee con atención una noticia de la bbc mundo sobre la progresiva privatización de los conflictos bélicos, tamién conocíos como guerres, y la so importancia económica en determinaos estaos. nun ye una anuncia nueva el mensual francés le monde diplomatique vien tiempu enforma denunciando'l fechu del espoxigue de la vinculación ente'l capital priváu y les zones en conflictu. la dinámica neolliberal tiende a envolvelo too nuna óptica na que lo único que paga la pena ye'l dinero. entrevistadores privaos contrataos pol exércitu de los eeuu nes cárceles iraquines...milicies en sudafrica...y cuántes más nes más de cuarenta guerres de depués de la fin de la guerra fria. trillo, cuando fuere ministru de defensa/guerra español propunso qu'hasta la seguranza de los cuarteles militares fuera privao, la fin de les imaxinaries o imaxinaries compartíes ente'l que lleva'l fusil y el que lleva, paradóxicamente, un cárabu na manga.
xabel camienta qu'una de les anuncies del día ye que'l gobiernu asturianu anuncia una llei que va prohibir l'esbarrumbe de les cases tradicionales. xabel piensa que si bien yá nun tamos nos años 60, de la que'l desarrollismu ficiéronse auténtiques chambonaes, esta llei llega tarde y con un problema añadíu ¿tien el principáu d'asturies competencies urbanístiques dientro de los llugares, villes y ciudaes del país? la llei del asturianu diz que los ayuntamientos podrán adoptar les midíes afayadices (art.8), y claro sí los conceyos nun tán pol llabor pos a nun ser que se dea un grau de protección a toles construcciones d'enantes de 1920 el llabor d'esa llei va ser enforma complicao.
el pp, popular party, diz que nun va sofitar les reformes d'estatutu que pongan en compromisu'l modelu d'estáu que defenden. na ta bien, pero col pp xabel nunca nun s'aclara, y paez qu'ellos tampoco lo tienen mui seguru, si dicen que son los descendientes de la ucd (unión de centro democrático) d'adolfo suárez cómo ye que'l so partíu ye heriede orgánicu, como so la democracia, del partíu que fundaron antiguos ministros del franquismu, al que condenen cola boca pequeña. el partíu popular venti años depués de l'autodeterminación de los países ibéricos dirá qu'elli foi l'impulsor, porque a ponese medalles nun los para naide y si pa ello tienen qu'emplegar los papeles que dicen in god we trust pos s'empleguen y carretera. y siguimos ensin saber el modelu d'estáu de la folixa popular.

grândola, vila morena terra da fraternidade, o povo é quem mais ordena dentro de ti, ó cidade. dentro de ti, ó cidade o povo é quem mais ordena, terra da fraternidade g rândola, vila morena. em cada esquina um amigo em cada rosto igualdade, g rândola, vila morena terra da fraternidade. terra da fraternidade g rândola, vila morena em cada rosto igualdade o povo é quem mais ordena. a sombra duma azinheira que já não sabia a idade jurei ter por companheira g rândola a tua vontade. grândola a tua vontade jurei ter por companheira, á sombra duma azinheira que já não sabia a idade.

grandola villa morena tierra de la fraternidá, el pueblu ye quien más ordena dientro de ti, oh ciudá. dientro de ti, oh ciudá el pueblu ye quien más ordena, tierra de la fraternidá grandola villa morena. en cada esquina un amigu en cada rostru igualdá. grándola, villa morena tierra de la fraternidá. tierra de la fraternidá grándola, villa morena en cada rostru igualdá el pueblu ye quien más ordena. la solombra d'una ardina de la que nun sabía la edá xuré tenela por compañera grándola la to voluntá. grándola la to voluntá xuré tener por compañera, la solombra d'una ardina que yá nun sabía la edá.

josé "zeca" afonso
32 años dende la revolución de los claveles.

