suprimió xabel la entrada fecha'l día 20 de marzu, quién sabe si nel caché de google o de dalgún otru buscador seguirá tando durante un tiempu, depués d'intentar lleela y dase cuenta de qu'aquello yera cualesquier cosa menos un testu pa ver na web. y ye que cuando s'escribe nun blog, o nuna páxina web que ye lo mesmo, una de les coses más importantes ye la sintetización de los conteníos. discúlpase xabel poro y encamiéntase pa que nunca nun vuelva repetise.
entamó la mañana de xabel con un documental de la cuatro sobre infravivienda, sabe xabel que nun ye'l primeru que fai esta cadena pero sigue preocupando-y la calidá de vida d'estos y estes ciudadanes. nun 90% de los casos los y les entrevistaes cuando se-yos entrugaba pola familia lloraben. entamó a ver el documental darréu escuchar na ser que los programes de sofitu al alquiler del ministeriu de vivienda español que llegaren nel conxuntu del estáu a dalgo más de diezmil solicitues; ministeriu que como dalgún otru tendría de desapaecer o quedar como un ente coordinador/armonizador de les polítiques de vivienda que desenvuelven les comunidaes autónomes. y como tamos falando de vivienda que meyor qu'un bon documentu del conseyu de la mocedá del reinu d'españa sobre la tema.
212 pallabres.

xabel hai venticinco años y un día taba en xixón durmiendo, xugando, cenando, ensin decatáse de lo que pasaba en madrí. depués del 23f hebo una manifestación, una entrada na otan, un parón del procesu autonómicu... en parte les idegues de los militares condicionaron la evolución política del estáu español. anguaño paez que quieren volver a condicionar la evolución.
carmen venticinco años depués asoleyó les bases de les convocatories de subvención p'asociaciones, subvenciones empobianes al control de la sra directora del institutu que tien por obxetivu controlar, fiscalizar y xulgar los proyectos de les entidaes xuveniles. bien fexo'l cmpa en denominar l'ación de doña carmen como 23f. data trista na historia del asociacionismu xuvenil asturianu na qu'el poder políticu viola la llibertá, y condiciona, d'aición de les asociaciones. les cares podrán cambiar pero les actitues carmina paecen que siguen pol estilu. qué mieu alcuentra esta señora en qué'l conseyu de la mocedá d'asturies exerza lo que la llei-y encomienda? retruca xabel que posiblemente se dea cuenta de qu'el so meyor trabayu pa la mocedá asturiano sería'l de dimitir agradeceríamos-ylo enforma.
xabel solidarízase con arma x.