pasó xabel la mañana delantre la xunta xeneral del principáu d'asturies esperando a que llegara'l director del ente de radio y televisión asturiana, que tenía comparecencia a petición del grupu popular, entro'l señor pela puerta d'atrás; asustáu, quien sabe, por diez defensores d'un ente que s'esprese vehicularmente nel idioma del país. alcordóse xabel de dalgún presidente autonómicu, bon collaciu de la tortiella, que na inauguración de dalgún centru educativu hebo facer lo mesmo, y con ello d'aquella frase, o rima, del chavo del ocho "ahí viene el perro arrepentido, con las orejas tan gachas, con la mirada perdida, el rabo entre las piernas, ahí viene el perro arrepentido, con las orejas tan gachas, con la mirada perdida, el rabo entre las piernas, ahí viene el perro arrepentido, con las orejas tan gachas, con la mirada perdida, el rabo entre las piernas" acababa diciendo federico "ah ya cállate, cállate, callate que me desespeeeras". y ye que nun se puede permitir que los y les representantes públicos nun tengan el valor d'apaecer ente la ciudadanía. el control de la clas política nun pue quedar relegáu a periodos de cuatro años, ha facese nel día a día.
xabel supo, depués, que la rtpa va tener emisiones per satélite, na era d'internet escaécenla polo que paez, pa que los y les emigrantes asturianos puedan ver la tele de tini. xeneralista, de producción esterna, menos los informativos, con poques películes, con muncho fútbol (. una tele como les demás. amúrniase xabel en ver la poca perspectiva del gobiernu, cuando podíen facer un mediu innovador faen lo que saben copiar, y mal.
xabel nun teniendo más pallabres qu'agregar a esta entrada decide asoleyala a la lluz d'internet. síganme los/es bonos/es.

xabel diz que cuando la llibertá d'espresión vétase pa que les retrasmisiones de la canal autonómica de televisión sían pulcres y inmaculaes, dalgo ta fallando nel engranaxe del -supuestu- sistema democráticu asturianu. Les polítiques de negación, y ocultación, de la relidá sociullingüística asturiana paecen ser un leit motiv d'un gobiernu que muerre d'inanición y de falta de voluntá política pa desempeñar les xeres encomendaes pola ciudadanía.
mientres en marruecos el director del únicu selmanariu en llingua castellana del reinu alcuéntrase en prisión, nun tardaremos muncho en ver al señor presidente del principáu reclamar la so inmediata lliberación, n'asturies militantes de los derechos llingüísticos nun pueden facer visibles les sos demandes porque esi nun ye'l sitiu de faceles públiques...un campu de fútbol. Si bien nun hai privación de llibertá, eso nun xustifica n'absolutu la privación del derechu constitucional a la llibertá d'espresión. pero claro igual hai más coincidencies ente'l réxime marroquín y el réxime asturianu. el problema alcuéntrase en poder sacales a la lluz, facer esi estudiu comparáu, ensin negar por supuestu qu'equí gociamos d'un réxime democráticu que pa sí quixeren los y les marroquines.
xabel diz que si asina entamen les retrasmisiones de la televisión autonómica asturiana, nun se va preocupar muncho de sintonizala ente les cuarenta primeres canales. y ye que nin pa entamar una canal d'autopublicidá tienen vagar.