xabel diz qu'agora que llega l'abril del 75 aniversariu de la proclamación de la ii república ye un bon momentu pa reflexonar sobre los valores del republicanismu en tolos sos ámbitos. xabel camienta que ser republicanu/a nun pue ser quedar nuna pose estética, como munchos y munches defenden, ser republicanu/a tien de significar un puxu por un cambiu políticu, y por supuestu social. nun ye abondo cambiar a los borbón por un xefe del estáu salíu de les urnes, esi estáu podrá asemayase más o menos a una república, pero nun significa necesariamente la esistencia d'un estáu republicanu.
xabel diz que sintía hai unos díes sobre unes clases d'asturianu nel brasil la cosa nun diría más allá de les llinies anteriores sinon fuera porque, presuntamente, la persona que dio'l cursu nun taba capacitada pa dar esi cursu, porque nun tien la titulación esixida pa ello. de nada nun val salir con banderes asturianes, tricollor, multicollor o con declaraciones a favor d'una república y depués tener esos xestos que nun son dignos, nin asumibles, d'un sistema democráticu. lo mesmo qu'un inglés, un francés, un castellán o un xaponés, que sepa'l so idioma nun lu/a convierte automáticamente en profesor d'esa llingua, pos col asturianu lo mesmo. (en casu de qu'esta información nun sía cierta y asina se comunique a xabeldiz@gmail.com, xabel diz procederá darréu a comunicalo asina nesti espaciu web, asina como a tachar esti párrafu. caro ta que la comunicación tendrá que tar probada documentalmente).
xabel p'acabar esta entrada republicana cita la visita del matrimoniu borbón-grecia a la ciudá occitana de tolosa, capital del exiliu republicanu. amás de montar n'avión, ye conocío'l bon gustu de juan carlos borbón polos aviones, visitaron a los y les republicanes españoles de la ciudá. ente la xente que foi a ver al matrimoniu italo-griegu, que reina n'españa, un grupu con pinta d'estudiantes que dixeron qu'españa mañana será republicana.

xabel diz que mientres veía'l caberu capítulu de la última temporada d'expediente equis comentóse una data que-y llamó en forma l'atención. la fecha referíase al caberu día de la era actual según el calendariu maya; según ésti'l 22 d'avientu de 2012 la humanidá va tener que decidir ente la so desapaición como especie pensante o la so integración col universu. esi día amás d'eses decisiones tan importantes vamos tar bien sollertes a la llotería de navidá asina como al solsticiu d'iviernu, que nel hemisferiu sur ye equinociu de branu, que da la casualidá qu'aveza ser los 22 d'avientu de cada añu.
xabel recibió dos mails que-y prestaren especialmente, el primeru ye referente a la gripe aviar y la so correspondiente manipulación por parte del gobiernu de los eua, el segundu ye sobre la festividá de san xudes tadéu que debe ser el patrón de los imposibles y que pa que se cumpla l'imposible has unviar el mesmu mail trece vegaes, a xente diferente claro. reconozo que la estampita y el deséu d'una bona collacia de que yo tuviera, tamién, la oportunidá d'algamar dalgo que quiero ye dalgo perimportante y que ta perenriba de toles coses. y el de la gripe aviar ye muncho meyor y tenéis que velu. sinceramente paez-y a xabel más creible la hestoria de los trece correos de san xudes tadéu que la de la gripe o al fin de la era materialista nel 2012.
xabel miró los sitios web de los enllaces, depués de velos nun ye difícil algamar la mesma conclusión qu'elli.
la verdá ta al otru llau del hiperenllaz. y más allá del hiperenvenceyu una mirada diferente a judas tadeo

