xabel diz, como la inmensa mayoría d'europees y europeos, que-y presta que n'iviernu nieve enxemes en cuando. paez que les condiciones climatolóxiques y los vientos de siberia quixeron ser cellebres con esa inmensa mayoría y el vienres entamó a nevar nel país de les y los ástures.

xabel decidió qu'esti domingu diba ser diferente y que tenía ganes de complementar les sos llectures con dalguna del otru llau. de la qu'entraba en quioscu agachóse pa garrar el diariu neocon de pedro jota, que la verdá llamaba l'atención, sobre too, porque anque nun sía un diariu nacionalista, si dedicaba cuasique un 50 o 60% de los conteníos a analizar diferentes casos de nacionalismu y que como colofón ufría un reportaxe d'un principáu italianu, con príncipe incluyíu, que reivindica la so independencia d'italia. los collacios de la lliga anticolonial anduvieron perende, algamando hasta una entrevista col ministru d'esteriores del principáu de segorba. acababa'l monotemáticu de pedro jota con una entrevista de cerca al mayor enemigu de la españa constitucional... carod rovira. el país, según datos del institutu opina, diz que les y los españoles nun creen qu'españa vaya españar.
nun sabe xabel como epilogar esta entrada, ausente d'inspiración decídese por presionar salga lo que salga y hasta siguiente entrada publish post.