xabel diz qu'agora que los circos pierden capacidá d'ilusionar, como enantes, a la población más y non tan moza surde la necesidá de crear nuevos mitos que tengan la capacidá d'ablucar a grandes y pequeños. entamó la selmana con un científicu formulando una nueva hipótesis sobre nessie, esta vegada'l fantásticu animal acuáticu, que renta beneficiu abondo a les tierres d'alba, nun ye más qu'un elefante procedente d'un de los circos que pasaben pela zona. pa contrarestar la posible pérdida d'ingresos de materiales fantásticos apaez una familia turca, que camina a cuatro pates y tien un vocabulariu de 100 pallabres, y que yá entama a ser estudiada como un posible eslabón perdíu. un de los rasgos más característicos d'esta familia ye que nun saben en qué país viven.
xabel, agora que ta falando de primates, recuerda l'aición armada d'ayeri nel llugar español de santoña onde euskadi ta askatasuna esplosonó un artefactu pirotécnicu que causo feríes nel güeyu d'un home amás de destrozos na sé del partíu nacional-sindicalista falange española de las jons (antiguu partíu del rexime facista). esti partíu políticu, llegal anque nunca nun condenara'l golpe militar del 36, la guerra civil y la posterior represión dictatorial, gobernó l'ayuntamientu de santoña en collaboración col partíu popular y el partido regionalista cántabro (el orden de factores nun altera'l productu) y hai unes selmanes amuesaba'l so contentu al conseguir qu'un grupu de rock vascu pudiera ufrir un conciertu na provincia española de santander. asina les coses piensa xabel que mesmo la esistencia, llegalizada, d'un partíu que nunca nun condenó una dictadura y que vien a defender posicionamientos en dalgunos casos contrarios a la carta de los derechos humanos, como la propia esistencia d'eta como organización militar, que si bien tendiente anguaño al diálogu p'algamar una solución politica al conflictu militar vascu-español continua colocando artefactos de pirotecnia pa dicir que sigue viva, responde a un anacronismu históricu que la denominada transición española nun foi a iguar d'una forma satisfactoria.
xabel diz que-y presta falar d'esos que nun tan dalcuerdu con qué los parlamentos, como depositarios de la soberanía popular, controlen a los diferentes poderes estatales, aun cuando les cámares representatives constituin ún de los poderes. asina'l presidente del tribunal supremu planta al congresu y la prensa conservadora aplaude la decisión, y por supuestu'l partíu popular considera que la decisión del maxistráu másimu ye normal y comprensible nestos tiempos que cuerren nos qu'el goviernu socialista asola la independencia del poder xudicial y onde'l presidente español paez querer convertise nel chavez européu. y ye que tanto mieu tienen a los representantes del pueblu?
(n'asturies peléense por facer museos, haber pa cuando'l de cera)

xabel diz que-y presta dir a cabrales, enxemes en cuando, tar cola familia, colos collacios, dir cenar perende y eses coses que depués acaben na xana, o acababen... dalgo se perdió cuando la xana peslló, esta selmana l'anuncia yera'l peslle de la real hai unos meses l'anuncia bien pudiera ser el peslle d'una de les poques discoteques de pueblu que quedaben n'asturies. sicasí y depués de les reformes hai coses que nunca nun cambien nel local de la xana el fedor a tabaco sigue presente n'alborada de los domingos nos cuartos de los veceros.
supo xabel per eses tierres de la prósima boda del cantor de la paleta en cuadonga, pensaba xabel al sentilo si será que na provincia de santander nun tendrán ilesies cola suficiente calidá acústica pa que la voz del zagal se sienta. entrúgase xabel si esta ocasión va ser otra oportunidá pa ver n'acición al duo tip y col de la política española, l'actu nun necesita de la presencia de les dos partes homónimas del triángulo que nun conformen la hipotenusa pero bien celebre diba ser cola so apaición.
sintió xabel el mensaxe de fin d'añu del presidente de la confederación d'empresarios del formigón y l'alquitrán d'asturies falando de los cientos de quilómetros de carreteres inauguraos, proyectaos, n'execución, siguió viendo'l tv xabel naguando pola apaición del presidente d'asturies, decatándose depués de qu'aquel ermu discursu yera faláu pol mesmu presidente d'asturies. que triste...
dobrý večer!