xabel diz qu'esta debe ser la tecer o cuarta vegada que na fin de selmana intenta facer una entrada. protesta xabel cuando lleguen esos periodos en blancu pa la creación, o simple plasmación escrita d'idegues y conexones de noticies de dalgún valir. algama xabel anuncies de dellos y delles informadores sobre coses que pasen pel país y que siendo tan particulares nun paga la pena comentar equí. y asina y como ayer cambiaren la hora entamó xabel un poco más tarde a repasar los periódicos del día.
xabel considera que la noticia, efemeride, más importante de la historia del país quedó reducía a trece pallabres na antepenúltima(antepercabera) fueya de la nueva españa -quinientos diecinueve nobles proclaman a pelayo, hijo de favila, primer rey de asturias- piensa xabel que posiblemente d'esa elección surdiera dalgo asemeyao a un estáu, de la época, pero bono eso de la historia pa los catalanes qu'equí cola hestoria yá tenemos enforma.
adolfo comentó-y a xabel que taba pertriste porque'l comité central del partíu comunista d'asturies pasara a denominase comité nacional del partíu comunista d'asturies. pa consuelu d'adolfo de xuru que más d'ún o una ta tirándose de los pelos porque la denominación nun sía comité central del soviet de les asturies. pero pa los nostálxicos ehí tán les victories prorruses d'ucrania y bielorrusia . entrúgase xabel si putin será comunista o qué será? porque más d'un venderá los trunfos prorrusos, que nun dexen de ser trunfos étnicos, como victories ideolóxiques.

declaración d’euskadi ta askatasuna a euskal herria

eta, organización socialista revolucionaria vasca de lliberación nacional, quier mediantes esta declaración dar a conocer la decisión que vien darréu:

euskadi ta askatasuna decidió declarar un altu al fueu permanente dende les 00:00 hores del 24 de marzu de 2006.

reflexón d’eta

l’obxetivu d’esta decisión ye impulsar un procesu democráticu n’euskal herria pa que mediante’l diálogu, la negociación y l’alcuerdu, el pueblu vacu pueda realizar el cambiu políticu que necesita.

superando l’actual marcu de negociación, dixebra y imposición hai que construyir un marcu democráticu pa euskal herria, reconociendo los derechos que como pueblu-y cuerresponden y asegurando de cara al futuru la posibilidá de desenvolvimientu de toles opciones polítiques.

a la fin d’esi procesu los ciudadanos y ciudadanes vasques han tener la pallabra y la decisión sobro’l so futuru, dando asina una solución democrática al conflictu.

eta camienta que cuerresponde a tolos axentes vascos desenvolver esi procesu y adoptar los alcuerdos correspondientes al futuru d’esuskal herria, teniendo en cuenta la so pluralidá y totalidá.

los estaos español y francés han reconocer los resultaos del procesu democráticu citáu, ensin nengún tipu d’inxerencies nin llimitaciones. la decisión que los ciudadanos y ciudadanes vasques adoptemos sobro’l futuru de nueso habrá ser respetada.

llamáu d’eta

facemos un llamáu a tolos axentes pa qu’actúen con responsabilidá y sían consecuentes ente’l pasu dau por eta.

ye tiempu de comprosimos. toos habemos asumir responsabilidaes, pa construyir ente toos la solución democrática qu’el pueblu vascu necesita. ye’l momentu de tomar decisiones fondes, pasando de les pallabres a los fechos.

eta fai un llamáu a les autoridaes d’españa y francia pa que respuendan de manera positiva a esta nueva situación y pa que nun pongan pilancos al procesu democráticu, dexando de llau la represión y amosando la voluntá de dar una salida negociada al conflictu.

pa finar, facemos un llamamientu a los ciudadanos y ciudadanes vasques en xeneral y alos militantes de la esquierda patriótica en particular, pa que s’impliquen nesti procesu y lluchen polos derechos que como pueblu mos cuerresponden.

compromiso d’eta

eta amuesa’l so deséu y voluntá de qu’el procesu llegue hasta’l final, y asina algamar una braera situación democráticu pa euskal herria, superando’l conflictu de llargos años y construyendo una paz basada na xusticia. reafirmámosmos nel compromisu de siguir dando pasos nel futuru acordes a esa voluntá y de siguir lluchando hasta algamar los derechos d’euskal herria.

