xabel diz que la presencia nel congresu del pp del ministru del interior francés nun ye un síntoma de los nuevos tiempos de los derechistes españoles sinon más bien un reflexu de los nuevos tiempos de los derechistes frances. la derecha europea, aquella qu'asumiera bona parte de los postulaos de la socialdemocracia y los incorporara al so corpus ideolóxicu, anguaño envidia a la derecha española que si bien nun s'alcuentra nel poder del estáu si ufierta una cohesión, perenriba d'idioloxíes, envidiable nel continente. los mieos del conservadurismu francés a perder poder electoral ente la medra de la ultraderecha de jean marie le pen desapaecen cuando observen les actuaciones de los conservadores españoles que lloñe d'entrar en guerres intestines decídense a combatir nun frente común. la derecha española sábelo y disfruta con ello, amuésase al restu de los conservadores mirándolos perenriba'l llombu y manipula a la opinión pa facer pensar que les sos polítiques son imitaes. y ye que anque la mona se vista de seda...
xabel comenta los avances al centru del congresu del pp:

a otra cosa caparina...

xabel diz que nun aveza haber dos ensin tres pero qu'esta vegada, por qué non evitar convertir regles n'acsiomes?.

xabel diz que va alcordase por muncho tiempo del 4 de marzu, india y eexx aconceyen pa declarase aliaos y amigos. lleía xabel, na trescripción d'una conversación ente cebrián y felipe gonzález, qu'un lord británicu decía-y al antiguu primber ministru español que mesmo gran bretaña como españa fueren países con grandes imperios a los qu'el mundu respetó, pero que los americanos amás paez que quieren que los adoren. sábese qu'el "pensamientu" neolliberal y neoimperial del señor matu, presidente de los eexx, ye o conmigo o contra mi y si quies venir contra mi yá sabes lo que te va pasar. y ye qu'a naide-y pue prestar dir xugar a la pelota col que t'acaba de llevar les perres del almuerzu.
xabel escuchó, asustáu, les pallabres de jose maría aznar lópez nel congresu del pp diciendo qu'elli nunca nun negociara col movimientu de lliberación nacional vascu. piensa xabel qu'a esti pasu y con esa perda de memoria va dicir qu'elli nun taba nes azores, qu'elli ye'l fundador de nunca nun más, que nunca nun escribiera escontra la constitución española, que nunca nun fuera presidente del gobiernu y que dalguna vegada perdiera una clas pa dir a una manifestación democrática. en catalán dicen orat.
xabel quier acabar esta entrada alabando la universalidá de la cultura celta; escocia creo'l golf ,anque claro pa xugar valían-yos los paros como taben. cosmonautes, que pallabra guapa, rusos quieren llanzar una pelota de golf dende la estación espacial p'algamar el golpe más llargu de la historia.
dobru noc

xabel tuvo viendo esti domingu les cares de dalgunos de los demócrates que tuvieron na manifestación obligatoria, en pallabres del presidente de l'avt, del sábadu na capital del país vecín, y colonizador. demócrates como'l perconocíu abogáu ricardo saez de inestrillas, famosu poles sos declaraciones a favor de les instituciones constitucionales, cerca d'otros grandes demócrates como l'antiguu presidente del goviernu español jose maría asnar lópes (tanta preocupación pola situación de llatinoamérica ye lo que tien). a la cabeza la manifestación delles víctimes del conflictu vascu, a les que xabel respeta, montaes nunes ¿motos? modelu auriga cedíes pa la ocasión por una empresa privada, cosa que xabel nun entiende y poro sospecha de dalguna utilización mercantil de les víctimes. xunto a los y les citaes ente un millón y mediu y cienmil persones caminaron pidiendo l'alcuentru del presidente del goviernu español jose luis rodríguez zapatero col so güelu, fusiláu pol exércitu facista demientres la guerra española, y otros glayíos de diferentes menciones al primber ministru español, tamién había xente que s'autoidentificaba cola cadena d'ondes populares (cope), y otra xente diciendo "nel so nome non".

xabel quier mercar una brúxula, nun ye que tea perdíu, non ye que lu pierden los del pp. cuando gas natural fexo la ufierta por endesa dicíen que yera un pagu políticu del psoe a erc; agora que eon, empresa xermana, fai una opa por endesa dicen que zapatero nun tien de xugar al nacionalismu económicu y qu'ha d'aceptar les riegles del llibre mercáu. piensa xabel que los del pp tienen dalgo d'esquizofrenia, y lo malo ye que la treslladen a los súbditos de juan carlos y paez qu'un día o otru van llegar los cuatro xinetes del apocalipsis y van acabar con españa. camienta xabel que si dalguién fizo lo posible por acabar col estáu esi foi'l partíu popular siguiendo les recetes neolliberales al malvender toles empreses estatales, les que nun vendiera por falta de tiempu'l psoe too hai que lo dicir. reflexona xabel que si l'estáu nun esiste qué más dará que tea xuníu y dixebráu.
cuando ta xabel escribiendo falten 125 díes pa qu'en méxico haya un cambiu de gobiernu, pa meyor espera xabel. la via democrática trunfa en llatinoamérica y a persones de talante democráticu como asnar paez que nun-yos presta demasiao. anque como diz la xente "el pueblu xuníu enxamás va ser vencíu!"
dobru nóc