xabel diz que si dalgún día'l pueblu asturianu ye a sacar de la poltrona a los/es anguaño dirixentes políticos del país estes persones tendríen un futuru profesional asemeyáu al de la mocedá asturiana. argumenta xabel que mentres n'otros de los países y rexones del estáu tolos políticos tienen un compromisu cola identidá del so país n'asturies los máximos dirixentes eviten y quieren obviar la esistencia de la identidá asturiana, dao que nun tan pol llabor de politizar l'aniciu de la polis asturiana. piensa xabel que bien podía nos venir un ibarra o un chavez equí n'asturies, cualquiera val, pero por favor señor javier fernández si vusté nun tien identidá y exerce la so profesión n'asturies como lo podría facer na islla de perexil váyase vusté a perexil au dicen que les cabres nun tienen problemes políticos d'identidá.
xabel saluda la independencia de la república de montenegro. 13.812 kilómetros cuadraos y 616.258 ciudadanos/es. negocióse'l cómo facer la dixebra, votóse, aceptaráse la voluntá popular y esi pequeñu país del mediterráneu ye llibre y independiente. el procesu denomínase autodeterminación, países como la república arabe saharaui democrática lleven 30 años esperando en metá del desiertu pa poder facer lo mesmo; otros reclámenlo y como si fueren guah.es de teta dícen-yos qu'eso que reclamen nun esiste, y p'amuesa montenegro. autodeterminación.
xabel alcuérdase que cuando hai diez años nun pudo comprar el primber númberu de les noticies y hebo esperar una selmana pa mercar el segundu. foi pal quioscu d'arenas, de xuru que corriendo pa que nun s'escosara como la primber selmana, depués pasaron los años y aquel xestu convirtióse con dalguna interrupción, anque se lleera en trisquel o nel naranco, nun vezu qu'anguaño ye un aliendu pa llevantase los vienres. el 25 de mayu nel teatru filarmónica a les 20,00 hai un actu pa cellebrar los diez años de les noticies, felicidaes y a polos cien años.