xabel diz que la facilidá de los medios de comunicación pa entitular una noticia o entrevista na que l'asturianu apaeza de refilón ye inaudita, y nos más de los casos inesplicable. asina nuna entrevista al diariu el comercio el presidente de la fade diz que "El bable no es ninguna prioridad para los asturianos" depués hai un silenciu, anque acaba dando la tradicional fórmula de naide nun lu fala na cai (fórmula descartada poles encuestes sociollingüístiques del gobiernu asturianu).

camienta xabel, qu'hasta hai tres minutos taba sollerte a les obres d'al llau so casa, qu'un bon titular de la entrevista podría ser que l'empresariáu asturianu, y internacional, diba entamar a cumplir los convenios, les normatives de seguridá, los horarios llaborales... pero eses cuestiones nun apaecen na entrevista... anque l'estrevistáu nun fuera nin sociólogu, llingüística sinon presidente de la fade y de la cámara de comerciu d'uviéu.
xabel diz que si cuando se quier facer una casa y nun hai planos ye difícil facela, si cuando tas faciendo unos planos y dalguién te los moya, o estropia, alcordaráste de dalgunes coses pero igual les vigues mayestres pónesles onde nun van. n'asturies nun se mira pa los planos pa facer país, n'asturies mírase pa otros planos pa mantener l'actividá como col sable facer castiellos. la verdá perder el tiempu pa escribir obviedaes.

xabel diz que col debate de la alta velocidá (española) del tren vuelven a surdir los debates de los mil bables y la dificultá d'entendimientu de los y les asturianes si nun recurren a recursos foriatos. fundamenta xabel esta afirmación nos múltiples localismos del país, que nun ayuden a resolucionar los problemes del país sinon que los enquisten y toa propuesta de resolución ye vetada por parte del localismu. depués de casi venticinco años d'estatutu d'autonomía la cohesión indentitaria n'asturies nun esiste, y preba d'ello ye'l debate sobre'l tren d'alta velocidá que, supuestamente, aportará en 2010 al país: tres paraes nun radiu de trenta quilómetros y con tiempos actuales de venti minutos per carretera y trenta pela via nun paez que tengan munchu xacíu. xabel nun alarde de localismu, desconocíu hasta la fecha, diz qu'elli quier un apeaderu na h.uente del corral (primera h.uente de puertas, cabrales).
xabel vio l'anuncia de que los hosteleros, y vecinos/es, de la plaza del paragües quieren facer de la plaza un puntu d'alcuentru cultural de la zona vieya d'uviéu. como veceru de la plaza xabel sofita la propuesta entendiendo que son necesarios espacios afayadizos pal alcuentru. claro que nun tou'l mundu piensa como xabel, y los que dicen que la opera ye la única espresión cultural que paga la pena (xabel agora ta col live at royal albert hall de the who) yá tan protestando. nun entiende xabel por qué envede mercar el pisu na zona antigua nun fueron pa les caldes o pa ules o pa dalguna cueva lloñe de la ciudá y los ruidos.
y agora pos nada a esperar porque vengan de madrid a solucionanos los problemes, qu'equí col cuentu los bables nun hai cristo que s'entienda.

xabel diz que nun foi al primber conceyu nacional del bpa, porque nun ye militante nin simpatizante. lo que nun quita pa que xabel s'alégre de qu'el partíu políticu denomináu bloque por asturies, tres años y venticuatro díes dende la so creación y cuasi tres años dende que firmó'l pactu de gobiernu asturianu, s'aconceye, por primer vez, pa decidir les sos llinies ideolóxiques.
inserta xabel el segundu discu de la ópera die walküre dirixía por herbert von karajan y intepretada pola filarmónica de berlín que ye más entretenío.

diz xabel que lo peor de que los años entamen ye'l tener que sintir qu'esti ye l'añu internacional de la llucha contra l'alopecia, comunmente conocía como calvicie, l'añu nacional de llucha contra l'estatut de catalunya, l'añu autonómicu de fomentu de les mil y una variedaes de bables y coses de triba asemeyada; nun niega xabel que toles causes merecen d'una alcordanza sincera sicasí paez-y que nun dexen de ser simples actuaciones de llaváu de les conciencies del mundu occidental. si l'añu pasáu yera l'añu del quixote esti ye l'añu de mozart, y poro, y yá se sabe quien nun tea sintiendo a mozart va ser peor vistu qu'un elefante nuna ferretería, al igual que l'añu pasáu quien nun tuviere lleendo el quixote poco más o menos que diba tener les puertes de l'amistá pesllaes. camienta xabel qu'esti 2006 n'asturies va ser l'añu autonómicu del cementu y formigón. y ye que xabel si puya faelo a sabiendes que tien les de ganar.

seek of truth
follow no path
all paths lead where
truth is here
e.e. cummings

dobru noc