la superación del conflictu, equí y agora, ye posible. esi ye’l deséu d’eta. –

n’euskal herria, marzu de 2006

euskadi ta askatasuna

e.t.a

fonte diariu gara

xabel camienta que del día 22 de marzu va haber tiempu enforma pa falar y comentar, y poro nesta entrada que sigue a la publicación del comunicáu de la organización euskadi ta askatasuna solu va dicir que siéntese percontentu y qu'espera que s'entamen a visibilizar avances por parte del gobiernu español; suerte que xabel nun diba facer nengún comentariu; pa nun volver a la situación anterior al 22 de marzu.
xabel alégrase de que microsoft retrase la salida del windows vista, nun fai falta. hasta la seronda pasada trabayó con windows 98/me y delles distribuciones de linux (nun tolo que debiere) y los programes funcionaben y xabel facía lo que quería con ellos, depués renovó l'ordenador; la fonte d'alimentación y la placa base taben frayaes, y yá vieno col windows xp home que sigue xestionando davezu los ficheros del ordenador. pero cola salvedá de dalgunos xuegos xabel sigue esactamente colos mesmos programes qu'enantes, y como usuariu tipu nun los rentabiliza nin nun 5%.
xabel atopóse l'otru día con qu'el blog visualizáu n'internet explorer vese mal. esiste una organización internacional pa regular el códigu html, nel que se fain les páxines web, y microsoft nun cumple'l códigu. xabel encamienta a toes eses persones que ven la barra de la so derecha torcía que descarguen firefox, un navegador más rápidu y seguru que l'internet explorer de windows y que cumple les regulaciones d'esti consorciu.

euskadi ta askatasuna acaba de declarar un altu al fueu permanente, esti ye'l testu del mensaxe que fai la organización al pueblu vascu:

mensaxe d'euskadi ta askatasuna al pueblu vascu

Euskadi Ta Askatasuna decidió declarar un altu al fueu permanente dende'l 24 de marzu de 2006.

L'obxetivu d'esta decisión ye puxar un procesu democráticu n'euskal herria pa construyir un nuevu marcu nel que sían reconocíos los derechos que como pueblu mos cuerresponden y asegurando de cara al futuru la posibilidá del desenvolvimientu de toles opciones polítiques.

A lo cabero d'esi procesu los ciudadanos vascos han tener la pallabra y la decisión sobro'l so futuru.

Los estaos español y francés han reconocer los resultaos d'esti procesu democráticu, ensín nengún tipu de llendes. la decisión que los ciudadanos vascos adoptemos sobre'l futuru de nuesu habrá ser respetada.

facemos un llamáu a tolos axentes pa qu'actuen con responsabilidá y sían consecuentes ente'l pasu dau por eta.

eta fai un llamáu a les autoridaes d'españa y francia pa que respuendan de manera positiva a esta nueva situación, dexando de llau la represión.

Pa finar, facemos un llamamientu a los ciudadanos y ciudadanes vasques pa que s'impliquen nesti procesu y lluchen polos derechos que como pueblu mos cuerresponden.

eta amuesa'l so deséu y voluntá de qu'el procesu abiertu llegue hasta la fin, y asina algamar una verdadera situación democrática pa euskal herria, superando'l conflictu de llargos años y construyendo una paz basada na xusticia.

reafirmámosmos nel compromisu de siguir dando pasos acordies a esa voluntá.

la superación del conflictu, equí y agora, ye posible. esi ye'l deséu y la voluntá d'eta.

N'euskal herria, marzu de 2006.

(orixinal n'eusquera) ver videu declaración alto al fueu especial gara alto al fueu
fonte diariu gara

xabel diz que dicir que francia ye una civilización muncho más avanzada que la española ye como atopar sal na mar. asina mientres nel estáu español la sociedá discute sobre la calidá de les bebides espirituoses, y los altos precios de venta al público de les mesmes, en francia la mocedá ta lluchando pa que nun-yos rebaxen los sos derechos sociales y llaborales. sicasí de poco val la movilización de la mocedá española cuando el mesmu tipu de contratos de villepin yá ta implantáu nel estáu español de va tiempu, alcuérdense d'aquella reforma llaboral del pp (que too hai que lo dicir suavizó, non meyoró, les últimes reformes llaborales del psoe).
xabel piensa no que va suponer renovar l'ordenador cuando lleguen les nueves tases de la sgae (sociedad general de autores de españa). los perconocíos visitantes de folixes, conciertos, radios culturales, actividaes escolares con radio y cassette (quien sabe si nun se diera dalgún casu) vixilantes del cobru de los derechos d'autor de les obres musicales, lliteraries, y demás actividaes artístiques susceptibles de canón, quieren imponer un canón a los discos duros. esto ye que'anque nunca nun baxes un cantar del emule y tolo que metas en mp3 venga de cd mercáu na fnac vas tener que paga-yos por exercer un derechu. derechu a tener una, dos o les copies de seguranza que querias. y sobremanera derechu a poder decidir si'l discu paga la pena o non y pa ello qué meyor que la mula?