xabel diz que lleva un tiempu ensin demasiaes idegues pa escribir, diz que nun para de facer borradores d'entraes que van directos pa la carpeta de borradores. xabel camienta qu'elli ye un de tantes persones que énte la posibilidá de recibir tanta información instantanea dexa d'analizala, y poro de comprendela.
xabel esta mañana de llunes, 24 d'abril, de la que lleía la nueva españa vio que'l presidente asturianu, l'inautonomista álvarez areces aseguraba que los cambios "«imparables», armonizan la «unidad de España y la biodiversidad de las regiones». consultó xabel el preámbulo de la constitución española y vio que de la biodiversidá d'españa nun salía nada (ye más esi términu nun apaez na ce78 y el más paecíu sal nel artículu 150 referíu a les tresferencies), y alcórdose daquella felicitación de nadal del presidente areces na que falaba de la biodiversidá asturiana y escaecía la cultura. sicasí nun sabe xabel a que biodiversidá se refier el presidente de les asturies cuando fala de biodiversidá y se ven los datos de contaminación por co2 del país.
xabel estrai un cachu de la entrevista fecha por la voz de asturias el 16/4/06 a ana rosa migoya, conseyera de cultura del gobiernu asturianu: cómo presidenta del ridea ¿obligará a la institución a admitir una ponencia en asturiano? -nosotros solo podemos hacer sugerencias como se ha hecho. el ridea es un organismo con autonomía en su funcionamiento y el asturiano no es oficial. escaez la señora conseyera que l'artículu 3 de la llei de promoción del asturianu diz que l'obxetu de la llei ye :d) asegurar su libre uso y la no discriminación de los ciudadanos por este motivo. pero ensin problema que dientro poco vamos tener procuradora xeneral independiente como tien de ser en cualesquier país normal.

cantares prosaos y un proberviu

cantares
todo pasa y todo queda, pero lo nuestro es pasar, pasar haciendo caminos, caminos sobre el mar.nunca perseguí la gloria, ni dejar en la memoria de los hombres mi canción; yo amo los mundos sutiles, ingrávidos y gentiles, como pompas de jabón. me gusta verlos pintarse de sol y grana, volar bajo el cielo azul, temblar súbitamente y quebrarse...nunca perseguí la gloria. caminante, son tus huellas el camino y nada más; caminante, no hay camino, se hace camino al andar. al andar se hace camino y al volver la vista atrás se ve la senda que nunca se ha de volver a pisar. caminante no hay camino sino estelas en la mar...hace algún tiempo en ese lugar donde hoy los bosques se visten de espinos se oyó la voz de un poeta gritar caminante no hay camino, se hace camino al andar..."
golpe a golpe, verso a verso...murió el poeta lejos del hogar. le cubre el polvo de un país vecino.al alejarse le vieron llorar. "caminante no hay camino, se hace camino al andar..." golpe a golpe, verso a verso...
cuando el jilguero no puede cantar. cuando el poeta es un peregrino, cuando de nada nos sirve rezar. caminante no hay camino, se hace camino al andar..." golpe a golpe, verso a verso.

proberviu

bueno es saber que los vasos sirven para beber, lo malo es que no sabemos para qué sirve la sed

a.machado

xabel diz qu'anguaño una organización política, cultural, de cualesquier xera que tenga espaciu web y nun lu actualice da la imaxe de ser un ente muertu, o que ta a poco morrer. anduvo d'abril de navegando xabel pente delles webs de partíos políticos del país y les últimes actualizaciones a18 d'abril de 2006 son les que vienen darréu: andecha astur (8/03/06), ésta ufre la posibilidá de ganar un cruceru si dexes que s'abran los ventanos medrantes; bloque por asturies (11/01/06); izquierda asturiana (14/04/06); izquierda xunida de xixón (18/04/06); partíu popular d'asturies (7/04/06); la de la fsa-psoe ye una cosa d'otru mundu, o d'otru país. la fsa-psoe nun tien muncha falta de vendese pel internet, votos tienlos nun puñu, pero estraña la falta d'interés del partíu de la participación de simpatizantes nos asuntos, ya información, telemáticos na actualización del so sitiu web.
xabel diz que nun entiende lo de los y les defensores de la democracia col casu de palestina, depués d'unes elecciones llibres y observaes por delegaciones intenacionales de les que resulta vencedor la formacion h.amas la ue decide retirar los sofitos económicos a l'autoridá nacional palestina y l'estáu israelí fae lo mesmo, anque tea obligáu a ello. israel anuncia que va continuar colos asesinatos selectivos, esto ye que nun tienen intención de crear víctimes colaterales nun principiu, ante l'atentáu d'estos díes reivindicáu por grupos de lliberación nacional palestina. xabel nun entiende porqué nun se desenvuelven les resoluciones de naciones xuníes n'israel, estáu que como la españa de franco tamién participa n'eurovisión.
xabel diz que la noticia de qu'areces va volver a presentase a les elecciones asturianes, del 27 de mayu de 2007, ye pa pensar si los y les asturianes fuimos, somo, tán malos y males.

