la raitana

bien lu vi embarcase
en san xuan de nieva.
bien lu vi que diba
muertu de tristeza...
diba'l probe mozu,
diba pa la guerra,
dexaba los güeyos
clavaos na oriella.

diéron-y la mano
toos los de la aldea.
al dir embarcase
besólu la neña.
diba'l probe mozu,
diba pa la guerra,
dexábala el triste
murriendo de pena.

y al velu arrodiyase
delantre la virxen,
fue a pidí-y la probe
que de les bales lu llibre.

quedará la probe
triste y aflixida,
mas al fin y al cabu
será destinguida
pola cruz de prata
que traerá prendida
el soldáu valiente
sobre'l corazón.

y anque pela guerra
tópase llorando,
cuando venga'l mozu
golverá cantando
y emparexadinos
baxarán xuntinos
a bailar nes fiestes
que fan en xixón.

yo nun se qué tien la tierra
n'u florecen los pumares
onde aruma igual qu'un güertu
de tomíos y rosales.

Y convida con luisines piquiñines
y con roses arumoses de mañana,
y mas tarde recrearáse pela aldea
con cantinos escoyíos la Raitana.

lletra: pepín de pria