suprimió xabel la entrada fecha'l día 20 de marzu, quién sabe si nel caché de google o de dalgún otru buscador seguirá tando durante un tiempu, depués d'intentar lleela y dase cuenta de qu'aquello yera cualesquier cosa menos un testu pa ver na web. y ye que cuando s'escribe nun blog, o nuna páxina web que ye lo mesmo, una de les coses más importantes ye la sintetización de los conteníos. discúlpase xabel poro y encamiéntase pa que nunca nun vuelva repetise.
entamó la mañana de xabel con un documental de la cuatro sobre infravivienda, sabe xabel que nun ye'l primeru que fai esta cadena pero sigue preocupando-y la calidá de vida d'estos y estes ciudadanes. nun 90% de los casos los y les entrevistaes cuando se-yos entrugaba pola familia lloraben. entamó a ver el documental darréu escuchar na ser que los programes de sofitu al alquiler del ministeriu de vivienda español que llegaren nel conxuntu del estáu a dalgo más de diezmil solicitues; ministeriu que como dalgún otru tendría de desapaecer o quedar como un ente coordinador/armonizador de les polítiques de vivienda que desenvuelven les comunidaes autónomes. y como tamos falando de vivienda que meyor qu'un bon documentu del conseyu de la mocedá del reinu d'españa sobre la tema.
212 pallabres.

xabel cuando abrió'l periódicu esta mañana de sábadu alcontró dos noticies relacionaes cola mocedá de países diferentes. la portada yera p'anunciar que más de venticincomil persones s'aconceyaren en graná (andalusía) pa cellebrar un macrobotellón, que ye lo qu'en pueblu xabel siempre se llamó calderu. la segunda páxina taba cubierta poles manifestaciones xuveniles en francia, los centros d'enseñanza pesllaos ente una regularización llaboral que tresforma ciudadanía n'esclavitú. dos cultures enforma diferentes.

a vegaes siéntote lloñe,
como si nun tuvieres
pero tas.
a vegaes siéntome cayer,
cuesta pindia
suañu horizontal.
a vegaes póngote verde,
anque sías prieta
guinnes de 17m.
a vegaes voi cola corriente,
saltu pente les pontes
xuegu la oca.
a vegaes dígote alón,
como si nun supiere
que ye ta llueu.

xabel diz que l'alta tasa de suicidios de los países escandinavos ye comprensible depués de sintir el conciertu de free jazz d'esti martes 14 de marzu, nel auditoriu de felipe'l de letizia la de menchu. naide nun pidió bises y l'anuncia de que teníen discos pa vender nun foi demasiao bien recibía. sicasí la ocasión nun va dicir xabel que nun fuera prestosa. igual l'espaciu yera demasiao frio pa la música que facíen. anque pa los gustos ficiéronse los estilos, piensa acertadamente, cree, xabel.
xabel miraba les noticies rellacionaes con asturies del google alerts, un bon serviciu de google que bucea ente miles de medios dixitales y unvia al corréu les anuncies nes que apaez la pallabra que querias; nesti casu la pallabra ye asturies(as) y una de les que más-y llamó l'atención foi una reseña del new york post sobre'l nuesu país. claro ta que la nuesa compatriota jenifer, la que va representar al principáu, d'andorra, nel festival d'eurovisión. lo meyor ye que como representa a andorra va cantar en catalán, que ye la llingua que se fala nesi país de los pirineos (que pasará cuando la rtpa participe nel eurovision contest? en qué idioma cantarán los/es representantes del país?). dalgunos/es de xuru que tan señaldosos/es pensando naquel requexu de llibertá y confluencia europea qu'algamaba l'estáu español hai non munchos años.
xabel diz qu'una de les meyores coses d'internet, amás de conseguir información de milenta fontes, ye que podemos relacionar o meyor buscar nexos comunes ente dos informaciones qu'en teoría poco tienen que ver pero p'amuesa un botón y esto me paez que ye ún enforma bonu. el serviciu d'anuncies en castellán de la bbc amuesa qu'un looby de defensa de les families y les tradiciones bíbliques estadounidense, ¿había falta dicilo?, abrió un bloquéu contra la ford company por favorecer la integración de gais y llesbianes. n'españa el partíu popular, presuntamente, sofita movilizaciones a favor d'un colexu onde s'enseña la homofobia. y p'acabar un bon artículu de ramonet, tendrá dalgún que nun sía bonu, onde se fala de democracia, y de como la quieren imponer los usa.
(diz xabel que si nun puedes ver el google alerts porque nun tienes cuenta de gmail, o google, que-y mandes un mail a xabeldiz@gmail.com y yá xabel te la unvia daquella)
dobru noc

