xabel que si nos tiempos de felipe gonzález les semeyes de marta chavarri ensin bragues foron un mitu y un símbolu de la sociedá española anguaño la imaxe de la princesa letizia ortiz de borbón asoleyando les bragues nun actu oficial nun dexen de ser un bon entamu mitómanu. la verdá ye que xabel nun sabe porque se monten tantos rollos porque se-y vean les bragues a la fin nun ye más qu'una muyer de la cai elorza que casó bien.
xabel fizo por atender al debate sobre l'estáu de la nación española, como aveza facer tolos años, algamando como conclusión la necesidá de redefinir l'espaciu políticu d'asturies, en portugal, en francia, seremos independientes? la cosa ye que naide nun faló por asturies, nin d'asturies. pensar que dalgunos/es alegrárense porque una determinada opción política perdiere'l so diputáu/ada. dizse que si nun sales na prensa nun esistes y asturies anguaño si sal na prensa, internacional, ye p'anunciar la entrega d'unos premios que lo mesmo daría que se dieren equí que nes azores. asturies nun ye utópica ye arcádica.
alcuentra xabel un blog antikelifinder. les kelifinder son unes botes de la clas d'aquelles playeres victoria, y tamién una campaña del conseyu de la mocedá d'españa pa denunciar la dificultá del accesu a la vivienda de la mocedá. la idega ye bona y cumple la misión del conseyu, la cosa ta nos que piensen que la campaña ye del ministeriu de vivienda español, les kelifinders denuncien la situación del mercáu inmobiliariu. n'asturies la mocedá axúntase en cursos pa tuneales. xabel entrúgase si les miles de viviendes de los pgou's van ser pa los y les que nun tienen casa o van tar vacies hasta'l branu, xabel si que ta en babia por facer eses entrugues en voz alta.

suprimió xabel la entrada fecha'l día 20 de marzu, quién sabe si nel caché de google o de dalgún otru buscador seguirá tando durante un tiempu, depués d'intentar lleela y dase cuenta de qu'aquello yera cualesquier cosa menos un testu pa ver na web. y ye que cuando s'escribe nun blog, o nuna páxina web que ye lo mesmo, una de les coses más importantes ye la sintetización de los conteníos. discúlpase xabel poro y encamiéntase pa que nunca nun vuelva repetise.
entamó la mañana de xabel con un documental de la cuatro sobre infravivienda, sabe xabel que nun ye'l primeru que fai esta cadena pero sigue preocupando-y la calidá de vida d'estos y estes ciudadanes. nun 90% de los casos los y les entrevistaes cuando se-yos entrugaba pola familia lloraben. entamó a ver el documental darréu escuchar na ser que los programes de sofitu al alquiler del ministeriu de vivienda español que llegaren nel conxuntu del estáu a dalgo más de diezmil solicitues; ministeriu que como dalgún otru tendría de desapaecer o quedar como un ente coordinador/armonizador de les polítiques de vivienda que desenvuelven les comunidaes autónomes. y como tamos falando de vivienda que meyor qu'un bon documentu del conseyu de la mocedá del reinu d'españa sobre la tema.
212 pallabres.