xabel según pasa'l tiempu dase cuenta, más entá, de la europeidá de la cultura asturiana. de la que fala con dom sobre les costumes y vezos d'eslovaquia, esto ye cultura eslava un de los tueros principales de la cultura indoeuropea xunta la xermánica, románica y céltica, los güeyos de xabel ábrense al sentir que los díes más importantes del añu, los solsticios, facemos coses enforma asemeyaes, ver que los güeyos tamién se pinten, les fontes s'engalanen, qu'a los frixuelos tamién los nomen crepres... saber que la so llingua tamién tuvo prohibía.
xabel atendió nel foru d'asturies.com a la creación d'esa asociación que se denomina asturies ciudadana que naz cola intención d'algamar firmes pa un proyectu d'unidá nacionalista. esta selmana na sección d'opinión d'asturnews inaciu galán gonzález, reputáu periodista y mayestru d'asturianu, fala sobre,y descúbre, la procedencia de la mentada organización. lo que más sorprendió foi que los promotores d'asturies ciudadana sían militantes de la xuventú asturianista del pas; na que dicir pero paez-y a xabel que la esquierda nacionalista entovía s'alcuerda del 89, mientres que la derecha entovía nun asumió los sos errores.
xabel ta sintiendo'l directu de jethro tull live bursting out del 78, cada vez qu'ian anderson fala suena un pitíu y xabel pensando que la censura entamara depués de que la hermana de michael jackson sacara'l pezón dando premios... ye lo que tien ser nuevu.