xabel dixo que taba en cama por mor del gripe, non el de los y les páxares sinon pola versión común y a la que toos y toes yá tamos avezaos. poro xabel pasó un día d'encierru na so celda, como hai unos años la definiera'l gran electropedagogo, anque esta vegada acompañáu por una televisión con cuarenta canales y decenes de películes nel discu duru del ordenador. pasó'l día ensin pena nin gloria, viendo episodios repetíos de los simpsons y documentales sobre l'orixe de la vida; cuando echaron la meyor película del día xabel tenía sintonizada euronews, de la que baxaba pa la fox. la conclusión qu'algamó xabel ye que non por munchos canales la televisión ye meyor.
xabel púnsose a lleer el país del domingu de pe a pa o de pa a pe, porque tiempu túvolu asgaya, paróse nes anuncies que-y llamaren l'atención, como fai cualquiera, como que la presidenta del goviernu de la comunidá autónoma de madrid, esperanza aguirre (la que ta interesada nel ave), salió corriendo de la concentración de víctimes del 11m pa dir a la concentración de víctimes xeneralistes, rajoy diba detrás d'ella como alma que lleva'l diañu. noticies como que eduardo zaplana pidía saber quienes yeren los autores del 11m, cómo ellos nunca nun governaren!!. lleía un artículu onde se dicía que les mentires de tanto les repetir acaben paeciendo verdaes, nunca la mentira puede ser verdá, y el pp ta faciéndolo qu'hasta paez, pola repercusión y l'encuestes, que la estratexa ta saliendo-yos rentable.
el vienres al subir a un bus n'uviéu vio xabel una fueya de firmes pa pidir que n'uviéu se faiga'l muséu de los premios príncipe. niemeyer, arquitectu brasileñu, autor d'edificios emblemáticos como la sé del partíu comunista francés, l'humanité... presentó una maqueta d'un edificiu que nel uviéu de calatrava y gabino diba desentonar pola so gracia estética, y poro por qué nun facer n'avilés un espaciu cultural que revitalice la villa muerta de les reconversiones industriales. museos, n'asturies, hailos asgaya, pero continentes de prestancia estética que pague la pena dir a velos hai bien pocos. caro ta que xabel nun firmó la fueya.

amor,
te digo esta palabra,
mil veces repetida,
acaso sin pensarla,
como una letanía.
amor,
te digo esta palabra,
que se me hace vacía
a fuerza de nombrarla,
no sé que significa.
amor,
¿por qué he de pronunciarla?
sintiendo esta agonía,
si no me dice nada,
la digo por rutina.
amor,
qué enfebrecida magia
ardiendo en tus pupilas
me arranca esa palabra
si ya no sé decirla.

