xabel diz qu'oyó a jesús iglesias qu'izquierda xunía defendería'l términu nación p'asturies si ello trayía'l másimu nivel d'autogobiernu pal país; xabel retruca qu'asturies ha denominase nación al marxe d'otros debates paralelos, que non tanxenciales, a les coses hai que les llamar pol so nome y evitar siempre términos que conduzan a la confusión, o que nun representen dafechu la realidá. qu'asturies tien d'algamar autonomía plena pa poder decidir sobre los asuntos que-y competen ye dalgo que camienta xabel nun hai falta recordar.
sal n'asturies.com que s'acaba d'atopar una obra perdía de pepín de pria nomada 'la media cama' la familia tien pensao daila al institutu d'estudios asturianos pa que la espublice. l'idea tien publicaes les demás obres del escritor de nueva, y la familia poro quier que se siga esa tradición. xabel güeya de nel y flor, edición de 1926 de la imprenta de el oriente de asturias, piensa que pocu respetu, pol escritor y la llingua na qu'escribió, tien d'haber cuando piden que s'espublice como galimatíes y non como versu. desprecien lo qu'ignoren.
pa finar xabel quier recordar les pallabres del arcipreste que dan entamu a nel y flor

e porque mijor sea de todos escuchado
fablarvos he por trobas é por cuento rrimado;
es un decir fermoso é saber sin pecado,
razón más plazentera, ffablar más apostado.