güei ye un día triste y murniu pa la sociedá asturiana, y perespecialmente pal movimientu scout, ayeri cuatro persones del msc d'asturies, grupu scout san miguel de pumarín (xixón) morrieron n'accidente de tráficu na autopista del güerna, ventinueve tan heríes... munches d'elles mui graves. más información en la nueva españa, la voz de asturias, el comercio.

xabel diz que si se ficiere un concursu de semeyes d'imitadores de camela posiblemente la de la páxina 3 del selmanariu les noticies, de la selmana del 9 al 15 d'abril, diba algamar un accesit como poco. la imaxe de la tresgresión nestos tiempos nos que nin mariano raxoi apaez fumando una faria, nin bill clinton fumando un habanu, de contrabandu, apaez la directiva del non partíu bloque por asturies compuesta por dos tercios de fumadores conocíos y que polo que paez rebélense contra la llei antitábacu (xabel diz qu'elli tamién ye fumador, pero que d'un tiempu a esta parte fae lo posible pa que nes semeyes nun se lu vea fumar). diz xabel que nun entiende porque se posicionen asina contra esa llei y nun faen como ficieron cuando la que paeció que nun pasara per, nin afectara, asturies.
xabel esti domingu d'elecciones pasólu viendo una película que fala de la ocupación nazi de roma, de como la población de la ciudá facía por sobrevivir y lluchar contra un ocupante que se sentía superior en tolos sentíos, hasta qu'esti asistía a la determinación del silenciu y la negativa de la delatación de los miembros de la resistencia italiana.
xabel a estes hores desconoz si italia puxó por un cambiu de gobiernu necesariu nesa república europea. diz xabel que cambiu de gobiernu, necesariu sobre too pola imaxe internacional de tener a un bufón como primer ministru, les polítiques que va desenvolver la coalición de centru izquierda italiana, encabezada por prodi tampoco ye que se diferencien muncho de les de berlusconi les dos resúmense nuna pallabara, o idega, lliberalizaciones de mercáu.

xabel diz qu'esti vienres tuvo nel actu central de la campaña del conceyu abiertu pola oficialidá. l'actu nel que se lleó'l manifiestu del cao tuvo amenizáu cola música de xuacu amieva, anabel santiago, toli morilla y felpeyu . el conceyu abiertu pola oficialidá ye la mayor xunta d'organizaciones del país, más de 150 organizaciones de tou tipu firmaron el manifiestu fundacional del cao au se reclamen derechos llingüísticos pa los y les asturianes p'acabar cola situación d'anguaño onde los y les falantes d'asturianu y del gallegu-asturianu somos ciudadanos y ciudadanes de segunda. y la única solución pa que n'asturies tolos y toles ciudadanes síamos iguales ye la oficialidá
xabel depués d'acabar l'actu tomó camín de la casa posafuelles pa dir preparando la salida pa mieres la folixa la primavera bona música y ambiente folqui perende. piensa xabel que vuelve tar entrando ,otra vegada más, pola prestancia del folk. piensa xabel que por más que s'intenta separtar de les músiques del tueru tradicional siempre acaba escuchando folk. y la cosa ta en que siente de too... lo que nun entiende ye esa obsesión municipal por poner los conciertos de música folk a hores nes que nunca nun pondríen ópera, a nun ser el día de nochevieya, sicasí presta sentir a bonos grupos en directu. prepara darréu la vuelta xabel pal segundu día de la folixa la primavera.
dexa xabel d'escribir, pel momentu, que diz que va lleer les noticies qu'esta selmana (9/04/06-15/04/06) hai un reportaxe sobre'l congresu del bloque por asturies y de les frases a destacar esta d'un de los sos responsables "de volver a tener que negociar un gobiernu pa esti país vamos facer les coses d'otra manera. agora yá lo sabemos" pos nada suerte y haber si ye verdá y algamáis munchos/es diputaos/es que ye lo qu'importa pa negociar dafechu. (claro ta, agrega xabel, que p'algamar la representación afayadiza pa negociar meyor dir solos)

