xabel diz que pela mañana llamáronlu pa que mirara la páxina 18 de la voz de asturias del 12 de xineru. había una ¿noticia? sobre les elecciones del 13 de xineru al cmu. xabel abrió l edición dixital del periódicu y alcontró la nota, firmada pola redacción. depués de lleer la nota xabel deduz les coses que vienen darréu:
a) la redacción de la voz de asturias fae un xuiciu de valor sobre les candidatures al afirmar qu'una de les dos candidatures "ye más progresista".
b) la redacción de la voz de asturias nun comprueba la composición de la candidatura, incluye a una entidá suplente, y dexa ensin citar a una entidá candidata.
c) la redacción de la voz de asturias diz d'una asociación que ta integrada por jóvenes del pp, vuelve a emitir un xuiciu de valor. lo mesmo sobre lo que se diz del conceyu d'estudiantes nacionalistes y la so supuesta vinculación con izquierda asturiana.
d) l'últimu párrafu entovía ta siendo analizáu llingüísticamente. poro entovía nun hai deducción.
xabel diz que nun taría de más qu'enantes de meter cualquier cosa que llegue a la redacción polo menos tengan el procuru de contrastar la información, a nun ser que se trate d'un mediu sensacionalista, asina como comprobar que les frases tengan sentíu, y nun pasen coses tan gafes como la publicada esi día.
xabel diz que la cercanía a la noticia permite distinguir claramente los errores, o manipulaciones, na mesma. tamién diz xabel que con una nota de prensa d'esi tipu lo más normal sedría facer por constrastala, asturies nun ye tán grande y conocémonos toes y toos. sicasí'l llabor de los profesionales de la voz aveza ser bien bonu, un fallu nun puede condenar a un mediu pa la eternidá, cenciellamente tien de ser un puntu a correxir. (perdón poles 106 pallabres de más)
xabel diz que la cercanía a la noticia permite distinguir claramente los errores, o manipulaciones, na mesma. tamién diz xabel que con una nota de prensa d'esi tipu lo más normal sedría facer por constrastala, asturies nun ye tán grande y conocémonos toes y toos. sicasí'l llabor de los profesionales de la voz aveza ser bien bonu, un fallu nun puede condenar a un mediu pa la eternidá, cenciellamente tien de ser un puntu a correxir. (perdón poles 106 pallabres de más)
4 comentarios:
Camiento que nun esiste mediu «indepentediente», por muncho qu'asina se presente dalgún. Y tamién por esperiencia sé qu'hai noticies a les que nun se-yos presta atención y val dala de cualquier manera (l'últimu párrafu esi, tienes tola razón, menudu enguedeyu pallabrísticu), ensin procuru nengún, porque son consideraes anuncies marxinales pola idiosincrasia del periódicu. Supongo, qu'esti ye un casu.
De xuru qu'hai mui bonos profesionales na prensa asturiano, pero a estes altures del partíu yá nun creo na bondá de nengún mediu.
Per otru llau, préstame lleer el to blog porque, anque nun te conozo, faime tar un poquiñín más informáu. Creo que dices coses mui sensates y con bon xacíu.
xabel diz que por supuestu que nun esiste un mediu independiente, tolos medios tán fechos por persones; y cada persona tien una ideoloxía conreta, quiéralo o non.
el casu ta nuna noticia conreta, publicada por la voz de asturias; noticia que nun foi nin siquiera atendida pola redacción. la cuestión nun ta sólo na meidatización de los medios, cosa esistente en tolos medios.
sicasí, camienta xabel, que la voz de asturias nun va volver cayer otra vegada nesi error, que camienta xabel nun ye dignu de nengún periódicu, y entovía menos nun periódicu cola trayectoria, y historia de la voz de asturias.
Por una vegada voi retruca-y a Xabel. Los medios de comunicación NUN tán fechos por persones, tan fechos por perres, y nel caso que nos ocupa, por perres con nome y apellíos: FSA-progresistes Principau Corporation. Sicasí, el caso de la nota cuido que nun tien que ver cola publicidá contratada, ni les subvenciones, ni los pagos a cuenta. Ye más bien rutina. Una nota prensa que llega, s'enchufa nel cachu páxina y yá. Coles plantíes que tienen los periódicos asturianos nun se-ys pue pidir que verifiquen l'autenticidá de caúna de les notes que-ys lleguen.
dalcuerdu contigo no tocante a les perres. detrás d'eses perres hai intereses, los que faen qu'una nota salga nun mediu o n'otru, o en toos. por supuestu que les plantíes de los periódicos reducense de forma alarmante, que dicir sobre ello del mediu en cuestión.
comprobar la veracidá de la fonte, ye difícil por supuestu, pero non imposible, a nun ser pol peslle de la edición; poner les frases completes habría ser un deber.
agradez xabel los comentarios fechos por ricardo y jesusito, la verdá ye que camienta xabel que tamos toos dalcuerdu nel fondu la cuestión.
Publicar un comentario