xabel diz que la doble señalización de los topónimos de los llugares y sitios asturianos ye un de los másimos esponentes de literalización de les lleis, a la forma del gobiernu. anduvo caleyando xabel peles cuenques viendo la de llugares cola doble toponimia alcontrando milenta casos nos que la forma supuestamente castellana del topónimu asturianu nin siquiera yera la traducción del topónimu asturianu, o dalgunos otros nos que la forma castellana cenciellamente acababa d'inventase. nun s'asusta xabel porque sabe quien ta ¿gobernando? el país...pero da-y perceguera ver eses coses.
supo xabel d'una ballena/ballena/whale entró en llondres/londres/london y sacáronla del támesis/thames porque'l riu nun yera'l sitiu onde tenía que tar la ballena/ballena/whale. la frase anterior ye verdá, pero la triple denominación de los nomes fae que nun pueda ser tomada en seriu. lo mesmo cola doble toponimización. lo mesmo que la ballena varada en frente'l parlamentu nun tien capacidá pa denominar el riu onde nadaba tranquilamente d'otra forma que nun sía thames, porque esi ye'l nome que-y dio'l pueblu de london, naide tien derechu a obligar a los y les ciudadanes a llamar al so llugar d'otra forma que nun sía la que-y dieron demientres sieglos. pasos p'alantre sí, y a sofitalos, pasos a nenguna parte non, y a dir contra ellos pa qu'entamen a dir p'alantre, pasos p'atrás nengún, y d'habelos a combatir. tolos pueblos col nome popular.
llegó xabel cansú pa casa, caminar nun aveza ser lo de so anque reconoz que-y presta ver, mirar, observar, comparar, querer aplicar lo bono y deprender de lo malo p'aplicalo cuando la ocasión sía propicia.
dobrú noc