xabel diz que por muncho que s'esfuercen, o faigan facer que s'esfuercen, los y les polítiques siguen teniendo los periodos vacionales como époques nes que facer o desfacer, anque sía pa bien, acciones referentes al gobiernu.
el xueves 6 d'abril salía l'anuncia de qu'el conseyeru de xusticia, relaciones exteriores y seguridá pública d'asturies, garcía valledor destituía al director xeneral de seguridá, cabezaleru de la corriente siempre crítica d'ix d'asturies, críticu col gobiernu del que formaba parte, que siempre se negara a abandonar el puestu y qu'acaba d'impugnar l'últimu congresu del partíu comunista d'asturies ente'l comité federal del partíu comunista d'españa; la cosa ye algamar ensin la mayoría'l poder. reconoz xabel que la paciencia del conseyeru ye grande porque hai que tenela p'aguantar más de dos años a dalguién que te ta poniendo zancadielles ensin parar. sustitúi a de asís fernández ramón argüelles que fuere portavoz municipal d'izquierda xunida en l.lena.
el vienres 7 d'abril salía l'anuncia de qu'el presidente del gobiernu español, rodríguez zapatero, modificaba'l gobiernu moviendo a josé antonio alonso suárez d'interior pa defensa y entrando mercedes cabrera calvo-sotelo como ministra d'educación, marcha maría jesús san segundo dos díes depués d'aprobase la llei orgánica d'educación. sal del gobiernu español josé bono, antigüu ministru de defensa y expresidente de la ccaa de castilla la mancha pa dedicase a atender a la familia. como ministru del interior incorpórase alfredo pérez rubalcaba.
l'analís del periódicu más vendíu, y lleíu, n'asturies bien podría ser qu'españa vuelve a tar gobernada por asturianos/es. la vicepresidenta fernández de la vega ye de familia asturiana, cabrera calvo-sotelo lo mesmo y pérez rubalcaba ye un brañeru de ribeseya de los de primero de letizia de llanes de los de siempre. la cosa ye que n'asturies eso nun val pa nada mientres continúen nel poder persones como álvarez areces y la so camarilla.

xabel diz que col debate de la alta velocidá (española) del tren vuelven a surdir los debates de los mil bables y la dificultá d'entendimientu de los y les asturianes si nun recurren a recursos foriatos. fundamenta xabel esta afirmación nos múltiples localismos del país, que nun ayuden a resolucionar los problemes del país sinon que los enquisten y toa propuesta de resolución ye vetada por parte del localismu. depués de casi venticinco años d'estatutu d'autonomía la cohesión indentitaria n'asturies nun esiste, y preba d'ello ye'l debate sobre'l tren d'alta velocidá que, supuestamente, aportará en 2010 al país: tres paraes nun radiu de trenta quilómetros y con tiempos actuales de venti minutos per carretera y trenta pela via nun paez que tengan munchu xacíu. xabel nun alarde de localismu, desconocíu hasta la fecha, diz qu'elli quier un apeaderu na h.uente del corral (primera h.uente de puertas, cabrales).
xabel vio l'anuncia de que los hosteleros, y vecinos/es, de la plaza del paragües quieren facer de la plaza un puntu d'alcuentru cultural de la zona vieya d'uviéu. como veceru de la plaza xabel sofita la propuesta entendiendo que son necesarios espacios afayadizos pal alcuentru. claro que nun tou'l mundu piensa como xabel, y los que dicen que la opera ye la única espresión cultural que paga la pena (xabel agora ta col live at royal albert hall de the who) yá tan protestando. nun entiende xabel por qué envede mercar el pisu na zona antigua nun fueron pa les caldes o pa ules o pa dalguna cueva lloñe de la ciudá y los ruidos.
y agora pos nada a esperar porque vengan de madrid a solucionanos los problemes, qu'equí col cuentu los bables nun hai cristo que s'entienda.

xabel diz que nun foi al primber conceyu nacional del bpa, porque nun ye militante nin simpatizante. lo que nun quita pa que xabel s'alégre de qu'el partíu políticu denomináu bloque por asturies, tres años y venticuatro díes dende la so creación y cuasi tres años dende que firmó'l pactu de gobiernu asturianu, s'aconceye, por primer vez, pa decidir les sos llinies ideolóxiques.
inserta xabel el segundu discu de la ópera die walküre dirixía por herbert von karajan y intepretada pola filarmónica de berlín que ye más entretenío.