l.e. aute

xabel diz qu'agora que los circos pierden capacidá d'ilusionar, como enantes, a la población más y non tan moza surde la necesidá de crear nuevos mitos que tengan la capacidá d'ablucar a grandes y pequeños. entamó la selmana con un científicu formulando una nueva hipótesis sobre nessie, esta vegada'l fantásticu animal acuáticu, que renta beneficiu abondo a les tierres d'alba, nun ye más qu'un elefante procedente d'un de los circos que pasaben pela zona. pa contrarestar la posible pérdida d'ingresos de materiales fantásticos apaez una familia turca, que camina a cuatro pates y tien un vocabulariu de 100 pallabres, y que yá entama a ser estudiada como un posible eslabón perdíu. un de los rasgos más característicos d'esta familia ye que nun saben en qué país viven.
xabel, agora que ta falando de primates, recuerda l'aición armada d'ayeri nel llugar español de santoña onde euskadi ta askatasuna esplosonó un artefactu pirotécnicu que causo feríes nel güeyu d'un home amás de destrozos na sé del partíu nacional-sindicalista falange española de las jons (antiguu partíu del rexime facista). esti partíu políticu, llegal anque nunca nun condenara'l golpe militar del 36, la guerra civil y la posterior represión dictatorial, gobernó l'ayuntamientu de santoña en collaboración col partíu popular y el partido regionalista cántabro (el orden de factores nun altera'l productu) y hai unes selmanes amuesaba'l so contentu al conseguir qu'un grupu de rock vascu pudiera ufrir un conciertu na provincia española de santander. asina les coses piensa xabel que mesmo la esistencia, llegalizada, d'un partíu que nunca nun condenó una dictadura y que vien a defender posicionamientos en dalgunos casos contrarios a la carta de los derechos humanos, como la propia esistencia d'eta como organización militar, que si bien tendiente anguaño al diálogu p'algamar una solución politica al conflictu militar vascu-español continua colocando artefactos de pirotecnia pa dicir que sigue viva, responde a un anacronismu históricu que la denominada transición española nun foi a iguar d'una forma satisfactoria.
xabel diz que-y presta falar d'esos que nun tan dalcuerdu con qué los parlamentos, como depositarios de la soberanía popular, controlen a los diferentes poderes estatales, aun cuando les cámares representatives constituin ún de los poderes. asina'l presidente del tribunal supremu planta al congresu y la prensa conservadora aplaude la decisión, y por supuestu'l partíu popular considera que la decisión del maxistráu másimu ye normal y comprensible nestos tiempos que cuerren nos qu'el goviernu socialista asola la independencia del poder xudicial y onde'l presidente español paez querer convertise nel chavez européu. y ye que tanto mieu tienen a los representantes del pueblu?
(n'asturies peléense por facer museos, haber pa cuando'l de cera)

xabel diz que cuando despertó y prendió la radio echó en falta una llibretina p'apuntar les coses que sintía pela radio y veía pela televisión; alcordóse de l'axenda que-y regalara corrupia y pensó que diba valir enforma pa los propósitos memorísticos de xabel. dende esi momentu xabel llevó l'axenda conelli y asina vitaba tener que recurrir a regles nemotécniques pa la memorización de los fechos qu'acontecíen y que sorprendíen, positiva o negativamente, a xabel.
xabel entamó a apuntar na axenda xusto'l día de la muyer trabayadora, xabel sigue teniendo en clase y poro considera que los problemes de les muyeres de la burguesía en poco se paecen a los problemes de les muyeres trabayadores. lo primero qu'apuntó foi la intervención radiofónica d'um machu d'una asociación d'homes separaos y divorciaos. estos machotes basen les sos aiciones en delles idegues más averaes al creacionismu intelixente qu'a postulaos científicos y poro vienen a esplicar poco menos que la muyer ye un ser inferior qu'alcuentra el so espaciu natural na cocina y de baby-sitter; poco más o menos que si sintiéremos a dalgún preláu de la curia neoconservadora. ... lo que nunca nun entenderá xabel ye esi empecinamientu de dalgunos varones por tener un día pa so.
xabel na so contemplación de la vida (re)descubre a mafalda por casualidá, quiciaves impulsáu por dalgún estímulu nerviosu que produxera una combinación elléctrica ente dos conexones del so sistema nerviosu que ficieren que la pallabra mafalda apaeciera y motivao por ello púnsose a buscar coses de mafalda. como con the simpson mafalda ye un comic de múltiples llectures que medra colos años del llector y del que caún estrae aquello que camienta cómo la meyor interpretación de los testos y dibuxos. concluye xabel esta entrada con una frase de mafalda que-y paez bien apropiada:

"¿Y si en vez de planear tanto voláramos un poco más alto?"

