xabel lleía que los alcaldes de cabrales y valdión reclamaben una llei que permitiera'l desenvolvimeintu urbanísticu de los llugares que tán dientro del parque nacional de los picos d'europa. diz xabel qu'elli a valdión lleva munchos años años ensin dir, y poro nun s'alcuerda de como ta'l conceyu, pero a cabrales va davezu y sí sabe como ta'l conceyu. camienta xabel que primero d'esixir lleis, que permitan crecer los llugares de dientro los picos, habrá que los acondicionar d'una forma afayadiza y respetuosa cola natura que fai que sían parte d'un aria protexía, y poro obxetu d'atracción.
xabel diz que depués de la concesión del premiu príncipe d'asturies (páxina que nun ta n'asturianu) de cooperación a la pareya más rica del mundiu, solamente queda que-y concedan a don álvaro cuesta'l premiu a la modernización d'asturies, la influencia mediática pola presencia de gates yá ta asegurada, quién se diba dar cuenta?
pasó la selmana de les lletres, marchamos col dvd pa casa, manifestámosmos...y agora qué? de primeres podemos dir esta selmana a onde la sede del ridea a recorda-yos que la llingua asturiana val tamién pa escribir y poder facer estudios, pero que se pue esperar d'una institución qu'almite a rodríguez-vigil como miembru? depués toca dir delantre la xunta xeneral d'asturies a recordar que la llicencia ye de radio sele... más info en exunta.org.

xabel diz que lleva un tiempu ensin demasiaes idegues pa escribir, diz que nun para de facer borradores d'entraes que van directos pa la carpeta de borradores. xabel camienta qu'elli ye un de tantes persones que énte la posibilidá de recibir tanta información instantanea dexa d'analizala, y poro de comprendela.
xabel esta mañana de llunes, 24 d'abril, de la que lleía la nueva españa vio que'l presidente asturianu, l'inautonomista álvarez areces aseguraba que los cambios "«imparables», armonizan la «unidad de España y la biodiversidad de las regiones». consultó xabel el preámbulo de la constitución española y vio que de la biodiversidá d'españa nun salía nada (ye más esi términu nun apaez na ce78 y el más paecíu sal nel artículu 150 referíu a les tresferencies), y alcórdose daquella felicitación de nadal del presidente areces na que falaba de la biodiversidá asturiana y escaecía la cultura. sicasí nun sabe xabel a que biodiversidá se refier el presidente de les asturies cuando fala de biodiversidá y se ven los datos de contaminación por co2 del país.
xabel estrai un cachu de la entrevista fecha por la voz de asturias el 16/4/06 a ana rosa migoya, conseyera de cultura del gobiernu asturianu: cómo presidenta del ridea ¿obligará a la institución a admitir una ponencia en asturiano? -nosotros solo podemos hacer sugerencias como se ha hecho. el ridea es un organismo con autonomía en su funcionamiento y el asturiano no es oficial. escaez la señora conseyera que l'artículu 3 de la llei de promoción del asturianu diz que l'obxetu de la llei ye :d) asegurar su libre uso y la no discriminación de los ciudadanos por este motivo. pero ensin problema que dientro poco vamos tener procuradora xeneral independiente como tien de ser en cualesquier país normal.