dobry vecer

xabel diz que la presencia nel congresu del pp del ministru del interior francés nun ye un síntoma de los nuevos tiempos de los derechistes españoles sinon más bien un reflexu de los nuevos tiempos de los derechistes frances. la derecha europea, aquella qu'asumiera bona parte de los postulaos de la socialdemocracia y los incorporara al so corpus ideolóxicu, anguaño envidia a la derecha española que si bien nun s'alcuentra nel poder del estáu si ufierta una cohesión, perenriba d'idioloxíes, envidiable nel continente. los mieos del conservadurismu francés a perder poder electoral ente la medra de la ultraderecha de jean marie le pen desapaecen cuando observen les actuaciones de los conservadores españoles que lloñe d'entrar en guerres intestines decídense a combatir nun frente común. la derecha española sábelo y disfruta con ello, amuésase al restu de los conservadores mirándolos perenriba'l llombu y manipula a la opinión pa facer pensar que les sos polítiques son imitaes. y ye que anque la mona se vista de seda...
xabel comenta los avances al centru del congresu del pp:

a otra cosa caparina...

xabel diz que nun aveza haber dos ensin tres pero qu'esta vegada, por qué non evitar convertir regles n'acsiomes?.

xabel diz que va alcordase por muncho tiempo del 4 de marzu, india y eexx aconceyen pa declarase aliaos y amigos. lleía xabel, na trescripción d'una conversación ente cebrián y felipe gonzález, qu'un lord británicu decía-y al antiguu primber ministru español que mesmo gran bretaña como españa fueren países con grandes imperios a los qu'el mundu respetó, pero que los americanos amás paez que quieren que los adoren. sábese qu'el "pensamientu" neolliberal y neoimperial del señor matu, presidente de los eexx, ye o conmigo o contra mi y si quies venir contra mi yá sabes lo que te va pasar. y ye qu'a naide-y pue prestar dir xugar a la pelota col que t'acaba de llevar les perres del almuerzu.
xabel escuchó, asustáu, les pallabres de jose maría aznar lópez nel congresu del pp diciendo qu'elli nunca nun negociara col movimientu de lliberación nacional vascu. piensa xabel qu'a esti pasu y con esa perda de memoria va dicir qu'elli nun taba nes azores, qu'elli ye'l fundador de nunca nun más, que nunca nun escribiera escontra la constitución española, que nunca nun fuera presidente del gobiernu y que dalguna vegada perdiera una clas pa dir a una manifestación democrática. en catalán dicen orat.
xabel quier acabar esta entrada alabando la universalidá de la cultura celta; escocia creo'l golf ,anque claro pa xugar valían-yos los paros como taben. cosmonautes, que pallabra guapa, rusos quieren llanzar una pelota de golf dende la estación espacial p'algamar el golpe más llargu de la historia.
dobru noc

xabel preocúpase, y muncho, pola futura televisión asturiana; anque discute l'asturianidá de la mesma si ésta nun se desenvuelve vehicularmente n'asturianu; piensa nos programes que va tener la xeneralista cadena autonómica y camienta que tien de se facer dalgo pa crear puestos de trabayu, más allá de los 100 directos y 200 directos anunciaos. una televisión llatina tien de cuntar con programes de prensa roxa, asemeyaos al diariu de patricia o a la hora d'ana rosa, pero con protagonistes asturianos. una bona cantera de personaxes alcontraríamoslos en programes como rumbo a la fama y dalgún otru qu'haya pel país, siempre y cuando estos programes tengan subvención del goviernu asturianu. la tele mala diba selo, pero polo menos tendríemos una tele mala braeramente.
xabel alégrase cuando los políticos caltienen los alcuerdos nel tiempu, y sobremanera cuando esos alcuerdos son referentes al usu de la llingua prohibía. la conceyalía de mocedá d'uviéu entama, otra temporada más, el programa d'ociu alternativu la nueche ye tuya. la nueche ye tuya ye una alternativa al ociu que desenvuelven les asociaciones, n'especial les xuveniles, uvieínes les fines de selmana. si hai un puntu a resaltar d'esti programa ye la so xestión y control público; lloñe d'otros modelos qu'anguaño nun son más qu'empreses a les que l'alministración autonómica sofita y sofita.
xabel retírase pa pensar nel antroxu de cuaresma qu'impón el goviernu municipal uvieín, pp, qué pasaría coles raices cristianes? ú les dexaron?

¿a quién no le maravilla
ver en su gloria, sin tasa,
que es lo más ruin de su casa
doña blanca de castilla?
mas pues que su fuerza humilla
al cobarde y al guerrero,
poderoso caballero
es don dinero.
francisco quevedo

dobrý deñ